හිටපු ශ්‍රී ලංකා ක්‍රිකට්‌ නායක සහ පාර්ලිමේන්තු මන්ත්‍රී සනත් ජයසූරිය ඉන්දියාවේ ප්‍රකට ප්‍රාසාංගික රූපවාහිනී වැඩසටහනක්‌ වන ‘ජලක්‌ දික්‌ලා ජා’ හි (Jhalak Dikhla Ja) විසිවැනි වැඩසටහන් මාලාව සමග එක්‌වීමට නියමිතව ඇතැයි ඉන්දීය මාධ්‍ය වාර්තා කරයි.  නැටුම් සහ ගැයුම් වලින් සමන්විත විචිත්‍රවත් සංදර්ශණ ඇතුළත් මෙම වැඩසටහන සඳහා ඉන්දියානු සුප්‍රකට නළු නිළියන් වන මධුරි ඩික්‌සිත්, රේඛා, කරන් ජොහාර් වැනි නළු නිළියන් සමඟ සනත් ජයසූරිය සහභාගී වීමට නියමිතය.

මෙම වැඩසටහනේදී සනත් ජයසූරිය සුදු කමිසයකින්, සුදු කලිසමකින්, සුදු රවුම් හිස්‌ වැසුමකින් සහ රත්තරන් පාට සපත්තු පැළඳ නර්තනයේ යෙදීමට සූදානමින් සිටියි.

43 හැවිරිදි සනත් ජයසූරියට නැටුම් සහ ගැයුම් පිළිබඳව විශේෂ පුහුණුවක්‌ නැතත් මෙම සංදර්ශණය උදෙසා විශේෂ පුහුණුවක්‌ ලැබීමට නියමිත බව වාර්තා වේ.

එසේම මෙම වැඩසටහන සම්බන්ධයෙන් වන පූර්ව ප්‍රචාරක දර්ශන පෙළකටද සනත් මේවන විට ඉදිරිපත්ව ඇත.  

අන්තර් ජාලයට සම්බන්ධ වී සිටින ඕනෑම පරිගණකයකට ඉතාම වේගයෙන් හොර රහසේ ඇතුළු වි පරිගණකය භාවිතා කරන්නාගේ තොරතුරු සහ එම ස්ථානයෙ සිදුවන සියලුම සිදුවිම දැනගත හැකි ලොව භයානක ‘ෆ්ලෙම්ස්‘ නැමැති වෛරසයක් පිළිබඳ මේ වන විට තොරතුරු හෙළි වි තිබේ.

මෙතෙක් භයානක ලෙස සැලකූ සියලු වෛරස්වලට වඩා සිය ගුණයකින් ප්‍රබල මේ වෛරසය රාජ්‍ය රහස් සොයා ගැනිම සඳහා භාවිත කර ඇති බවට තොරතරු හෙළි වි ඇතැයි ජාවා තාක්ෂණ ආයතනයේ ප්‍රධානී ආචාර්ය ඉෂාන්ත සිරිබද්දන මහතා දිනමිට ඊයේ (30) පැවසීය.

මේ වෛරසය මිට වසර පහකට ඉහතදි නිර්මාණය කර පරික්ෂණ මට්ටමේ ක්‍රියාත්මක වී ඇති බවට තොරතුරු ලැබි ඇති බවද හෙතෙම සඳහන් කළේය.

මේ වන විටත් මේ වෛරසය යොදා ගනිමින් ඉරානයේ සහ ඊශ්‍රායලයේ රාජ්‍ය මට්ටමේ තොරතුරු ලබා ගෙන ඇතැයි ද සිරිබද්ධන මහතා කීවේය.

මේ වෛරසය පාලනය කරන ස්ථානයේ සිට ඕනෑම රටක අන්තර් ජාලයට සම්බන්ධවී ඇති පරිගණක මඟින් සිදුවන දේ ඇහුම්කන් දිය හැකි අතර, එම වෛරසය ඇතුළුවන පරිගණකය ස්වංක්‍රීයව ශ්‍රවණ උපකරණය ලෙස පරිවර්තනය වන බවද සිරිබද්දන මහතා කීය.

