Gossip Lanka News.lk

සිරස එෆ්එම් හි ජනප්‍රිය චරිත දෙකක් බවට පත්ව සිටි චතුර ලක්මාල් (ටාසන් බාප්පා) හා සනත් රත්නායක (දහසක් මල් වැඩසටහනේ නිවේදක) ඊ.ඒ.පී. මාධ්‍ය ජාලය හා සම්බන්ධිත කලම්බු කමිනිකේෂන් පුද්ගලික සමාගම විසින් පවත්වාගෙන යනු ලබන ශ්‍රී එෆ්එම් නාලිකාවට ගන්නා බවට ලබාදුන් පොරොන්දුවක් හේතුවෙන් ඔවුන්ගේ පෙර රැකියා අහිමිවී ඇතැයි වාර්තා වේ.
අදාල ආයතනයට විශාල වැටුපකට ගැනීමට පොරොන්දුවී අවසානයේ එම පොරොන්දුව කඩකර ඇති අතර ඒ වන විට ඔවුන් සේවය කළ ආයතනවලින් ඉල්ලා අස්වීම නිසා මේවන විට ඔවුන්ට රැකියා අහිමිවී ඇති බවද පැවසේ.
මෙසේ පොරොන්දු කඩ කර ඇත්තේ ඊ.ඒ.පී. ආයතනයේ ශ්‍රී එෆ්එම් නාලිකාවේ පරිපාලන ප්‍රධානියකු ලෙස නම් කළ තුෂාන් මහතා විසින් බවද වාර්තා වේ.
ඔහුට අදාල පොරොන්දුව කඩ කිරීමට සිදුව ඇත්තේ ඊ.ඒ.පී.ආයතනයේ සභාපතිනිය වන සොමා එදිරිසිංහ ඔහුව  හදිස්සියේම අදාල තනතුරෙන් පහ කිරීම නිසාය.
තුෂාන් මෙසේ ඊ.ඒ.පී.යේ තැනින් විසිවෙන චරිතයක් බවට පත්ව ඇති බවද මේ අතර වාර්තා වේ.
පසුගිය කාලයේදී ඊ.ඒ.පී. ආයතනයේ චිත්‍රපට හා බාර් වල අධ්‍යක්ෂවරයා ලෙස සේවය කරනු ලැබුවේ අසංක එදිරිසිංහ මහතාය.
එහි ඊ.ඒ.පී. මාධ්‍ය ජාලයේ සියලු කටයුතු බලා කියා ගත්තේ ජීවක එදිරිසිංහ මහතාය.
ඊ.ඒ.පී. සභාපතිනියගේ නව තීරණයකට අනුව ජීවක අදාල තනතුරෙන් ඉවත්කර ඒ සදහා අසංක පත් කළේය.
අසංක පත්ක විගස ඔහු සිය කටයුතු වන ප්‍රධානියා ලෙස සේවය කළ තුෂාන් ඊ.ඒ.පී. මාධ්‍ය ජාලයේ ප්‍රධාන විධායක නිලධාරියා බවට පත් කළේය.
කෙසේවවුද ඔහු අදාල ආයතනය විසින් නිළියක හා දකුණු පළාත් මන්ත්‍රීනියක වන අනර්කලී ආකර්ෂාට එහි සභාපතිනිය වන සෝමා එදිරිසිංහ ගෙවනු ලබන විශේෂ වේතනයක් සම්බන්ධයෙන් විරෝධය දැක්වීමෙන් පසුව ඔහු අදාල තනතුරෙන් ඉවත්කර තිබිනි.
පසුව අසංක මහතා ඔහු ශ්‍රී එෆ්එම් නාලිකාවේ පරිපාලන ප්‍රධානියා බවට පත් කළ අතර මේවන විට ඔහු එම තනතුරෙන්ද ඉවත්කර ඇතැයි වාර්තා වේ.
කෙසේවවුද තුෂාන් මහතා මේවන විට ප්‍රධානත්වය දරන ඊ.ඒ.පී. චිත්‍රපට අංශයෙන්ද ඉවත්වීමට තීරණය කර ඇතැයි වාර්තා වේ.
