Gossip Lanka News.lk

පයාගල ප්‍රදේශයේ දි අවස්ථා දෙකකදි මෝටර් රථයක ගැටීමෙන් පාපැදිකරුවන් දෙදෙනෙකු මියගොස් තිබේ.

පොලිස් මාධ්‍ය ප්‍රකාශක ‍පොලිස් අධිකාරි අජිත් රෝහණ  පැවසුවේ පෙරේදා එම මොටර් රථයේ රියදුරා විසින්  පයාගල, දළුවත්ත මන්සන්දියේදි පළමු පාපැදිකරු අනතුරට ලක්කර පසුව තවත් පාපැදිකරුවෙකු අනතුරට ලක් කර ඇති බවය.
එම අනතුරුවලින් යතුරුපැදිකරුවන් දෙදෙනා මියගොස් ඇති බව පොලිස් මාධ්‍ය ප්‍රකාශකවරයා පවසයි.
පොලිස් මාධ්‍ය ප්‍රකාශකවරයා සදහන් කළේ තවත් යතුරුපැදිකරුවකු අනතුරුට ලක්කර ඔහු ද තුවාල ලබා ඇති බවය.
පසුව මොටර් රථයේ රියදුරු අත්අඩංගුවට ගෙන තිබේ

පාවෙන මාලිගාවක් වැනි ඉතාලි නැව අතහරින්නැයි කපිතාන් නිවේදනය කළ පසු මගීන් දෙතුන් සියයකට සිය ජිවිත බේරා ගැනීමට උදව් කළ ශ්‍රී ලාංකිකයෙක් අන්තිමේදී හීතලේ ගැහි ගැහී හාස්කමකින් මෙන් පණ බේරා ගත්තේය.ඔහු හැටන් හි ගාමිණීපුර අමිල ධනුෂ්ක කහඳගමගේ (32) මහතාය. ඉතාලියේ ගිග්ලියෝ දුපත අසල දී පසුගිය 13 වැනි දා ගිලී ගිය අති සුඛොපභෝගී මඟී නැවේ සිටි එකම ශ්‍රී ලාංකිකයා ද ඔහුය. ඔහු නැවේ අවන්හලේ ස්ටුවඩ්වරයෙකි.නැව අතහරින්නැයි කළ නිවේදනයෙන් පසු තුන්දහසකට වැඩි මඟින් හා දහසකට වැඩි සේවයන් අන්දුන් කුන්දුන් වූ හැටිත්, මිනිසුන් පෙරකමින් ජිවිතාරක්ෂක බෝට්ටු සොයාගිය හැටිත් හැම දෙනාම මරණ බියෙන් සිටි සැටිත් අමිල දුටුවේය. අයෙත් දරුවාගේයි  නෝනාගෙයි මූණ බලන්න ලැබෙති‘යි සිතුවේ නැහැ. ඒත් මා මෙන්ම අසරණවී සිටි මඟීනට හැකි හැම අයුරින්ම උදව් කළා යැයි අමිල කීවේය. අන්තිම මගියාත්  බේරා ගන්නා තුරු නැවේ කපිතාන් සිය යුතුකම ඉටු කෙළේ නැත. ජිවිතාරක්ෂක බේට්ටුවලට නැංවීමේ දී දරුවනට හා කාන්තාවන්ට මුල් තැන ලැබුණේ ද නැත. මාස හතරකට පෙර නැවේ සේවයට ගිය අමිල මුල සිටම කතාව කීවේය.‘කොස්ටා කොන්කෝඩියා‘ නැව ඉතාලියේ ලොකු සමාගමට අයිතියි. ඒ සමාගමට තවත් එවැනි නැව් 14ක් තියෙනවා. ඉතාලියේ සැවෝනා නුවර සිට ප්‍රංශය, ස්පාඤ්ඤය දක්වා ගොස් යළි ඉතාලියට පැමිණිමේ දින හතේ චාරිකාවට එක් මඟියකුගෙන් යුරෝ 2000ක් පමණ (රුපියල් ලක්ෂ දෙකහමාරකට අධික මුදලක්) ගෙවූ මඟීහු 3400ක් ඒ නැවේ පමණ සිටියහ.