ෆ්ලෙම් නැමැති වෛරසය වැළකිම සඳහා ප්‍රතිආරක්ෂණ මෘදුකාංගයක් නිර්මාණය කිරිමට කැස්පස්කී ආයතනය ලබා දී ඇති බවත් ඉෂාන්ත සිරිබද්දන මහතා වැඩිදුරටත් කීවේය.

තමන් කැමති ඕනෑම ප්‍රදේශයක ජීවත්වීමට ශ්‍රී ලාංකිකයකුට නිදහසක් ඇතැයි, ආරක්ෂක ලේකම් ගෝඨාභය රාජපක්ෂ පවසයි.
 ඔහු මෙම අදහස් පළ කළේ, බී.බී.සි. රූපවාහිනිය සමග විශේෂ සාකච්ඡාවකට එක්වෙමිනි.

බී.බී.සි.
ඔබ පිළිගන්නවද?  ශ්‍රී ලංකාවේ උතුර දිගු කාලීනව දෙමළ ප්‍රදේශ ලෙස දැකිය යුතුයි කියලා

ආරක්ෂක ලේකම්
ඇයි එසේ විය යුත්තේ, දකුණේ නම් මම ඉපදුන හම්බන්තොට මගේ කුඩා කාලයේ ඒ ප්‍රදේශවල කිසිදු දෙමළ පවුලක් මා දුටුවේ නැහැ. නමුත් අද දෙමළ පවුල් රැසක් එහි සිටිනවා. ඇයි ඒ එහෙම නම් මේ තත්ත්වය උතුරේ සිදුවිය නොහැකි ඇයි ?
ඔබ ශ්‍රී ලාංකික පුරවරසියෙක් නම් ඕනෑම තැනකට ගොස් දේපොළ මිලදී ගන්න ඔබට පුළුවන් විය යුතුයි. මම කතා කරන්නේ බලහත් කාරයෙන් කරන පදිංචි කිරීම් ගැන නොවෙයි. මම  කතා කරන්නේ රටේ ඕනෑම තැනක නිදහසේ ජීවත් වීමට ශ්‍රී ලාංකිකයකුට ඇති අයිතිය පිළිබඳවයි.
බී.බී.සි.
ලේකම්තුමනි, මට ඔබගෙන් මානව හිමිකම් පිළිබඳ කරුණු කිහිපයක් විමසන්න අවශ්‍යයි. අතුරුදන්විමේ සිදුවීම් රැසක් තිබෙනවා. ඔක්තෝබර්වලින් පසු වාර්තා වු වැඩි දෙනා කොළඹ
ආරක්ෂක ලේකම්
ඒක වැරදි චෝදනාවක්
බී.බී.සි.
මේක වැරදි චෝදනාවක් නොවෙයි. මම පීඩාවට පත්වුවන් හමුවුණා.
ආරක්ෂක ලේකම්
කේන්ති ගන්න එපා. සාමන්‍යයෙන් මටයි කේන්ති යන්නේ, ඉතින් ඔබ කේන්ති ගන්න එපා. මම ආරක්ෂක ලේකම්වරයා ලෙස මේවා පිළිබඳව පරීක්ෂණ කළා. ඔබ මේ අය කියන කථා සැලකිල්ලට ගන්න එපා. මම කියන දේ අහන්න. එල්.ටී.ටී.ඊ.යේ වළිග කොට මේ වගේ බොරු කියන්නේ, ශ්‍රී ලංකාවේ ප්‍රතිරූපයට හානි කරන්න
බී.බී.සි.
එක්සත් ජාතීන්ගේ මානව හිමිකම් ප්‍රධානියා සහ විදේශ රටවල් රැසක් කියා සිටියා. යුද්ධය අවසානය කරා යාමේදී දහස් ගණනක් හෝ දහස් ගණනක් සිවිල් වැසියන් මිය යාම පිළිබඳව කිසියම් ආකාරයක වගවීමේ ක්‍රියාවලියක් අවශ්‍ය බව
ආරක්ෂක ලේකම්
මේ කාරණේදී එය ඉතා වෘත්තිය මට්ටමින් විමසා බලාඇතැයි, මම විශ්වාස කරනවා. ඒ මොකද බරපතල චෝදනා නැගුවා සිවිල් වැසියන්ට හානිවීම පිළිබඳව
බී.බී.සි
ශ්‍රී ලංකාව ඒකට මොක ද කරලා තියෙන්නේ,
ආරක්ෂක ලේකම්
අපි බොහෝ දේ සිදු කර තිබෙනවා. ජන හා සංඛ්‍යාලේඛන දෙපාර්තමේන්තුව මේ ප්‍රෙද්ශයේ සංගණනයක් කර තිබෙනවා. මෙම ප්‍රෙද්ශවල මෙම සංගණනයට සහභාගීවූ නිලධාරීන් සියලු දෙනා දෙමළ නිලධාරීන්
බී.බී.සි
නමුත් පෙනී යන ආකාරයට අටදහසක් නව දහසක් අතර සිවිල් වැසියන් මිය ගියා. මේ වගේ දෙවල්වලට වගකිව යුත්තන්ට දඩුවම් පැමිණවීම සඳහා මොනව ද කරලා තියෙන්නේ,
ආරක්ෂක ලේකම්
වැරදි වචනයක් සිවල් වැසියන් නොවෙයි ඔබ හිතනව ද? ගැටුම් තිබුණේ ශ්‍රී ලංකා හමුදාව සහ සිවිල් වැසියන් අතර කියා ඔබ ඒක විශ්වාසකරනවා ද? ගැටුම තිබුණේ ශ්‍ර ී ලංකා හමුදාව සහ ඔවුන් හා සමාන සන්නද්ධ ත්‍රස්ත සංවිධානයක් අතර
මකත තියා ගන්න. කිසිවෙක් කිසිවෙක් කතා කළේ නැහැ. 7000ක් කියන මේ විෂම ප්‍රමාණය ඇතුළේ සටන්කරුවන්ද සිටින බව ඔබ හිතනව ද හමුදාව සටන් කළෙ මන:කල්පිත හමුදාවක් සමග කියා කෝ එකකොට සටන්කරුවෝ 