ශ්‍රී ලංකා මිරර්

ලංකාවේ පැවැත්වීමට නියමිත පොදුරාජ්‍ය මණ්ඩලයීය නායකයන්ගේ සමුළුවේ ප්‍රවාහණ කටයුතු සදහා බී.එම්.ඩබ්ලිව්.(BMW) මෝටර් රථ 100 ක් හා රොල්ස් - රොයිස් (Rolls - Royce) මෝටර් රථ 12 ගෙන්වීමට විදේශකටයුතු අමාත්‍යංශය සැරසෙන බව වාර්තා වේ.
මෙම මෝටර් රථ සෘජුවම ආනයනය කරන්නේද නැත්නම් ප්‍රති අපනයනය සදහා ගෙන එන්නේද යන්න පිළිබදව මෙතෙක් හෙලිවී නොමැත.
සාමාන්‍යෙයන් මෙවැනි රාජ්‍ය නායක උළෙලකට රොල්ස් රොයිස් ගොස්ට් (Rolls - Royce Ghost) වර්ගයේ මෝටර් රථ හා බී.එම්.ඩබ්ලිව්. සෙවන් සීරිස් (BMW - 7 Series) මෝටර් රථ භවිතා කිරීම සිදු කෙරේ
රොල්ස් රොයිස් ගොස්ට් (Rolls - Royce Ghost) වර්ගයේ මෝටර් රථයක් ඇමරිකානු ඩොලර් 246,500 සිට 290,000 දක්වා මිල ගණන්වල පවතී. (රුපියල් 31,552,000 සිට 37,120,000)
බී.එම්.ඩබ්ලිව්. සෙවන් සීරිස් (BMW - 7 Series) වර්ගයේ මෝටර් රථයක් ඇමරිකානු ඩොලර් 73,000 සිට 140,000 දක්වා මිල ගණන්වල පවතී. (රුපියල් 9,344,000 සිට 17,920,000)

ඔක්ටේන් අගයන් ඉහළ දමමින් මේ වන විට වෙළඳපොලේ භාවිතා වන පෙට්‍රල් නවීකරණය කිරීමට කටයුතු කරන බව ඛනිජ තෙල් කර්මාන්ත අමාත්‍ය අනුර පි‍්‍රයර්ශන යාපා ප‍්‍රකාශ කරයි.
අද (15) කුලියාපිටියේ පැවති උත්සවයකට සහභාගී වෙමින් අමාත්‍යවරයා ‍මේ බව ස‍ඳහන් කර තිබේ.
මේ අනුව, ඔක්ටේන් 90 පෙට්‍රල්, ඔක්ටේන් 92 ලෙසටත්, ඔක්ටේන් 95 පෙට්‍රල්, ඔක්ටේන් 98 ලෙසටත් නවීකරණය කර වෙළඳපොලට නිකුත් කිරීමට සැලසුම් කර ඇති බව ඛනිජ තෙල් අමාත්‍යවරයා පවසා තිබේ.
උසස් ඉන්ධන වෙළඳපොලට නිකුත් කිරීමේ අරමුණින් මෙම නවීකරණය සිදුකෙරෙන බව අමාත්‍යවරයා වැඩිදුරටත් සඳහන් කර තිබේ.

ජනාධිපතිතුමා එම තනතුරේද තමා අධ්‍යාපන ඇමැති ධුරයේද සිටිනතාක් කල් ගුරුවරියන්ගේ දැනට අඳින ඇඳුම වෙනස් කිරීමට ඉඩ නොදෙන බව අධ්‍යාපන ඇමැති බන්දුල ගුණවර්ධන මහතා අවධාරණය කරයි.
ඇමැතිවරයා එසේ අවධාරණය කෙළේ, ගුරුවරියන්ට සාරිය ඔසරිය වෙනුවට නව නිල ඇඳුමක් හදුන්වා දීමට තීරණය කර ඇතැයි ඊයේ මාධ්‍ය වල පලවී තිබු වාර්තා සම්බන්ධයෙන් අදහස් දක්වමිනි.