ජනවාරි 13 වැනි දා නැවට නරක දිනයකි. අමිල වැඩ කෙළේ ‘රෝමා“ අවහන්හලේය. රාත්‍රි 9.35ට පමණ නැව එක්වරටම වම් පැත්තට ඇලවී ගියේය. කෑම කමින් සිටි මඟීන්ගේ පිඟන් පෙරැළී ගියේය. බෝතල ද බිමට වැටිණි. බොහො මඟීහු මේස අල්ලාගෙන නොවැටී සිටීමට උත්සහා ගත්හ. ඒ සමගම විදුලිය නැති විය.

කපිතාන් ප්‍රැන්ක්ස්කෝ ශබ්ද විකාශනයෙන් නිවේදනයක් කෙළේය. ‘ බයවෙන්න එපා. යාන්ත්‍රික දෝෂයක්“  මඟීහු මඳකට සැනැසුම් සුසුම් හෙළූහ.

ඒත් ඊළඟ මොහොතේ නැව දකුණට ඇලැවී ගියේය. මඟීහු කලබල වූහ. ඒ මේ අත දුවන්නට වූහ. තරප්පු පෙළි ද ඇලැවී ගිය නිසා පහත මාලවල සිටි මගිනට තම කැබින් වලට යෑමට නොහැකි විය. නැව යළි සාමාන්‍ය තත්ත්වයට පත්විය. මඟීන්ගේ මුහුණුවල යළි සිනාව මතුවිය. රාත්‍රී 11 පමණ වන විට කපිතාන යළි නිවේදනයක් කෙළේය. එවිට නැවේ විදුලිය නැත. හැම තැනම අඳුරුය. මුහුදේ  ඝෝෂාවට ද බිය කර විය. ‘නැව අත හරින්න වෙනවා‘ යැයි ඔහු කී විට මඟීහු බෙහෙවින්ම කලබල වූහ. හිස් ලූ ලූ අත දුවන්නට වූහ. ජිවිතාරක්ෂක කබා ඇති තැන් පවා සෙයාගත නොහැකි විය. අඳුරේ දුවද්දී එකට හැපී වැටුණු අය ද ගණනක් නැත.

නැව දැන් ගිග්ලියෝ දූපත අසලය. අමිලගේ ඉන්දියා ජාතික මිතුරා සිය ලැප්ටොප් පරගණකය සොයා පහළ තට්ටුවට යන්නට ගියේය. ඒ වනවිට තට්ටු දෙකක වතුර පිරි තිබිණි.  එය ජලාශයකි. ඒවායේ සිටි  මඟීන් ගැන තොරතුරක් නැත. නැවේ සිටි 24 දෙනක ගැන අද වන විටත් කිසිම තොරතුරක් නැත. ඇඳ සිටි නිල ඇඳුම හැර අන් කිසිත් නැති අමිල ජිවිතාරක්ෂක බෝට්ටුවට ගොඩවන විට නැව ගිලී යමින් තිබිණි. ඔහු දුටු මිනිසුන්ගේ මුහුණු වල දුක ශෝකය, මෙන්ම බිය පැහැදිලිව ලියැවී තිබිණි. උදේ 5.30 වන විට ගුවන් හමුදාව මගීන් බේරා ගැනීමට ආවේය. නැව හොඳටම ඇලවී ගිය පසු ජිවිතාරක්ෂක කබායක් දාගත් අමිල යළි එය ගලවා ඉවත් කෙළේ අවන්හලේ නිලධරයකුගේ අණ පිළිපදිමිණි. යළිත් ඔහු අවන්හල පිරිසිදු කරන්නට විය. ඒ වනවිට මගීහු බොහෝ දෙනෙක් අඳුරේම ජිවිතාරක්ෂක කබා හා බෝට්ටු සොයා යමින් සිටියහ. ඉහළ මහලකින් ඇති එවැනි බෝට්ටුවලට නැඟ සිටි පිරිස් යන්ත්‍රානුසාරයෙන් මුහුදට පහත්  කිරීම ප්‍රශ්නයක් වූයේ 150ක් යා හැකි බේට්ටුවක 200කට වඩා නැඟ සිටි හෙයිනි. කෙසේ හෝ එම බෝට්ටු මුහුදට පාත්විය. එවැනි බෝට්ටු හතරක් පහක් පමණ මුහුදට පාත් කළ පසු සෙසු මඟීන් සමග පෝලිමේ සිටි අමිල ද බෝට්ටුවකට නැග්ගේය. නමුත් බෝට්ටු ක්‍රියාකරුවෙක් නොවිය. ඔහු නැඟ සිටි බෝට්ටුවේ ද 220ක් පමණ සිටියහ.  අවන්හළේ සුපවේදියෙක් ඒ බෝට්ටුව නිරුපද්‍රිතව ගොඩ බිමට ගෙන ආවේය. අමිල බෝට්ටුවට ගොනවන විට පසුදා අලුයම 4.30 වී තිබිණි.

