අඛණ්ඩව 03 වන දිනටත් දෛනික ආසාදිතයින් 900 ඉක්මවයි

කොරෝනා ආසාදිතයින් නවසිය හතලිස් දෙදෙනෙකු ඊයේ වාර්තා වීමත් සමඟ මෙරටින් වාර්තා වන සමස්ත කොරෝනා ආසාදිතයින්ගේ සංඛ්‍යාව මේ වනවිට 73,116 දක්වා ඉහළ ගොස් තිබෙනවා.අඛණ්ඩව තුන්වන දිනටත් මෙලෙස ආසාදිතයින් නව සියයේ සීමාව ඉක්මවා වාර්තා වීම විශේෂත්වයක්.ඒ අනුව, මිනුවන්ගොඩ බ්‍රැන්ඩික්ස්, පෑලියගොඩ මත්ස්‍ය වෙළඳපොල සහ බන්ධනාගාර ආශ්‍රිත කොරෝනා පොකුරේ ආසාදිතයින් සංඛ්‍යාව 69,094 ක් වනවා.දිවයිනේ රෝහල් කිහිපයක ආසාදිතයින් 6,526 දෙනෙකු තවදුරටත් ප්‍රතිකාර ලබන බවයි රජයේ ප්‍රවෘත්ති දෙපාර්තමේන්තුව සඳහන් කළේ.

ඊයේ දිනයේදී තවත් ආසාදිතයින් 567 දෙනෙකු සුවය ලබා රෝහල්වලින් පිටත්ව යෑමත් සමඟ මෙරට සුවය ලැබූ සමස්ත කොරෝනා ආසාදිතයින්ගේ සංඛ්‍යාව 66,211 ක් වනවා.එමෙන්ම, තවත් කොරෝනා මරණ 04 ක් වාර්තාවීමත් සමඟ මෙරට සමස්ත කොරෝනා මරණ සංඛ්‍යාවද 379 ක් දක්වා ඉහළ ගියා.රජයේ ප්‍රවෘත්ති දෙපාර්තමේන්තුව නිවේදනය කළේ කොළඹ 05 ප්‍රදේශයේ පදිංචි 83 හැවිරිදි පිරිමි පුද්ගලයෙකු කොවිඩ් නියුමෝනියාව, උග්‍ර දියවැඩියාව, අධි රුධිර පීඩනය සහ පාකින්සන් රෝගී තත්ත්වය හේතුවෙන් ජීවිතක්ෂයට පත්ව ඇති බවයි.

එසේම, කොවිඩ් නියුමෝනියාව සහ අධි රුධිර පීඩනය හේතුවෙන් කොටහේනේ පදිංචි 70 හැවිරිදි කාන්තාවක් කොළඹ ජාතික රෝහලට ඇතුළත් කරන අවස්ථාවේදී මියගොස් තිබෙනවා.  42 හැවිරිදි කොළඹ 13 ප්‍රදේශයේ පදිංචි කාන්තාවක්ද කොළඹ ජාතික රෝහලේදී මියගොස් ඇති අතර, ඇයගේ මරණයට හේතු වී ඇත්තේ කොවිඩ් සමඟ උත්සන්න වූ පෙනහළු පිලිකා රෝගී තත්ත්වය, අධි රුධිර පීඩනය සහ උග්‍ර දියවැඩියාවයි.උඩතලවිල්ල ප්‍රදේශයේ පදිංචි 64 හැවිරිදි කාන්තාවක්ද මහනුවර රෝහලේදී ජීවිතක්ෂයට පත්ව තිබුණා.

ඇයගේ මරණයට හේතු වී තිබුණේ කොවිඩ් නියුමෝනියාව සමඟ ලේ විෂවීමේ කම්පනය සහ හෘදය අක්‍රීයවීමයි.කෙසේ වෙතත්, කොරෝනා වෛරසයේ නව ප්‍රභේද හඳුනා ගැනීම සඳහා තවත් රසායනාගාර 04 ක් ස්ථාපිත කරන බවයි ප්‍රාථමික සෞඛ්‍ය සේවා, වසංගත රෝග හා කොවිඩ් පාලන කටයුතු රාජ්‍ය අමාත්‍යාංශයේ ලේකම් විශේෂඥ වෛද්‍ය අමල් හර්ෂ ද සිල්වා පැවසුවේ.  මේ අතර, ගම්පහ නගරයේ වෙළඳසැල් ආශ්‍රිතව කොරෝනා ආසාදිතයින් වාර්තා වීමත් සමඟ නගරයේ ස්ථාන 05 ක පී.සී.ආර්. පරීක්ෂණ ඊයේ සිදුකෙරුණා.