අධ්‍යාපන අමාත්‍යංශයේදී ඊයේ (14දා) සවස පැවැති මාධ්‍ය හමුව අවසානයේ මාධ්‍යවේදිනියක් එම පුවත ගැන විමසූ විට සිය මතය පැවැසූ ඇමැතිවරයා, 'කවුද එහෙම කියලා තියෙන පිස්සු අධ්‍යාපනඥයෝ. සදාචාරයක් සංවරයක් තියෙන්න ඕනෑ. ජනාධිපතිතුමා ජනාධිපති තනතුරෙත් මා අධ්‍යාපන ඇමැති ධුරයෙත් ඉන්න තාක්කල් ගුරුවරියන්ගේ දැන් ඇඳුම වෙනස් කරන්න දෙන්නේ නැහැ'යි පැවැසුවේය.

එල්.ටී.ටී.ඊ.යට අයත් භාණ්ඩ ප්‍රවාහන නෞකාවක් විකිණීමට එම සංවිධානයේ කණ්ඩායමක් කටයුතු කරමින් සිටින බව වාර්තා වේ.
පසුගිය කාලයේදී මේ නැව ආසියාවත්, අප්‍රිකාවත් අතර භාණ්ඩ ප්‍රවාහණයේ යොදවා තිබූ බවද පැවසේ.
මෙය තනි පුද්ගලයකුගේ නමට ලියාපදිංචි කර තිබූ එකක් බවද වාර්තා වේ.
අදාල නෞකාව අත්පත්කර ගැනීමට එල්.ටී.ටී.ඊ. යේ ජාත්‍යන්තර කටයුතු සම්බන්ධයෙන් ප්‍රබල කණ්ඩායමක් වන 'කස්ත්‍රෝ' කණ්ඩායම පසුගිය කාලයේදී ප්‍රබල උත්සාහයක නිරත වූ බවද පැවසේ.
'කස්ත්‍රෝ' කණ්ඩායම තවමත් හිටපු එල්.ටී.ටී.ඊ. නායක ප්‍රභාකරන්ගේ නායකත්වය පිළිගන්නා අතර, යුද්ධයෙන් දෙමළ ඊළමක් ගොඩ නැගිය යුතුයැයි සිතන නොවේර්හි සිට 'නෙදියවන්ගේ' නායකත්වයෙන් ක්‍රියාත්මක වන කණ්ඩායමකි.

සපුගස්කන්ද තෙල් පිරිපහදුවේ තෙල් පිරිපහදු කටයුතු තාවකාලිකව සතියකට නතර කිරීමට තීරණය කර ඇතිබව වාර්තා වෙයි.
 දැවී තෙල් රැගෙන පැමිණීමට නියමිතව තිබු නැව අතර මගදී යාන්ත්‍රික දෝෂයකට ලක්වී ඇතිවී ඇති බවත් මෙම 16 වනදා ඒම නැව පැමිණීමට නියමිතව තිබනද එය එසේ සිදු නොවුන හොත් තෙල් පිරිපහදුව තාවකාලිකවන සතියකට නතර කිරීමට සිදුවන බවත් රොයිටර් පුවත් සේවය වාර්තා කරයි.
 වැඩි දුරටත් එම පුවත් සේවය වාර්තා කරනුයේ නඩත්තු කටයුතු සදහා තෙල් පිරිපහදු කටයුතු දින දෙකකට නතර කරන බව නිල වශයෙන් වාර්තා වන බවයි.
 ඛනිජ තෙල් කර්මාන්ත අමාත්‍යංශයෙන් මේ පිළිබද විමසීමේදී අමාත්‍යංශය සදහන් කලේ නඩත්තු කටයුතු සදහා මිට පෙර කල සැලසුමකට අනුව මැයි 17 වනදා සිට දින දෙකක් තෙල් පිරිපහදු කිරීම නතර කරන බවයි.