වෙතත් අය මෙන්ම ඔහු ද සීතලේ ගැහෙමින් සිටියේය. මගේ අත්වල ඇඟිලි තිබෙනවා දැයි මට දැනුණේ නැහැ. බඩගින්න දැනුණත් කෑමට තිබුණේ ජිවිතාරක්ෂක බෝට්ටුවේ බිස්කට් බාගයක් පමණි. කොන්කෝඩියා නැවේ සිටි සෙසු මඟීන් බේරා ගැනීමට පසු දා උදේ නව් දෙකක් ගිග්ලි දූපත අසලට යාත්‍රා කෙළේය. අමිල අතුළු පිරිස රැගත් ජිවිතාරක්ෂක බේට්ටුව අසල දුපතට ළඟාවිය. ඉවසන්න බැරි සීතල තරමක් නැති වී ගියේ එහිදී ලැබුණු පොරෝණයකි. එම දුපතේ පල්ලිය ඇතුළට ගිය  ඔහුට ජිවිතය පිළිබඳ යළි බලාපොරොත්තු ඇතිවිය. එහි දී ලැබුණු කෝපි කෝප්පය ඔහුට අමාවක් විය. ගෙදර මතක් විය. බිරිය හා දරුවා මතක් විය. ඉතාලියේ සිටින නැන්දා මාමා මතක් විය. ඒත් කතා කිරීමට ජංගම දුරකථනයක් නැත. ඔහු සමග ආ ඉන්දියා ජාතිකයා එහිදි උදව් විය. ඔහුගේ ජංගම දුර කථනය ඔහුට දුන්නේය.ඒත් දුරකතන අංකය ඔහු ළඟ නැත. ඔහු බිරියට (ලංකාවට) කතා කෙළේය. එවිට වේලාව අලුයම පහට අසන්න වී තිබිණි. බිරියට කිසිත් නොකියා ඉතාලියේ සිටින මාමාගේ අංකය ඉල්ලා ගත්තාය. ඔහුට කතාව කිවේය.

අමිල ඇතුළු පිරිස එතැනින් රෝමයේ ලා ප්‍රින්සිනා හෝටලයට රැගෙන යනු ලැබූහ. රතුකුරුසය ද ආවේය. උණුසුම් ඇඳුම් බෙදා දුන්නේය.

අමිලගේ මාමා රෝමයේ ශ්‍රී ලංකා තානාපති කාර්යලයයට මේ සිද්ධිය දැනුම් දුන්නේය. අමිලගේ අවශ්‍යතාවය වූයේ තාවකාලික ගමන් බලපත්‍රයක් ලබා ගැනීමය. පින්තූර දෙකක් රැගෙන තානාපති කාර්යලයයට එන්නැයි ඔහුට දැනුම් දුන්නත්  එහි යෑමට ඔහු ළඟ සල්ලි ද නොතිබිණි. පසුව එම පිරිස රෝමයේ ගුවන්තොට අසල තැනකට රැගෙන ගිය පසු පින්තූර ප්‍රශ්නය විසැඳිනි. ශ්‍රී ලංකා තානාපති කාර්යලයයේ තාවකාලික ගමන් බලපත්‍රයක් ලැබිණි. දින දෙකක්ම අමල්ගෙන් ඇමැතුමක් නොවූ නිසාත්, ඉතාලි නැවක් පෙරැළී කිහිපදෙනකු මිය යෑම නිසාත් ඔහුගේ බිරියට දින දෙක තුනක්ම නින්දක් නොවීය. හරි හැටි කෑමක් ද නොවීය.  ඒත් ඉතාලියේ සිටින ඔහුගේ නැන්දාත් මාමාත් අමිලගේ බිරියට කීවේ ඔහු ජිවිතය බේරාගෙන දූපතකට පැමිණි බවයි.  ඒත් සැමියා දකින තුරු ඇයට අස්වැසිල්ලක් නොවීය.