මෙරට දේශපාලන සිරකරුවන් නොමැති බව වැඩබලන ජනමාධ්‍ය අමාත්‍ය ලක්ෂ්මන් යාපා අබේවර්ධන මහතා පවසයි.

අමාත්‍යවරයා මේ බව ප්‍රකාශ කළේ අද පැවති කැබිනට් තීරණ දැනුම්දීමේ මාධ්‍ය හමුවට එක්වෙමිනි.
කේ.පී හෙවත් කුමරන් පද්මනාදන් නැමැත්තා කුමන ගනයේ සිරකරුවෙක්දැයි මෙහිදී මාධ්‍යවේදීන් ප්‍රශ්න
කළේය.
ඒහිදී අමාත්‍යවරයා මෙසේ පැවසීය.

ශ්‍රී ලංකාවට ඇති අපරාධ චෝදනාව සම්බන්ධයෙන් පැවැත්වෙන අන්තර්ජාතික පරීක්ෂණයට රජයට සහය දෙන්නැයි සරත් ෆොන්සේකා පවසන්නේ, කාගේ උවමනාවටදැයි ජාතික නිදහස් පෙරමුණ ප්‍රශ්න කරයි.
 

එම පෙරමුණේ සභාපති අමාත්‍ය විමල් විරවංශ මහතා මේ බව ප්‍රකාශ කළේ, පැවති ප්‍රවෘත්ති සාකච්ඡාවකදීය.