 දැවිතෙල් රැගෙන එන නෞකාව මැයි 16 වනදා මෙරටට ලගාවන බවත් එය එසේ නොවුන හොත් ගන්නා පියවර අද සවස දැනුම් දෙන බවත්ය.

සිරස එෆ්.එම් නාලිකා ප්‍රධානී තනතුරෙන් ඉවත්වන ලෙසට එස්.එම් මරික්කාර් හට මහරාජා ආයතනයේ සභාපති කිලී මහරාජා විසින් උපදෙස් ලබාදී ඇති බව වාර්තාවේ.
 ඊට හේතුව ලෙස පැවසෙන්නේ මරික්කාර් අදාල තනතුරට පත්වීමත් සමග එම නාලිකාවේ තිබූ අනන්‍යතාවයන් විනාශවූ බවට චෝදනා එල්ලවී තිබීමයි.
 ඒ අනුව ඔහුගෙන් හිස්වන එම තනතුර මීට පෙරද එම තනතුර දරා ඇති පසුගියදා වසාදැමුණු කිරුළ එෆ්.එම් හි නාලිකා ප්‍රධානී තනතුර දැරූ කිංස්ලි රත්නායක හට හිමිවනු ඇති බවයි මාධ්‍යය ක්ෂේත්‍රයේ ආරංචිමාර්ග පෙන්වාදෙන්නේ.
 එමෙන්ම සිරස න්‍යාය පත්‍රය අනුව කටයුතු කල නොහැකි නම් වෙනතක් බලාගන්නා ලෙසටද කිලී මහරාජා විසින් මරික්කාර් හට දන්වා ඇති බවයි වාර්තාවන්නේ.
 කෙසේ වෙතත් එම ආරංචිමාර්ග පෙන්වාදෙන්නේ මරික්කාර් මීළඟ පළාත් සභා මැතිවරණයකදී කොළඹ දිස්ත්‍රික්කය වෙනුවෙන් එක්සත් ජාතික පක්ෂය යටතේ ඉදිරිපත්වීමට සූදානම්වී සිටීම නිසා ඔහුට මෙවැනි සැලකිලි ලැඛෙන බවයි.

හම්බන්තොට මත්තල මහින්ද රාජපක්ෂ අන්තර්ජාතික ගුවන්තොටුපළේ කාර්ය සාධනය වැඩි දියුණු කිරීම සදහා සිවිල් ගුවන් සේවා අමාත්‍ය පියංකර ජයරත්න මහතා විසින් හය දෙනෙකුගෙන් යුතු කමිටුවක් පත්කරනු ලැබ ඇත.
 මෙම් කමිටුවේ සභාපතිවරයා ලෙස සිවිල් ගුවන්සේවා අමත්‍යංශයේ ලේකක් වෛද්‍ය රවින්ද්‍ර රුබේරු මහතා පත්ව සිටින අතර සිවිල් ගුවන්සේවා අධිකාරියේ අධ්‍යක්ෂ ජනරාල් එච්. එම්. නිලමසිරි ගුවන්තොටුපල සහ ගුවන්සේවා සමාගමේ උපසභාපති කමල් රත්වත්ත සිවිල් ගුවන්සේවා අමාත්‍ය උපදේශක ධම්මික ආටිගල ශ‍්‍රී ලංකන් සහ මිහින්ලංකා ගුවන් සමාගම්වල ප‍්‍රධාන විධායක නිලධාරී කපිල චන්ද්‍රසේන සිවිල් ගුවන්සේවා අමත්‍යංශයේ අතිරේක ලේකම් කේ. එම්. එස්. පී. රත්නායක යන මහත්වරු කමිටුවේ සෙසු සාමාජිකයින් වේ.
 මෙම කමිටුව මගින් මත්තල ගුවන්තොටුපළේ දෙවැනි අදියර සංවර්ධනය කිරීමේදී ප‍්‍රමුඛතාවය ලබාදිය යුතු ක්ෂේත‍්‍ර හදුනා ගැනීමටත් පවත්නා තත්ත්වය යටතේ වඩාත් කාර්යක්ෂම කිරීම පිණිස අවශ්‍යවන යටිතල පහසුකම් කවරේද යන්න හදුනාගැනීමත් කළ යුතු බව පැවසේ.