අමිල පසුගිය 19 වැනි දා ගම රට ආවේය. ඔහුගේ ඉන්දියා මිතුරා නිවාඩු යෑමට සිටි දවසේ ඒ නැවෙන් අවසන් ගමන් ගියේය. නැවේ පහළට ගිය ඔහු යළි ආවේ නැත. මරණින් බේරී ගෙදර ආ සැමියා යළි නැවට යනවාට අමිලගේ බිරිය වින්ද්‍යා චාමරී කැමැති නැත. නැවට වූදේ ඇසු දින සිට ඔහු ගෙදර එනතුරු දැඩි කනස්සල්ලෙන් සිටි ඇය කියනුයේ නැවේ රස්සාවට යළි නොයන ලෙසයි. අමිලගේ චුටි පුතාට වයස අවුරුදු දෙක හමාරකි.

නැව් සමාගමෙන් අමිල මාස අටක පමණ නිවාඩු ලැබී ඇත. යුරෝපයේ ප්‍රධානතම මඟී නැව් සමාගම ගැන අමිලට ලොකු ගෞවරයකින් කතා කරයි. නැවේ සේවය සතුටින් කරන බව කියයි.එහෙයින් ඔහුගේ ආශාව නිවාඩු අවසන් වූ පසු යළි නැවකටම යෑමයි. ‘අනතුරක් වෙනවා නම් කොතැන හිටියත් වෙන්ව‘ යන්න අමිලත් වින්ද්‍යාත් කියති.

මෙරට දේශපාලනයේදී ආදර්ශයට ගත හැකි චරිත ඇත්තේ තුනක් පමණක් බව එක්සත් ජාතික මහලේකම් තිස්ස අත්තනායක පවසයි.

මහලේකම්වරයා මේ බව ප්‍රකාශ කළේ මහනුවර පැවති උත්සවයකදීය.
තිස්ස අත්තනායකගේ චරිතාප්‍රදානය ඇතුලත් තිස්ස කෘතිය මහනුවර මහනගර සභාවට පරිත්‍යාග කිරීම වෙනුවෙන් මෙම උත්සවය පැවැත්විය.
ඒ පක්ෂ විපක්ෂ නියෝජිතයින් පිරිසකගේ සහභාගීත්වයෙනි.
එහිදී අදහස් දක්වමින් තිස්ස අත්තනායක මෙසේ පැවසීය.

"හුඟාක චරිතාප්‍රදාන ලියන කොට හුඟක් කරුණු හංගනවා. මමත් හංගපු කරුණු හුඟක් තියෙනවා. ඒකට හේතු ගොඩක් තියෙනවා. මොකද මම තවමත් ක්‍රියාකාරි දේශපාලනයේ ඉන්නවා. මට සමහර දේවල් ක්‍රියාකාරි දේශපාලනයේ ඉදගෙන කියන්න බැහැ. ඒවා බෙලි කපාගන්න වැඩ. මම හැම වෙලාවකම කියනවා ලංකාවේ දේශපාලනය ‍ඉගෙන ගන්න ප්‍රධාන චරිත 2ක් තියෙනවා. නායකයෙක් වෙන්න ඕන නම් ජේ.ආර්.ජයවර්ධන චරිතය ඒ වගේම එක්සත් ජාතික පක්ෂයේ නම් ප්‍රේමදාස චරිතය ඉගෙන ගන්න ඕන. විරුද්ධ පක්ෂයෙන් ඉගෙන ගන්න ඕන නම් ජනාධිපති රාජපක්ෂ මැතිතුමාගෙන් ඉගෙන ගන්න හුගාක් පාඩම් තියෙනවා. කොහොමද දේශපාලනයේ ගමන යන්නේ කියලා. අද තියෙන්නේ එහෙම ඉගෙන ගන්න දේශපාලනයක් නෙමයි."