’’ෆොන්සේකා මහත්තයා කියනවා. බොහොම නිර්භීතව මම සූදානම් ඒ ගැන ඕනෑම පරීක්ෂණයකට ගිහිල්ලා මුහුණ දෙන්න. ජාත්‍යන්තර පරික්ෂණයකට රජය සහය දෙන්න ඕනි කියලා. මේ යුද අපරාධ ගැන චෝදනා ගැන ඇත්ත කතාව අවසන් දින කිහිපයේ මං ලංකාවේ හිටියේ නෑ. මං හිටියේ චීනේ ඒ නිසා ඒ කාලේ තුළ වෙච්ච දේවල් ගැන අවසාන වගකීම මට ගන්න බැහැ. එතුමා එළියට ආපු ගමන් ඇයි මේ අන්තර්ජාතික යුද අපරාධ චෝදනා ගැන අන්තර්ජාතික පරීක්ෂණයකට සහය දෙන්න කියන්නේ, ඒ කාගේ කොන්ත්‍රාත්තුවක් ද’’

සරත් ෆොන්සේකා මහතාට නිදහස ලැබීමේ අවස්ථාවට සහභාගී වූ පිරිස අතර බෙදා හැර තිබූ අපූරු පෝස්ටරයක් විය.

එහි වූයේ, ‘සිරකල නොහැකි හඬ – ජෙනරාල් සරත් ෆොන්සේකාගේ හඬ, සජිත් පේ‍්‍රමදාසහේ හඬ, මාධ්‍ය හඬ සිරස’ යනුවෙනි.

සිදු වී යැයි කියන යුද අපරාධ සම්බන්ධයෙන් ශ්‍රී ලංකාව ඕනෑම අන්තර් ජාතික පරීක්ෂණයක දී  සහාය දැක්විය යුතුයැයි හිටපු යුද හමුදාපති හිරෙන් නිදහස ලැබූ දිනට පසු දා  බ්‍රිතාන්‍ය ගුවන් විදුලිය සමග පැවැසීය.

තමන් වැරැදිකරුවන් සේ ශ්‍රි ලංකාවේ ඇතැම් නායකයන් සිය ක්‍රියාකලාපය ගැන “මුහුණු සඟවා ගනිති“යි ඔහු බී.බී.සියට කීවේය. 2009 මැයි 19 වැනිදා අවසන් වූ තිස් අවුරුදු යුද්ධය ජයග්‍රහණය කෙළේ පොන්සේකාගේ නායකත්වයෙනි.

ශ්‍රී ලංකාවේ ඇතැම් නායකයන් ලෝකයට දෙන හැඟීමවනුයේ ඔවුන් යම්කිසි දෙයක් සම්බන්ධයෙන් වැරැදිකරුවන් බව හැඟෙන ක්‍රියා කිරීම බව පොන්සේකා කීවේය.‘‘යුද මෙහෙයුම් සම්බන්ධව යුද අපරාධ චෝදනා ගැන උත්තර දීමට මා සූදානම්‘‘ මානව හිමිකම් උල්ලංඝනය කිරීම හා සංහිඳියාව ගැන එක්සත් ජාතීන්ගේ සංවිධානය ඉල්ලා සිටින දේ වැදගත් යැයි ද ඔහු කීවේය.

යුද්ධය මෙහෙයැවූයේ තමා බවත් රටේ දේශපාලන නායකයන් විසින් නොවන බවත් පොන්සේකා ඒ කාලය ගැන ප්‍රශ්න වලට උත්තරදීමට තමා බිය නොවන බවත් සඳහන් කෙළේය.

‘‘මා මුල සිටම පැවැසුයේ යුද හමුදාවේ නම රැක ගත යුතු බවයි. ජිවිත පූජා කළ අය, යුද්ධය මෙහෙයැ වූ අය, රැකගත යුතුයි. ඕනෑ කෙනකු ඉදිරිපිට කතා කිරීමට මා බය වෙන්නේ නැහැ.

‘කොටි සංවිධානය සාමාන්‍ය වැසියනට අවි දී පෙරමුණට යැවීම නිසා කැරැලිකරුවන්ගෙන් සාමාන්‍ය මිනිසුන් වෙන් කැර ගැනීමට හමුදාවට නොහැකි වුණා.“

යුද්ධයේ අවසන් දිනවල සාමාන්‍ය ජනයා දහස් ගණන් මරා දැමී යැයි කියන කතාව ඔහු ප්‍රතික්ෂේප කරයි. ‘‘ තිස්දාහක් හතළිස් දාහක් මියගිය බවට කියන කතාව පිළිගන්න බෑ. අප යොදාගත් අවි, යුද්ධෝපක්‍රම, ආදියෙන් ද නිතරම සාමාන්‍ය ජනයා ගැන දැක්වූ සැලකිල්ල අනුව ද එතරම් පිරිසක් මියගිය බවට කියන කතාව ප්‍රායෝගික නෑ.