වැහි පීලිවලින් තොර ගොඩනැගිලි හා නිවාස ඉදිකිරීම සඳහා නෛතික රාමුකවක් සකස් කිරීමට සෞඛ්‍ය අමාත්‍යංශය තීරණය කර තිබේ.
 මෙරට නාගරික ප්‍රදේශවල ඩෙංගු රෝග තත්ත්වය ඉහළ යාමට ප්‍රධාන සාධකයක් ලෙස වැහි පීලි හේතු වන බව වසංගත රෝග විද්‍යාඥයින් සහ කීටවිද්‍යාඥයින් සිදුකරන ලද පරීක්ෂණවලින් හෙළිවී ඇති බව සෞඛ්‍ය අමාත්‍යංශය සදහන් කරයි.
 විශේෂයෙන්ම මදුරුවන් බෝවන ස්ථාන නඩත්තු නොකරන වැහි පීලි ආශ්‍රිතව මෙම තත්ත්වය උද්ගතවී ඇති බව ඔවුන් පෙන්වාදී ඇත.
 ඒ අනුව නිවාස හා ගොඩනැගිලිවල වැහි පීලි සවි කිරීම වැළැක්වීම සම්බන්ධව කඩිනම් පියවරක් ගන්නා ලෙස ද ඔවුන් සෞඛ්‍ය අමාත්‍යංශයට දැනුම් දී තිබේ.
 ඒ අනුව මෙරට නාගරික ප්‍රදේශවල ඉදිකිරීමට යෝජිත නිවාස හා ගොඩනැගිලි වැහි පීලි නොමැතිව ඉදිකිරීම සම්බන්ධයෙන් විශේෂ සාකච්ජාවක් සෞඛ්‍ය අමාත්‍ය මෛත්‍රීපාල සිරිසේන මහතාගේ ප්‍රධානත්වයෙන් සෞඛ්‍ය අමාත්‍යංශයේ දී පවත්වා ඇත.
 එහිදී මේ සම්බන්ධයෙන් අමාත්‍ය මණ්ඩල අනුමැතිය සහිතව වාර්තාවක් සකස් කිරීම, හා එය ක්‍රියාත්මක කිරීම නිවාස හා ගොඩනැගිලි වැහි පීලි නොමැතිව ඉදිකිරීමට අවශ්‍ය වන නීතිමය ප්‍රතිපාදන සඳහා දැනට තිබෙන පනත් සංශෝධනය කිරීමටත් යෝජනා වී තිබේ.
 එමෙන්ම නාගරික සංවර්ධන අධිකාරී බලප්‍රදේශවල මෙම තීරණය ක්‍රියාත්මක කිරීමට අදාළව නව රෙගුලාසි සකස් කිරීමට ද තීරණය කර ඇති බව සෞඛ්‍ය අමාත්‍යංශය සඳහන් කරයි.

විමල් විරවංශ අමාතවරයා තම සංවිධානයට නෝර්වේ, අමෙරිකාව ඇතුළු බටහිර රටවලින් අරමුදල් ලැබුනු බවට ඔප්පු කළහොත්,  ජාතියෙන් සමාව ගෙන පැය 2ක් ඇතුළත තම සංවිධානය විසුරුවා හරින බව බොදු බල සේනා සංවිධානය අවධාරණය කර සිටියි.
එසේ ඔප්පු කිරීමට නොහැකිවුවහොත් විරවංශ මහතා ඇමති ධුරයෙන් ඉවත්වී  අමුඩයක්  ගසා ගෙන ගෙදර යායුතු බවද එම සංවිධානය පවසයි.
බොදුබල සේනා සංවිධානයේ ලේකම් පූජ්‍ය ගලගොඩඅත්තේ ඥාණසාර හිමියන් මෙම කාරණය සඳහන්  කරනු ලැබුවේ කොළඹ අද (13) පැවති මාධ්‍ය හමුවකදිය.
