Gossip Lanka News.lk

ජංගම දුරකතන අවම ගාස්තුව තවදුරටත් පහළ දැමීම සඳහා දුරකතන සමාගම්වලට අවසර ලබාදීමට විදුලි සංදේශ නියාමන කොමිෂන් සභාව තීරණය කර ඇති බව එහි අධ්‍යක්ෂ ජනරාල් අනූෂ පැල්පිට මහතා පවසයි. ඒ අනුව දැනට ජංගම දුරකතන සදහා විදුලි සංදේශ නියාමන කොමිෂන් සභාව විසින් නියම කරන ලද අවම ගාස්තුව වන රුපියල් දෙක ලබන මාසයේ සිට විනාඩියකට රුපියල් 1.50 දක්වා පහළ දැමීමට සමාගම්වලට අවසර ලැබේ.
ස්ථාවර දුරකතනවලට සාපේක්ෂව ජංගම දුරකතන සබඳතාවේ විශාල වර්ධනයක් පෙන්නුම් කරන බවත් දැනට මෙරට භාවිත කරන දුරකතන ප්‍රමාණය මිලියන 20කට ආසන්න බවත් ඉන් මිලියන 17කට ආසන්න සංඛ්‍යාවක් ජංගම දුරකතන බවත් පැල්පිට මහතා වැඩිදුරටත් පවසයි

සුගත් සමරකෝන් අධ්‍යක්‍ෂණය කරනු ලබන "කුවේණි" චිත්‍රපටයේ යක්‍ෂ ගෝත්‍රයේ ප්‍රධාන චරිතයකට මහජන සම්බන්ධතා ඇමැති මර්වින් සිල්වා මහතා පෙරේදා රඟපෑවේය.

ගම්පහ උද්භිද උද්‍යානයේදී කැමරාගත කරනු ලැබූ "කුවේණි" චිත්‍රපටයේ දර්ශන කීපයකට රඟපෑම සඳහා පැමිණි මර්වින් සිල්වා මහතා වසන්ත විට්‌ටච්චි විසින් වේෂ නිරූපණයට භාජනය කරන ලදී.
"දේශපාලනය කරන එකත් හොඳ රඟපෑමක්‌ නිසා චිත්‍රපටවල රඟපාන එක එච්චර අසීරු වෙන්නේ නැතැ"යි කී මර්වින් සිල්වා ඇමැතිවරයා චිත්‍රපට සහ ටෙලි නාට්‍යවල රඟපෑමට ලැබෙන ඕනෑම චරිතයක්‌ භාරගැනීමට සූදානම් යෑයි ද කීවේය.

"මේ රැවුල් දැමිල්ලෙන් මට ඇලජික්‌ වෙන්නේ නැහැ නේදැ"යි ඔහු වේෂ නිරූපණ ශිල්පියාගෙන් විමසීය.

ඇස්ට්‍රාමාගරින්, වයස අවුරුදු 03ට අඩු දරුවන්ගේ ශරීර සෞඛ්‍යයට අහිතකර බැවින් වහාම එය අදාළ නිෂ්පාදනවල ‍‍‍ ලේබල්වල සටහන් කරන ලෙස අනුරාධපුර ක‍හටගස්දිගිලිය මහේස්ත්‍රාත් දර්ශිකා විමලසිරි මෙනවිය අද(23) නියෝග කර ඇත.
ඇස්ට්‍රාමාගරින්වල අඩංගු ඊ 319 නැමැති ප්‍රතිඔක්සීකාරකය දරුවන්ගේ වැඩීමට අහිතකර ලෙස බලපාන බව සෞඛ්‍ය අමාත්‍යාංශයේ ආහාර පනත මගින් පෙන්වා දී ඇති අතර ඒ බව ලේබල්වල සටහන් කරන ලෙස දැනුම් දුන්නද අදාළ සමාගම එම නියෝගය මෙතෙක් පිළිගෙන නොමැත.

ඒ හේතුවෙන් අනුරාධපුර මහජන සෞඛ්‍ය පරීක්ෂක වී. එම්. ඒ. බාලසූරිය මහතා අධිකරණය වෙත නඩුවක් ගොනුකර ඇත. එහි ප්‍රතිළුලයක් ලෙස මහේස්ත්‍රාත්වරිය විසින් මෙම නියෝගය ලබා දීමට පියවර ගෙන තිබේ.
ලංකාපුවත් ඇසුරෙන්

පෞද්ගලික බස්රථ සඳහා අවම බස් ගාස්තුව රුපියල් 7 දක්වා ඉහළ දැමීම‍ට පෞද්ගලික ප්‍රවාහන සේවා අමාත්‍යාංශය තීරණය කර තිබේ.
ජූලි මස පළමුවැනිදා සිට මෙම ගාස්තු සංශෝධනය ක්‍රියාත්මක වන බව පෞද්ගලික ප්‍රවාහන සේවා අමාත්‍ය සී.බී. රත්නායක මහතා ප්‍රකාශ කළේය.
ඒ අනුව අනෙක් බස් ගාස්තු ද සියයට 7%ක්‍ ඉහළ නැංවෙන බව අමාත්‍යවරයා සඳහන් කළේය.
වාර්ෂික බස් ගාස්තු සංශෝධනයට අනුව ජාතික ගමනාගමන කොමිසන් සභාව විසින් මෙම බස් ගාස්තු සංශෝධනය සකස් කර ඇති බව සී.බී.රත්නායක අමාත්‍යවරයා වැඩිදුරටත් සඳහන් කළේය.
ශ්‍රී ලංකා ගමනාගමන මණ්ඩලයට අයත් බස් රථවල ගාස්තුව ද ජූලි මස 01 වන දින සිට ක්‍රියාත්මක වන පරිදි 7 .6% න් ඉහළ නැංවෙන බව ජාතික ගමනාගමන කොමිසමේ සභාපතිවරයා පවසයි.

.

වරකාපොළ , දුම්මලදෙණිය ප්‍රදේශයේ පවත්වාගෙන ගිය ව්‍යාජ දුම්වැටි නිෂ්පාදනාගාරයක් පොලිසිය විසින් වටලා තිබේ.
ඊයේ රාත්‍රීයේ මෙම දුම්වැටි නිෂ්පාදනාගාරය කොළඹ උතුර දූෂණ මර්දන අංශය විසින් වටලා ඇති බව සඳහන්වේ.
එහි තීබී නිෂ්පාදනය කරන ලද ව්‍යජ දුම්වැටි තොගයක් ද පොලිස් භාරයට ගෙන තිබේ.
කොළඹ ජම්පටා වීදීයේ දී අත්අඩංගුවට ගත් පුද්ගලයෙකුගෙන් කළ ප්‍රශ්න කිරීම් වල දී අනාවරණය වූ තොරතුරු මත මෙම වැටලීම සිදු කර ඇත.
දුම්වැටි නිෂ්පාදනාගාරයේ සිටි පුද්ගලයින් දෙදෙනෙකු එහි දී අත්අඩංගුවට ගෙන තිබේ.

මේ අතර, මෙම ප්‍රවෘත්තිය කණ වැකුණු බච්චන් පවුලේ රසිකයින් මෙන්ම බොලිවුඩ් සුපිරි තරුද දුරකතන පණිවුඩ, බ්ලොග් පණිවුඩ ඇතුළු සන්නිවේදන ක්‍රම මගින් බච්චන් පවුලට සුභ පතන බවද සඳහන්ය.