තමාට ජනපතිවීමට හෝ පාර්ලිමේන්තුවට යෑමට හෝ බැරිවුණත් ශ්‍රී ලංකාවේ දූෂිත දේශපාලන සංස්කෘතිය‘ වෙනස් කිරීමට ඇවැසි බව ද ඔහු කීවේය. ‘මා ළඟ දේශපාන න්‍යායපත්‍රයක් තිබෙනවා. එය මේ රටේ දූෂිත දේශපාලන සංස්කෘතිය වෙනස් කිරීමටයි. මට එය කළ හැකි නම් ජනාධිපති වීමට හෝ මන්ත්‍රීවරයකු වීමට ඕනෑ නැහැ.

හිටපු හමුදාපති සරත් ෆොන්සේකා මහතා ඊයේ පස්වරුවේ සිය නිවස පැමිණියේය.

ප්‍රජාතන්ත්‍රවදී ජාතික සන්ධානයේ සභාපති පාර්ලිමේන්තු මන්ත්‍රී ටිරාන් අලස්, විශ්‍රාමික අගවිනිසුරු සරත් එන් සිල්වා, එක්සත් ජාතික පක්ෂ නියෝජ්‍ය නායක සජිත් ප්‍රේමදාස, පාර්ලිමේන්තු මන්‍ත්‍රී අර්ජුන රණතුංග යන මහත්වරු ද එහි පැමිණ සිටියහ.

පවුලේ සාමාජිකයින් ඇතුළු පිරිස හමුවී සාකච්ඡා කිරීමෙන් අනතුරුව හිටපු හමුදාපතිවරයා මාධ්‍ය වෙත අදහස් දැක්වීය.

’’තවම මම හරියට දන්නනෙ නැහැ. මට මොන ආකාරයේ නිදහසක් ලැබිල තියෙන්නේ කියලා දේශපාලනය ජනතාව වෙනුවෙන් දේශපාලන ව්‍යාපාරයක් කරගෙන යා හැකි නිදහස මට  දුන්න ද කියන එක තවම මට ප්‍රශ්නයක් මොන ආකාරයේ බාධා ආවත් ජනතාවට අවශ්‍ය අරමුණු ශක්තිය වෙනුවෙන් ගෙනයන දේශපාලන සටන සුදුසු දේශපාලන සංස්කෘතියක් ඇති කරන්න ගෙන යන ව්‍යාපාරය පැකිලීමකින් තොරව ඉෂ්ට කරනවා. මා එක්ක රැඳිල ඉන්න කියලා ජනතාවගෙන් ඉල්ලනවා. මම රටට කෙළෙහිගුණ සලකනවා. දේශපාලනඥයින්ගේ ගොදුරක් වු ජනතාවට සතුටක් ප්‍රීතියක් වසන්තයක් ඇති කරන්න මගේ ජීවිතේ කැප කරනවා කියලා. මේ අවස්ථාවේදී පුන පුනා ප්‍රකාශ කරන්න කැමතියි’’

ජනතා පරමාධිපත්‍යයේ බලය සාධාරණව ජනතාව වෙනුවෙන් පරිහරණය කළ යුතු යැයි ඝාතනයට ලක්වු භාරත ලක්ෂ්මන් ප්‍රේමචන්ද්‍ර මහතාගේ දියණිය වන හිරුණිකා ප්‍රේමචන්ද්‍ර මෙනවිය පවසන්නීය.
 

ඇය ඒ බව පවසන්නේ, ජනාධිපති මහින්ද රාජපක්ෂ මහතා වෙත ලිපියක් යොමු කරමිනි.

හිරුණිකා  ප්‍රේමචන්ද්‍ර මෙනවිය ජනාධිපතිතුමාට යොමු කළ තම ලිපිය ආරම්භ කර ඇත්තේ, 2011 වසරේ ඔක්තෝම්බර් මස 08 වැනි දින තම දින පොතේ තැබූ සටහනක් උපුටා දක්වමිනි.