නොර්වේ හා ඇමරිකානු සංචාර, අමාත්‍ය විමල් වීරවංසගේ චෝදනා සහ අසාද් සාලිගේ අර්බුදය යන කරුණු පිළිබඳව බොදු බල සේනා මතය පැහැදිලි කිරීම සඳහා  මෙම විශේෂ මාධ්‍ය සාකච්ජාව කැඳවා තිබිණ.
බුදුන් වහන්සේ ලංකාවේ ඉපදී ඇති කියමින් බුද්ධාගම හැල්ලුවට ලක්කරන කල්ලියක් සිටින බවත්, අමාත්‍ය විමල් විරවංශ මහතාගේ බිරිඳ එහි සාමාජිකාවක් ලෙස සැකකරන බවත් උන්වහන්සේ එහිදී පැවසිය.
 බොදුබල සේනා සංවිධානය පිහිටුවීමෙන් පසු එහි සාමාජිකයන් කිසිදු අවස්ථාවක නෝර්වේ රාජ්‍යයට ගොස් දෙමළ ඩයස්පෝරාව සමග සාකච්ඡා නොකළ බව එහිදී උන්වහන්සේ යලි යලිත් අවධාරණය කළේය.
කෙසේවුවද අමාත්‍ය විමල් වීරවංශ මහතා තලවකැලේ - ලිඳුල ප‍්‍රදේශයේ  පෙරේදා(11) පැවති උත්සවයකට එක්වෙමින් කියා සිටියේ,  මුස්ලිම් ජනතාවට විරුද්ධව කටයුතු කරන බෞද්ධ සංවිධානයක් දෙමළ ඩයස්පෝරාව සමග සම්බන්ධතා පවත්වා ඇති බවට අනාවරණය වී ඇති බවයි.

ගිණිකොන දිග බෙංගාල බොක්ක ප‍්‍රදේශයේ පවතින සුළි කුණාටුවට 'මහසෙන්' යන නම භාවිත කිරීම පිළිබඳ 'රාවනා බලය' සංවිධානය විරෝධය පළ කර සිටියි.
'මහසෙන්' වැනි රජතුමකුගේ නමක් මෙවැනි විනාශකාරී සුළි කුණාටුවට නොයොදා , 'මහසෝනා' හෝ 'ප්‍රභාකරන්' වැනි නමක් ඊට යොදා ගත්තේනම් වඩා යහපත් බව පැවසු එහි ලේකම් පූජ්‍ය ඉත්තෑකන්දේ සද්ධාතිස්ස හිමියන්, ඒ සම්බන්ධයෙන් වැඩිදුරටත් මෙසේ ද සඳහන් කළේය.
'' ලංකාවේ මේවනවිට පවතින වැසිබර කාලගුණය සම්බන්ධව කාලගුණ දෙපාර්තමේන්තුව දාලා තියන නම 'මහසෙන්'.  මහසෙන් කියන නම ඔවුන් මොන හේතුවක් නිසා පාවිච්චි කලාද දන්නේ නැහැ. ඉතිහාසය පිළිබඳව හරියට නොදන්නා අයගේ මෝඩකමක් හැටියටයි අපි එය දකින්නේ.
ඕකට 'මහසෝනා' කියලා දැම්මනම් කමක් නැහැ. එහෙමත් නැත්නම් 'ප්‍රභාකරන්' කියලා යොදා ගත්තනම් වඩාත් හොදයි.
නමුත් නමක් යොදනකොට ඉතිහාසය පිළිබඳව හරි අවබෝධයක් ඇතිව යොදන්න ඕන. එනිසා 'රාවනා බලය‘ සංවිධානය විදියට අපි, රට පාලනය කල රජවරුන්ගේ නම් එක එක විනාශකාරී දේ වලට යොදා ගැනීම පිළිබඳව අපගේ දැඩි පිළිකුල හා අප්‍රසාදය  කාලගුණ දෙපාර්තමේන්තුවට පළකර සිටිනවා ''.