ලංකා ගමනා ගමන මණ්ඩලයට අයත් සාමාන්‍ය බස් රථයක් දක්ෂිණ අධිවේගි මාර්ගයේ මගී ප්‍රවාහනය සදහා ඊයේ දිනයේදි යොදවා තිබේ.
 අදාළ බස් රථය ඊයේ පස්වරු 6ට මහරගම සිට ගාල්ල බලා ධාවනය කෙරිණි.

මේ සම්බන්ධයෙන් මගීන් දැඩි අප්‍රසාදය සහ විරෝධය පල කර තිබේ.
‍ඒ අනුව අදාළ බස් රථය පින්නදූව ප්‍රවේශ දොරටුව අසළ පොලිස් මුරපොලේදි නැවැත්වීමට සිදුවිය.
මගීන් චෝදනා කරන්නේ දක්ෂිණ ලංකා අධිවේගි මාර්ගයේ ධාවනයේ යෙදවීමට තරම් පහසුකම් එහි නොතිබුණු බවය.
කලින් ආසන වෙන්කරවා ගත් තමන්, මෙම බස් රථය යොදවා ඇති බවට දැන ගත්තේ පසුව බව ද ඔවුන් සදහන් කළේය.
මගීන් පැවසුවේ ගමනාන්තය සදහා රුපියල් 250ක මුදලක් අය කළ බවය.
අදාළ බස් රථය නිසි ආරක්ෂාවක් සහ ආසන පටි ද නොමැති බව එහි ගමන් කළ මගීන් කියා සිටියේය.
මේ සම්බන්ධයෙන් ලංකා ගමනා ගමන මණ්ඩලයේ සභාපති එම්.ඩී.බන්දුසේනගෙන් අප විමසීමක් ‍කළේය.
ඔහු පැවසුවේ මෙම බස් රථය ගාල්ලේ සිට මහරගමට පැමිණ යළි ගාල්ලට ධාවනය කළ එකක් බවය.
ගමනා ගමන මණ්ඩලයට කිසිදු දෙයක් කරගත නොහැකිව තිබූ බැවින් අදාළ බස් රථය යෙදවූ බව ඔහු සදහන් කළේය.
ලංකා ගමනා ගමන මණ්ඩලයේ සභාපති එම්.ඩී.බන්දුසේන වැඩිදුරටත් පැවසුවේ ඉදිරියේදි මෙවැනි වරදක් සිදුනොවීමට වගා බලාගන්නා බවට පොරොන්දුවන බවය.

අශ්වයා පැය ගිය පසු ස්ථාලය වසා දැමීමෙන් වැඩක් නැති වුවත් අවසන් මොහොතේ හෝ අනාගතය පිළිබඳව සුභ පෙර නිමිති පල කරමින් දකුණු අප්‍රිකාව සමග පැවති එක්දින තරඟාවලිය ගෞරවාන්විතව අවසන් කිරිම පිළිබඳව සතුටු විය හැකිය.