ඇය පවසන්නේ, එදින ඇගේ දින පොතෙහි - The Day I Lost My Soul - හෙවත් එම දිනය තම ආත්මය අහිමි වූ දිනය ලෙස සටහන් කර ඇති බවයි.

එමෙන්ම පසුගිය මාස 07ට පියෙකු අහිමි වුණ දියණියක ලෙස දුක් වේදනා ගැරහිලි මඩ තර්ජන ගර්ජන ඇතුළු සියලු දේට මුහුණ දුන් බව හිරුණිකා ප්‍රේමචන්ද්‍ර මෙනවිය ජනාධිපතිතුමාට යැවූ ලිපියේ සඳහන්ය. 

එම ලිපියේ දැක්වෙන්නේ, එවැනි දෑට තමන් තවමත් මුහුණ දෙන බවත් මෙතෙක් තමන් ජීවිතයේ මුහුණ දුන් දුක්ඛ්‍යදායි කටුකම අත්දැකීම එය බවත්ය.

ජනාධිපති මෙන්ම රටේ අනෙකුත් වගකිව යුතු අංශ අද පරිහරණය කරමින් සිටිනුයේ, ජනතා පරමාධිපත්‍ය බව ද හිරුණිකා ප්‍රේමචන්ද්‍ර මෙනවිය තම ලිපියෙන් ජනාධිපතිතුමාට පෙන්වා දෙන්නීය.


හිරුණිකා ප්‍රේමචන්ද්‍ර මෙනවියගේ ලිපියෙහි මෙසේද සඳහන්ය.

’’ප්‍රවෘත්තිවල මගේ තාත්තා ලේ විලක් මැද වැටී සිටින ආකාරය දුටු විට මට මාවම පාලනය කර ගත නොහැකි වුණා. මට බෙරිහන් දී අඩන්න ඕන වුණා. කෑ ගහන්න ඕන වුණා. ඒත් මගේ හඬ පිට වුණේ නැහැ. 80 දශකයේ සිට මගේ පියාගේ දේශපලන ගමන කුමන එකක්  ද කියා කොලොන්නාවේ ජනතාව පමණක් නොව මුළු රටම දන්නා කරුණකි. 79 යු. එන්. පී. ආණ්ඩු රජයන කාලේ ශ්‍රී ලංකා මිනිස්සු ගෙවල්වලින් එළියට එන්න බිය වී සිටි කාලයේ ඒ තර්ජන ගර්ජන මැද බිය නොවී ජනතාව එක්රැස් කර පාරට බස්සා. නිල් කොඩියක් පළවෙනියට කොලොන්නාවට දැම්ම එකම නායකයා මගේ පියායි. මාස 07 ක් තිස්සේ මම හැමදාම කන්නලව්වක් සේ කියා සිටින්නේ, ප්‍රධාන සැකකරු නීතියේ රැහැනට ගෙන එන්න කියායි. දැන් දැන් මේ නඩුව භාරත ලක්ෂ්මන් ප්‍රේමචන්ද්‍ර පාර්ශවය හා දුමින්ද සිල්වා ඇතුළු රටේ වගකිව යුතු පාර්ශවයන් අතර කෙරෙන නඩුවක් වී හමාරය’’

හිරුණිකා මෙනවිය ජනාධිපතිතුමාට යැවූ ලිපිය අවසන් කර ඇත්තේ මෙසේය.

’’මේ ලිපිය කාගේවත් බලපෑමකට උවමානාවකට ලිවූ ලිපියක් නොවන අතර  මගේ සිතේ තිබෙන සියලුම දේ මම මේ ලිපියට එක් කළෙමි. ජනාධිපතිතුමනි, දැන් ඔබේ වාරයයි. ඔබ තීරණය කරන්න මෙය කියවා ඉරා පසෙක තබනවා ද, කෝප ගෙන ක්‍රියාත්මක වෙනවා ද, දෙතුන් පාරක් නොව දහස් වරක් සිතා සාධාරණය ඉෂ්ට කරනවා ද '' 

