අංගොඩ ලොක්කාගේ මැනේජර් සතු කෝටි ගාණක වත්කම් එළියට

මීට මාසයකට ඉහතදී කඩුවෙලදී රුපියල් හය කෝටියකට අධික මුදලක් හා හෙරොයින් තොගයක් සමග අත්අඩංගුවට ගත් අංගොඩ ලොක්කාගේ ප්‍රධාන මූල්‍ය කටයුතු පාලක ලෙස කටයුතු කළ සැකකරුගේ සහ ඔහුගේ ගෝලයාගේ රුපියල් කෝටි ගණනක් වටිනා ඉඩම් සහ බැංකු ගිණුම් කිහිපයක් ඇතුළුව නීති විරෝධී දේපළ හා වත්කම් විමර්ශන කොට්ඨාසය විසින් අනාවරණය කරගැනීමට සමත්වී තිබේ.

ඉකුත් දෙසැම්බර් 19 වන දින පොලිස් මත්ද්‍රව්‍ය නාශක කාර්යාංශය මඟින් අත්අඩංගුවට ගත් භානුක පෙරේරා සහ මදුසංක මෙන්ඩිස් හෙවත් “පොඩි මෑන්” පොලිස්පති චන්දන වික්‍රමරත්න මහතාගේ නියමයෙන් මෙම විමර්ශන කොට්ඨාසය වෙත භාර කෙරිණි. 

සැකකරුවන් දින හතක කාලයක් රැඳවුම් නියෝග මත තබාගෙන ප්‍රශ්න කිරීමෙන් පසුව මේ වන විට රක්ෂිත බන්ධනාගාර ගත කොට සිටින අතර සැකකරුවන්ගේ දේපළ සම්බන්ධයෙන් සිදුකළ රහසිගත විමර්ශනවලදී මෙම දේපළ හා වත්කම් සොයාගෙන ඇත.

සැකකාර භානුක හා ඔහුගේ බිරියට අයත් රුපියල් ලක්ෂ හයකට ආසන්න මුදල් තැන්පතු ගිණුම් 4ක් මෙම කොට්ඨාසය විසින් අනාවරණය කොට ගෙන තිබේ.

එසේ ම, භානුකගේ රුපියල් කෝටි ගණනක් වටිනා කඩුවෙල සුපිරි නිවෙසක්ද මෙම විමර්ශන කොට්ඨාසය විසින් සොයාගෙන ඇත.

භානුක අංගොඩ ලොක්කාගේ වියෝවෙන් පසුව ඩුබායිහිදී සැඟවී සිටින ‘හරක් කටා’ සමඟ එක්ව හෙරොයින් ජාවාරමේ නියැළී ඇතැයි ද හෙළිව ඇතැයි පොලිසිය කියා සිටී.

“පොඩි මෑන්” නමැත්තා බත්තරමුල්ලේ බන්ටිගේ ගෝලයකු ද වන අතර ඔහු විසින් බිරියගේ නමට කිරිඳිවෙලින්  මිලදී ගත් පර්චස් 12 ඉඩමක් නීති විරෝධී දේපළ හෝ වත්කම් විමර්ශන කොට්ඨාසය සොයාගෙන තිබේ.

එසේ ම, ඔහුගේ රුපියල් ලක්ෂ පහකට අධික වෙනත් වත්කම් ද හෙළිදරව් කොට ගෙන ඇත.

මෙම සියලු දේපළ හා වත්කම් මහා පරිමාණ මත්ද්‍රව්‍ය ජාවාරම් මගින් උපයා ගත් ඒවා බවත් ඒවා මුදල් විශුද්ධිකරණ පනත යටතේ තහනම් කිරීමට නියමිත ය. 

නීති විරෝධී දේපළ හෝ වත්කම් විමර්ශන කොට්ඨාසය මේ සම්බන්ධයෙන් තවදුරටත් විමර්ශන සිදු කරයි.

Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

සතියේ ජනප්‍රියම පුවත්

කොළඹ කෝටිපතියෙකුගේ පුතා රෝහලක උඩුමහලකින් පැන මරුට කැපවෙයි..

කොළඹ කෝටිපති ව්‍යාපාරිකයකුගේ තරුණ පුතකු කොල්ලුපිටිය ප්‍රදේශයේ පෞද්ගලික රෝහලක දස වැනි මහලෙන් බිමට පැන...

රෝහණ විරසිංහ සහ සුනිල් ආරියරත්න ඔස්කා සංවිධානයේ ධුරවලින් ඉල්ලා අස්වෙති

ආචාර්ය රෝහණ වීරසිංහයන් සහ මහාචාර්ය සුනිල් ආරියරත්න මහත්වරුන් ඔස්කා සංවිධානයේ තම ධුරවලින් ඉල්ලා අස්වීමේ...

26 හැවිරිදි චතුරිකාගේ දේහය යළි ගොඩගනී

යක්කල ප්‍රදේශයේ පදිංචි 26 හැවිරිදි විවාහක කාන්තාවක්ගේ දේහය යළි ගොඩගැනීම සිදු කරනු ලැබුවා. ඇය...

ලස්සන කවියක් කියා මව සමඟ යන්නම ගිය සමනලිය

බිබිල, බදුල්ලගම්මන ප්‍රදේශයේ පදිංචිව සිටි මවක් ඊයේ (21) රාත්‍රියේ සිය තුන් හැවිරිදි දියණිය ද...

උමාරියාගේ ප්‍රකාශය පොලිසියේ අවධානයට (VIDEO)

සමාජයේ විවිධ කේෂ්ත්‍රවල සිටින ජනප්‍රිය පුද්ගලයින් ඉලක්ක කර ගනිමින් සිදුවන අපහාසාත්මක ක්‍රියාවන් දිනෙන් දින...

අපගේ නවතම පුවත්

0
මේ පුවත ගැන ඔබේ ප්‍රතිචාරය කුමක්ද ?x
()
x