එමෙන්ම, ශ්‍රී ලංකා ක්‍රිකට් කණ්ඩායමේ ක්‍රීඩකයන් 36 දෙනෙකු සඳහා සිදුකළ පී.සී.ආර් පරීක්ෂණවලදී ඔවුන්ට වෛරසය ආසාදනය වී නොමැති බවට තහවුරු වී තිබෙනවා.එම පරීක්ෂණ සිදුකරනු ලැබුවේ ක්‍රිකට් කණ්ඩායමේ ප්‍රධාන පුහුණුකරු මිකී ආතර් සහ ක්‍රිකට් ක්‍රීඩක ළහිරු තිරිමාන්නට පසුගියදා වෛරසය ආසාදනය වීම හේතුවෙන්.රජයේ මැදිහත්වීමකින් හෝ මුදලට ක්‍රිකට් ක්‍රීඩකයින් සඳහා කොවිෂීල්ඩ් එන්නත ලබාදීමට කටයුතු කරන බව ද ශ්‍රී ලංකා ක්‍රිකට් ආයතනය වැඩිදුරටත් සඳහන් කළා.

ඔබේ ප්‍රතිචාරය කුමක්ද ?
පට්ට !
0
11.svg?v=2.6
අවුල් වගේ !
0
22.svg?v=2.6
හරි හිනා !
0
3.svg?v=2.6
හම්මෝ !
0
31.svg?v=2.6
මාර දුකයි !
0
27.svg?v=2.6
මලපනිනව !
0
30.svg?v=2.6
කුජීතයි !
0
48.svg?v=2.6

සතියේ පලවූ මෙවැනිම පුවත්

Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්

සතියේ පලවූ තවත් පුවත්

“ඇඟ විකුණලා ගත්තු සල්ලි නේද මේ කියලා හිතෙද්දි ඇත්තටම දුකයි..”- වත්තල රූමතිය හෙළි කළ සංවේදී කතාව – Exclusive

ජීවත් වෙන්න මිනිස්සු මොන තරම්නම් දේවල් කරනවද..?සමහර මිනිස්සු අසරණ කම නිසා අකමැත්තෙන් වුණත් සමරහ...

වසර 25කට පෙර මව් සෙනෙහස දුන් ලංකාවේ නාලනී සොයන ලෙබනන් පුතා

ලෙබනනයේ රමානියාහි පිහිටි . “ ඩාර් අල් බචීස් රෝහලේදි 1996 ජුනි 21 වැනි දින...

අනුර කුමාර ගැන පැමිණිල්ලක් දාන්න සුනිල් හදුන්නෙත්ති සී.අයි.ඩියට යයි

ජනතා විමුක්ති පෙරමුණේ නායක අනුර කුමාර දිසානායක ඉලක්ක කරගෙන කිසියම් පාර්ශවයක් විසින් සිදුකරමින් සිටින...

පළාත් සංචරණ සීමා ගැන තීරණයක්

කොවිඩ් වසංගතය හේතුවෙන් පනවා තිබෙන පළාත් අතර සංචරණ සිමා යලි දීර්ඝ කිරීමට තීරණය කර...

එන්නත් බල බිඳගෙන අලුත් කොවිඩ් ප්‍රභේදයක් හිස ඔසවයි

කොවිඩ්-19 ඩෙල්ටා ප්‍රභේදයේ අනුප්‍රභේදයක් ලෙස ශීඝ්‍රයෙන් ව්‍යාප්ත වෙමින් පවතින ‘ඩෙල්ටා ප්ලස්’ (Delta +) නම්...
0
මේ පුවත ගැන ඔබේ ප්‍රතිචාරය කුමක්ද ?x
()
x