චක්‍රලේඛයක අඩුපාඩු නිසා රජයට අධික වියදමක්

වසරකට රු. ලක්‍ෂ 6ක් පමණ දීමනා ලබන නිලධාරීහු විසිදහසක්

ක්ෂේත්‍ර රාජකාරියේ නොයෙදෙන රජයේ විධායක නිලධාරීන් දහස් ගණනක් ප්‍රවාහන සහ ඉන්ධන දීමනාව ලබා ගැනීම නිසා රජයට අති විශාල මුදල් සම්භාරයක් වියදම් කිරීමට සිදුවී ඇති බව රජයේ විගණන අංශ පෙන්වා දෙයි.

රජයේ විධායක නිලධාරීන්ගේ වැටුපට ප්‍රවාහන දීමනා වශයෙන් රුපියල් තිස් දහසක් සහ ඉන්ධන දීමනා ලෙස දහ අට දහසක් වශයෙන් රුපියල් හතළිස් අටදහසක් එකතු වෙයි.

ඒ අනුව වසරකට එක් නිලධාරියකුට රුපියල් පන් ලක්‍ෂ හැත්තෑදහසක් ගෙවනු ලබයි. රාජ්‍ය ආයතනවල මෙම දීමනාව ලබන නිලධාරීන් විසිදහසක් පමණ සිටිති.

ඒ අතරින් වැඩි පිරිසක් ක්ෂේත්‍ර රාජකාරියේ නොයෙදෙන අය බවද හඳුනාගෙන තිබේ. ඇතැම් පිරිස් දිනපතා නිවසේ සිට රාජකාරියට යාමට ඒමට පමණක් සීමා වූ අය වෙති. නිල නිවාසයේ සිට රාජකාරි ස්ථානයට පයින් ඇවිදගෙන යන නිලධාරීන් ද ප්‍රවාහන සහ ඉන්ධන දීමනාවට හිමිකම් කියති. එම දීමනාව ලබන ඇතැම් නිලධාරීන්  ආයතනය සතු නිල වාහන, තීරු බදු රහිත වාහන ලබා ගැනීමේ බලපත්‍ර පමණක් නොව ආයතනය හෝ දෙපාර්තමේන්තුව සතු සංචිත වාහන ද ලබා ගන්නා බව හෙළි වී තිබේ.

එම ආයතන සහ දෙපාර්තමේන්තුවල සංචිත වාහන පදවන රියැදුරන්ගේ සංගමය පවසන්නේ බොහෝ නිලධාරීන්ට ලබා දී ඇති නිල වාහනයේ කාර්මික දෝෂයක් බව පවසා සති අන්තයේදී සංචිතයෙන් සුඛෝපභෝගී වෑන් රථ ලබාගෙන නෑ හිතමිතුරන් සමඟ විනෝද ගමන්වල යෙදෙන බවයි. (1999/6) චක්‍රලේඛයෙන් රජයේ විධායක නිලධාරීන් සඳහා ඉන්ධන සහ ප්‍රවාහන දීමනාව ලබා දිය යුතු බව සඳහන් වෙයි. එහෙත් එම දීීමනාව ලැබිය යුතු නිලධාරීන්ට පැවරී ඇති රාජකාරි මට්ටම් සහ දුර ප්‍රමාණය එම චක්‍රලේඛයේ සඳහන් කර නොමැත

මේ නිසා 99/6 චක්‍රලේඛයේ සියලු අඩුපාඩු සංශෝධනය කර මෙම නිශ්ඵල වියදම් නවත්වා ගැනීමෙන් රජයට විශාල ආදායමක් ඉතිරි කර ගත හැකි බව ද විගණන අංශ පෙන්වා දෙයි.