ගෝඨාබය රජුගේ කණිටු පුත්‍රයා වූත් ජෙට්ඨතිස්ස රජුගේ බාල සොහොයුරා වූත් මහසෙන් කුමරා ක්‍රි.ව.276 වසරේදී රජ විය. ඔහු සිහසුනට පත් වූයේ ඊට පෙර වසර දහසක් රජකම් කළ ජෙට්ටතිස්ස රජුගේ අභාවයෙන් පසුවය. දීපවංස හා මහාවංස යන පැරණී වංසකථා මහසෙන් රජුගේ පාලන කාලයෙන් කෙළවර වෙයි. මහසෙන් රජුගේ පුත්‍රයා ඇතුළු එයින් පසුව එන රජවරු අයත්වන්නේ මහාවංසයේ දෙවන කොටසටය.

2007 නොවැම්බර්  12 වනදා දහවල් මීගමුව රෝහලට ප්‍රතිකාර පිණිස පැමිණි අවු 22ක් වූ චමිලා දිසානායක නම් තරැණීයක් එදිනම පැය කීපයකට පසු  රෝහලේ  06 වන   තට්ටුවෙන් බිමට  ඇද වැටුණි.  මීගමුව රෝහලේ සිට රාගම රෝහලට ගෙන යන අතර වාරයේදී ඇය මිය ගියාය.
මෙම තරුණියගේ දේහය සම්බන්ධයෙන් ඇතිවූ සැකකටයුතු තත්ත්වය නිසා මිගමුව පොලීසිය විසින් සිදුවීම ආසන්නයේදීම එවකට මීගමුව රෝහලේ සේවය කරමින් සිටි  වෛද්‍ය බාලගේ ඉන්දික  සුදර්ශනව (33 )  සැක පිට අත්අඩංගුවට ගෙන මීගමුව රක්ෂිත බන්ධනාගාරගත කරන ලදි.
මොනරාගල පදිංචි   නිදහස් වෙළද කලාපයේ  ස්මාර් ෂර්ට් ආයතනයේ සේවය කළ මෙම තරුණියගේ ඝාතනය සම්බන්ධයෙන් සැකපිට අත්අඩංගුවට පත් වෛද්‍ය බාලගේ ඉන්දික සුදර්ශන නමැත්තාට   එරෙහිව නීතිපති විසින් තරුණියක දූෂණය කර මරා දැමූවේ යැයි අධිචෝදනා ගොනු කර තිබේ.
2013 වසරේ මෙම ඝාතන නඩුවේ සාක්ෂි විභාග කිරීම් කීපයක් පැවැත්වුණ අතර අප්‍රේල් මස 29 වන දිනත් රෝහල් සේවකයෙක් හා සේවිකාවක් විසින් අධිකරණයේ සාක්ෂි දෙන ලදි.
නැවතත්  මෙම ඝාතන නඩුවේ සාක්ෂි විභාගයක් මැයි මස 06 වනදා පැවැත්වූ අතර එදින එම මරණය පිළිබඳව පශ්චාත් මරණ පරික්ෂණය සිදුකළ රාගම වෛද්‍ය පීඨයේ කථිකාචාර්‍ය හා විශේෂඥ අධිකරණ වෛද්‍ය නිලධාරි බී. ප්‍රසන්න ප්‍රියංජිත් මහතා මීගමුව මහාඅධිකරණය හමුවේ පෙනී සිටියේය.
චමිලා ඝාතනය වීමට පෙර ඇයට ලිංගික බලහත්කාරකමක් සිදුකර ඇතැයි ද ඒ බවට ඇගේ සිරුරේ සහ ඇදුම්  පරීක්ෂාවට ලක්කිරීමේදී පෙනී ගිය බවට ඔහු විසින් ප්‍රකාශ කරන ලදී.
චමිලා දිසානායකගේ  ඝාතනය සම්බන්ධයෙන් නැවතත්  සාක්ෂි  විභාගයක් මැයි මස 09 වනදා මීගමුව මහ අධිකරණයේදී   සිදුවිය. ඊයේ (09 )මීගමුව මහා අධීකරණයේ  පැවති නඩු  විභාගයේදී ඇගේ දේහය සම්බන්ධව සිදුකරන ලද රජයේ රස පරීක්ෂණ වාර්තාවේ ඇතුලත් කරුණු පුර්ණ විමර්ශනයකට ලක්විය.