දකුණු අප්‍රිකාව සමඟ ඊයේ පැවති පස්වැනි සහ අවසන් එක්දින තරඟයෙන් ශ්‍රී ලංකාවට කඩුලු 2ක් විශිෂ්ට ජයක් හිමිවිය.
ශ්‍රී ලකා කණ්ඩායමේ මුල්පෙල මෙන්ම මැද පෙල පිතිකරුවන් ද සිය වගකීම් කොටස මැනවින් ඉටුකළ තරඟයක් ලෙස මෙය හැදින්විය හැකිය.
කෙසේ වෙතත් එක්දින තරගා‍වලිය තරඟ 3ට 2ක් ලෙස දකුණු අප්‍රිකාවට ජය හිමිවිය.
ජොහැන්නස්බර්ග් හි පැවති අවසන් තරඟයේ කාසිය වාසිය දිනූ ශ්‍රී ලංකා නායක ටී.එම්.ඩිල්ෂාන් ප්‍රථමයෙන් පන්දුවට පහරදීමට දකුණු අප්‍රිකාවය ආරාධනා කළේය. 
ඒ අනුව ග්‍රැහැම් ස්මිත් සහ ඇල්වීරෝ පීටර්සන් දකුණු අප්‍රිකාවේ ඉණිම ආරම්භ කළේය.
ආරම්භක කඩුල්ලේ සබඳතාව ලකුණු 10කට සීමා කරමින් ඇල්වීරෝ පීටර්සන් ලකුණු 6කට දැවී ගියේය.
ලකුණු 24ක් රැස් කළ ෆාෆ් ඩූ ප්ලේසිස් පිටියෙන් ඉවත් වුණේ සචිත්‍ර සේනානායකගේ පන්දුවක් හමුවේදීය.
එය සචිත්‍රගේ පළමු එක්දින කඩුල්ල වේ.
සිය 9වැනි එක්දින ශතකය වාර්තා කළ දකුණු ග්‍රැහැම් ස්මිත් ලකුණු 125ක් රැස් කළේය.
වේගවත් පිතිහරඹයක් නිරත වූ නායක ඒ.බී.ඩිවිලියර්ස් පන්දු 98කදී නොදැවී රැස් කළ ලකුණු සංඛ්‍යාව 125කි.
ඒ අනුව දකුණු අප්‍රිකාව කඩුලු 4ක් දැවී ලකුණු 312ක් රැස් කළේය.
ලසිත් මාලිංග පන්දු වාර 10කදි ලකුණු 79කට කඩුලු 2ක් ලබා ගත්තේය.
ලකුණු 313ක ඉලක්කයක් සහිතව නායක ටී.එම්.ඩිල්ෂාන් සහ උපුල් තරංග ශ්‍රී ලංකා ඉණිම ආරම්භ කළේය.
ශ්‍රී ලංකා ඉණිමේ  7වන පන්දුවාරයේ 1වන පන්දුව ක්‍රියාත්මක වනවිට තරඟයට වර්ෂාවෙන් බාධා එල්ල විය.
ඒ වනවිට ශ්‍රී ලංකා ලකුණු පුවරුව දැක්වුණේ කිසිවෙකු නොදැවී ලකුණු 57ක් ලෙසය.
වර්ෂාවෙන් අනතුරුව තරඟය නැවත ආරම්භ කළ අතර පළමු කඩුල්ලේ සබඳතාව ලකුණු 72ක්ව තිබියදි උපුල් තරංග ‍ලොන්බා‍වෝ සොට්ස්සෝබ්ගේ පන්දුවක් හමුවේ ලකුණු 46කට දැවී ගියේය.
නායක ඩිල්ෂාන් ලකුණු 41ක් ලබා ගත්තේය.

යොවුන් පිතිකරු දිනේෂ් චන්දිමාල් ලකුණු 20කට දැවී ගියේය.

ශ්‍රී ලංකා ජයග්‍රහණයට ඉහළ දායකත්වයක් සැපයූ කුමාර් සංගක්කාර සිය 12වැනි එක්දින ශතකය වාර්තා කිරිමට ඊයේ සමත් විය.

පන්දු 93කදි ඔහු රැස් කළ ලකුණු සංඛ්‍යාව 102කි.

යොවුන් පිතිකරු ලහිරු තිරිමාන්න සමඟ 4වැනි කඩුල්ල සඳහා ලකුණු 100ක සබඳතාවක් ගොඩනැංවීමට සංගක්කාර සමත් විය.

තිරිමාන්න පන්දු 63කදී ලකුණු 69ක් ලබා ගත්තේය.

දකුණු අප්‍රිකානු පන්දු යවන්නන් හමුවේ ශ්‍රී ලංකා උප නායක ඇන්ජලෝ මැතිව්ස් ලකුණු 6කට දැවී ගියේය.

අනතුරුව තරඟයේ ජය ගැනීම සදහා අවසන් පන්දු 2තුළදී ශ්‍රී ලංකාවට ලකුණු 5ක ඉලක්කයක් හිමිවිය.