 එකී පැනයට  අනෝමා ෆෝනසේකා මෙලෙස පිළිතුරු ලබාදුන්නාය

’’මං හිතන්නේ, මට 100%ක් මේකට වචනයක් කියන්න බෑ. එතුමා කවදාවත් රට ජාතිය ගලවා ගැනීමට උරදුන්න කෙනෙක් ඉතින් ඉදිරියටත් ඒ පියවර ගනියි කියන අදහස මගේ තියෙනවා. හැබැයි එකේ වචනය කෙලින්ම ගන්න ඕනේ මගෙන් නෙවෙයි. ජෙනරාල්තුමාගෙන් ’’

විශ්‍රාමික අගවිනිසුරු සරත් එන්. සිල්වා

 ’’ ආණ්ඩුක්‍රම ව්‍යවස්ථාවේ 89 වෙනි වගන්තිය යටතේ කිසියම් තැනැත්තෙක් අධිකරණයක් විසින් හය මාසයකට අධික වු දඩුවමක් පමුණුවනු ලැබුවේ නම් ඒ දඬුවම ලබන වරදට දඬුවම් සීමාවක් වශයෙන් අවුරුදු 2කට ඉක්මවන කාලයක් තිබෙනවා. නම් එතකොට ඒ හය මාසයකට දඬුවමක් ලබීම හේතුවෙන් ඒ තැනැත්තා ඒ දඩුවමකට අමතරව තව නුදුසුදුකමකට යටත් වෙනවා නම් ඔහු ඡන්ද දායකයෙක් බවට පත් වීමේ නුසුදුස්සෙක් බවට පත් වෙනවා. ඡන්ද දායකයෙක් වීමේ නුසුදුස්සෙක් වීමේ තවත් ඵල විපාලයක් තමයි ජනාධිපති මැතිවරණයකට හෝ පාර්ලිමේන්තු මැතිවරනටයකට හෝ වෙන කිසියම් මැතිවරණයකට  ඉදිරිපත් වීමකට හැකියාවක් නැහැ. ඒ දඬුවම ලැබි අවුරුදු 7ක් ගතවෙන තුරු ඒ නුසුදුකම සම්බන්ධයෙන් සමාවක් දීමට ජනාධිපතිට විශේෂ බලයක් තියෙනවා. මේ 34 වෙනි වගන්තියේ ව්‍යවස්ථාව යටතේම එතකොට ජනාධිපතිතුමා ඒ සම්බන්ධයෙන් විශේෂ සමාවකත් දියයුතුයි. තවත් එකක් තියෙනවා. ඒ සමාව දිමේදී අර තිබෙන නුසුදුසුකමට යටත්ව තිබෙන කාලසීමාව ඒ කියන්නේ, අවුරුදු 7ක කාලසීමාව අඩුකිරීමටත් ජනාධිපතිතුමාට බලයක් තියෙනවා ’’

මහ බැංකුව මගින් නිකුත් කෙරෙන රන් පැහැති රුපියල් 5 කාසිය දියකොට දම්වැල් සාදා විකිණීමේ ව්‍යාපාරයක් රට පුරා ක්‍රියාත්මක වේ. බස් නැවතුම්පොළ, පදික වේදිකාවල, දුම්රියපොළවල් හා වෙනත් ජනාකීර්ණ ප්‍රදේශවල මෙය ක්‍රියාත්මක වේ.

පල්ලෙකැලේ ස්ථානයක මෙය නිෂ්පාදනය කෙරෙන බවට ඒවා අලෙවි කරන පුද්ගලයෝ ප්‍රචාරයක් ද ගෙන යති. රටේ මාරු කාසි හිඟයක් පවතින අවස්ථාවක මෙවැනි දේ සිදුකිරීම සාධාරණ දැයි පාරිභෝගිකයෝ ප්‍රශ්න කරති.

රටේ නීතියට පටහැනි මෙවැනි දේ කිරීම ගැන මහා භාණ්ඩාගාරය සොයා බැලිය යුතු බව ද පෙන්වා දෙති.

රුපියල් 5 කාසි එකකින් චේන් පොටක් සාදා එය රුපියල් 100/- බැගින් අලෙවි කරන අතර මහජනතාව ද එය මිලදී ගැනීමට උනන්දුවක් දක්වන බව කරන ලද පරීක්‍ෂණවලින් සොයාගෙන ඇත. දිවයිනේ නන් දෙස මෙය ක්‍රියාත්මක වන අතර එමඟින් ඒවා අලෙවි කරන්නන් විශාල ආදායමක් උපයන බව ද සොයාගෙන ඇත.