මෙම නඩුවේ පැමිණිල්ල මෙහෙයවන රජයේ නීතිඥවරයා විසින් රජයේ රස පරීකෂණ වාර්තාව පිළිබදව ද විමසා සිටි අවස්ථාවේ ඒ ගැන  පැහැදිලි කිරිමක යෙදුන  විශේෂඥ අධිකරණ වෛද්‍ය ප්‍රියන්ජිත් පෙරේරා  මහතා කියා සිටියේ  රස පරීක්ෂණය සදහා, අමාශය තුළ ඇති ද්‍රව්‍ය, පිත, ලේ, මොලේ සාම්පලයන් හා පෙනහළු ලබාගෙන තිබුන අතර ඒවායේ කිසිදු විෂ  ද්‍රව්‍යයන් වන  කෘෂි රසානික ද්‍රව්‍ය, සයිනයිඩ්, ලෝහමය සහ වෙනත් විස රසායන ද්‍රව්‍ය නොතිබූ බවයි.
එමෙන්ම මොලේ කොටස් වලද ක්ලෝරෆෝම් නමැති ද්‍රව්‍ය කොටස් ද නොමැති බව   අධිකරණ වෛද්‍යවරයා  විසින් පවසන ලදී. ඒ අනුව  පෙනි යන්නේ චමිලා සිය දිවි හානිකර ගැනිම සදහා මේ කිසිවකු භාවිතා කර නොමැති බවය.
එමෙන්ම   මරණ පරීක්ෂණයේදී නිරීක්ෂණ කර තිබු  පරිදි ඇගේ ශරීරය තුළ  අභ්‍යන්තර ලේ ගැලීම් පිළිබදව තවදුරටත් කරුණ පැහැදිලි කළ අධිකරණ වෛද්‍ය නිළධාරි ප්‍රියංජිත් මහතා පවසා සිටියේ,  සිරුරේ මෘදු පටක තැලීම් සිදුවී තිබූ බවය.
එමෙන්ම වකුගඩු සුදුමැලිවී තිබු බවද දන්වා සිටියේය. එමේ සිදුවන්නේ  අධික රුධිර වහනයක් සිදුව තිබෙන නිසා බවත් දන්වා සිටියේය.
එමෙන්ම දූෂණයට ලක්විමට පෙර චමිලාගේ ගෙල මිරිකා තිබුන බවද සිය නිරික්ෂන වල අන්තර්ගත බව  දන්වනු ලැබිය. ඇස්වල සහ කන්පෙත්තේ ඇතිව තිබූ ලේගැලීම් අනුව එය නිගමනය කළ හැකි බවද ප්‍රකාශ කළේය.
චමිලා 06 වන මහලෙන් වැටෙන අවස්ථාව වන විට ඇයගේ සිහියේ ප්‍රකෘති තත්ත්වය පිළිබදව  ද විමසීමක් පැමිණිල්ල මෙහෙයවන  නීතිඥවරයා විසින්   සිදුකරන ලදී.
‘‘ඇයගේ අත්වල වර්ණ කිසිවක් තිබුණේ නැහැ. උඩකින් වැටෙන අවස්ථාවේදී  යම් පුද්ගලයෙකුට සිහිය තිබෙනවා නම්, ඒ කෙනා  තම සිරුරේ සංවේදි  අවයව බේරා ගැනීමට අතපය ඉදිරියට දානවා. එහෙම දැම්මා නම් ඇගේ අත්වල ඒ ලක්ෂන තිබිය යුතුයි. ඇයගේ  අත්වල වර්ණ කිසිවක් තිබුණ් නෑ.   එබැවින් ඒ අවස්ථාවේ  සිහි නැතිව සිටි බව නිගමනය කළ හැකියි.”   යනුවෙන් පවසා සිටින ලදි.