නියමිත පන්දුවාර 50 අවසන්විමට‍ එක් පන්දුවක් ඉතිරිව තිබියදී සචිත්‍ර සේනානායක එල්ල කළ විශිෂ්ට 6 පහරත් සමගින් තරඟයේ ජය ශ්‍රී ලංකාවට හිමිවිය.

තරඟයේ වීරයා ලෙස කුමාර් සංගක්කාර සම්මාන දිනාගත් අතර ඒ.බී.ඩිවිලියස් තරඟාවලියේ වීරයා ලෙස සම්මාන දිනා ගත්තේය.

ඒ (19) පැවැත් වූ 2012 වසරේ කොළඹ මහනගර සභාවේ මහා සභාරැස්විමේදීය.
එහිදී කාරක සභා 16 කට සාමාජිකයින් පත්කර ගැනීමට නියමිතව තිබු අතර මුදල් කාරක සභාවට අදාළ පත් කිරිම් පළමුව සිදු කරනු ලැබිණි.
පැවති රහස් ඡන්ද විමසීමේදී කාරක සභාවේ සාමාජිකයින් සිව්දෙනෙකු විපක්ෂය වන එක්සත් ජනතා නිදහස් සන්ධානයෙන් පත්විය.
සාමාජිකයින් පස්දෙනෙකුගෙන් හා සභාපතිවරයකුගෙන් සමන්විත මෙම කාරක සභාවේ සභාපතිවරයා ලෙස නගරාධිපතිවරයා නිලබලයෙන් පත්වේ.
කෙසේ වෙතත් අද පැවති රහස් ඡන්ද විමසීම සාධාරණ නොවන බව පවසමින් කොළඹ මහ නගර සභාවේ පාලක පක්ෂය වන එක්සත් ජාතික පක්ෂය විරෝධය දැක්වීමත් සමඟ සභාව උණුසුම් විය.
උද්ගත  වු තත්ත්වය මත සභාව මද වේලාවකට කල් තැබීමට සිදුවුණා.
කල්තැබු සභාව යළි රැස්වීමෙන් පසුව එක්සත් ජනතා නිදහස් සන්ධානයේ නාගරික මන්ත්‍රි අසාද් සාලි විශේෂ ප්‍රකාශයක් කළේය.
එහිදී සභාව යළිත් උණුසුම් විය.

මහනුවර ශ්‍රී දළදා මාළිගාව සතු ඉඩම් ඉඩම් කොටස් කිසියම් පෞද්ගලික ආයතනයකට අලෙවි කර ඇති බවට සුරකිමු සිරි දළදා ජාතික ව්‍යාපාරය චෝදනා කරයි.
එහි සභාපති ආර්.එස්.පී.බී. සේනානායක ‍ඊයේ කැඳවා තිබූ මාධ්‍ය සාකච්ඡාවකදී මෙලෙස එම කරුණු අනාවරණ කළේය.

"දළදා මාළිගාව සතු ඉඩම් තියෙන ක්‍රම දෙක තුනකටම එතකොට අපිට දැනගන්න ලැබූණා. සමහර ඉඩම් සමහර සමාගම් මහනුවර ප්‍ර‍දේශයේ කාර්යාල පවත්වා ගෙන යන සමහර සමාගම් සඳහා දළදා මාළිගාවත් බෞද්ධ කටයුතු දෙපාර්තමේන්තුවත් යන දෙපාර්ශවයම විසින්ම එකතු වෙලා දළදා මාළිගාවට පෙර රජ දරුවන් පූජා කළ ඒ ඉඩම් ඉරහඳ පවතිනාතාක් ඒ පරම අයිතිය ඇතිව පුජා කළ ඉඩකඩම් අන්‍ය ආකාරයකට කුණු කොල්ලයකට මේවා අන්සතු කරලා තියෙනවා. මේක ඇත්තටම බරපතල සිද්ධියක් මං දන්නෑ මේ වගේ ගියොත් එහෙම මොනවගේ තත්ත්වයක් දළදා මාළිගාවට අත්වෙයිද කියලා"
අදාළ චෝදනා සම්බන්ධයෙන් පරීක්ෂණ පවත්වා ඇති බවත් එහි වාර්තා ඉදිරි දිනයේ නිකුත් කරන බවත් බෞද්ධ කටයුතු කොමසාරිස්වරයා පවසයි.

 ඒ අතර මධ්‍යම සංස්කෘතික අරමුදලේ පත්‍ර අලෙවියේදී සිදුව ඇතැයි, පැවසෙන මහා පරිමාණ මූල්‍ය අක්‍රමිකතාව සම්බන්ධයෙන් පුළුල් විමර්ශනයක් ආරම්භ තිබේ.
සංස්කෘතික හා කලා කටයුතු අමාත්‍ය ටී.බී. ඒකනායක පවසන්නේ,  මධ්‍යම සංස්කෘතික අරමුදලේ මූල්‍ය අධ්‍යක්ෂවරයා විසින්, එහි අධ්‍යක්ෂ ජනරාල්වරයාගේ අනුමැතියකින් තොරව සංචාරක ප්‍රවේශ පත්‍ර මුද්‍රණය කර, අලෙවි කිරීම එම විමර්ශනය ආරම්භ කිරීමට හේතුවී ඇති බවයි.
මේ වන විට ඒ සම්බන්ධයෙන් එහි මූල්‍ය අධ්‍යක්ෂවරයාගේ සේවය තාවකාලිකව අත්හිටුවා ඇති බව ද අමාත්‍යවරයා පවසයි.

සුරකිමු සිරි දළදා ජාතික ව්‍යාපාරයේ වෙබ් අඩවියට මෙතනින් පිවිසෙන්න
source - newsfirst

ලොව රටවල් කිහිපයක අතුරුදන් වු ගංඟා පිළිබඳ අසා ඇතත් ශ්‍රී ලංකාවේද එවැනි ගංඟාවක් තිබෙන බව ඔබ නොදන්නවා විය හැකියි.
එහෙත් ලං‍කාවේ රත්නපුර ප්‍රදේශයෙන් ද එලෙස අතුරුදන් වන ගංඟාවක් හමු වී තිබේ.

ශ්‍රි ලංකාවේ බො‍හෝ ගංඟා ඇරඹෙන ශ්‍රී පාද රක්ෂිතයෙන් උපත ලබන ඉඳුරුව ගඟ කළු ගඟ පෝෂණය කරන ප්‍රධාන ජල ධාරාවකි.
රත්නපුර ගිලීමලේ ඉඳුරු ගඟ රක්ෂිතය තුළ ඉඳුරු ගඟ නිහඬව ගලා බසින්නේ, ශ්‍රී ලංකාවේ සුවිශේෂි භූ පිහිටීමක් පිළිබඳව සාක්ෂි සපයමිනි.
ඉදුරුව රක්ෂිතය හරහා චමත්කාර ජනක දසුන් මවමින් ගලා බසින ඉඳුරුව ගඟ එක්තරා ස්ථානයකදී අතුරුන් වෙයි.
එතැන් සිට පොළවට ගිලා බසින ගංඟාවේ ගමන් මග යෙදී ඇත්තේ පොළව අභ්‍යන්තරයෙනි.
ඉඳුරුව ගඟ යළි පොළව  මතුපිටින් දැකගත හැකි වන්නේ,මීටර් 300ක් පමණ දුරකින් පසුවයි.

වියළි කාලයේ පමණක් දැකගත හැකි මෙම සුවිශේෂි ස්ථානය ප්‍රදේශවාසීන් හඳුන්වන්නේ උමං අතුර ලෙසයි.

ගංඟාව පොළව තුළට ගලා බසින එම කුහරය දැඩි ගැඹුරකින් යුක්ත බව ද ඔවුහු පවසති.

නිසි ගවේෂණයකට ලක්ව නොමැත උමං අතුරෙන් ගිලෙන්නාවු ඉඳුරුව ගඟ පොළොව තුළ නිර්මාණය කරන්නේ, කුමන පරිසර තත්ත්වයක් දැයි, තවමත් අභිරහසකි.