28 C
Colombo
Friday, May 14, 2021

අඩුම ගානේ සති දෙකක් නැත්නම් මාසයක් රට ලොක්ඩවුන් කළ යුතුයි – විශේෂඥ වෛද්‍ය මුදිත අබේකෝන්

2020 වසරේ ජනවාරි 27 වනදා මෙරට පළමු කොවිඩ් ආසාදිතයා වාර්තා වී වසරකුත් මාස 03ක් ගතවෙද්දී මෙරට ආසාදිතයින් පොකුරුවලට සීමා නොවී සෑම දිස්ත්‍රික්කයකින්ම ආසාදිතයින් වාර්තාවීම දැන් සිදුවෙයි.

ගෙවුණු සතිය ආරම්භයේ ආසාදිතයින් 600 සීමාවේ පැවතියත් අඛණ්ඩව තෙවන දිනටත් දෛනික ආසාදිතයින් 1000 ඉක්මවා අද (29) වාර්තා විය.

මේ අතර ඊයේ ආසාදිතයින් 1,466ක් වාර්තා විය.

කොළඹ සහ ගම්පහ දිස්ත්‍රික්කවල ආසාදිතයින් 200 ඉක්මවා යද්දී කුරුණෑගල,කළුතර හා මාතලේ දිස්ත්‍රික්කවලින් ආසාදිතයින් 100 ඉක්මවා තිබුණි.

අද වනවිට මෙරට ජනගහනයෙන් සෑම ලක්ෂ 10කටම කොවිඩ් ආසාදිතයින් 4,747 දෙනෙකු වාර්තා වන බව වසංගත රෝග විද්‍යා අංශයේ දත්තවල දැක්වෙයි.

මොනරාගල, සියඹලාණ්ඩුව ප්‍රදේශයෙන් ආසාදිතයින් 26 දෙනෙකු ඊයේ තහවුරු වූ අතර ඉන් 16 දෙනෙකුම හෙලමුල්ල ගම්මානයෙන් වාර්තා වී තිබීම විශේෂත්වයකි.

සියඹලාණ්ඩුව පොලිස් ස්ථානයේ නිලධාරීන් 5 දෙනෙකු ද ආසාදිතයින් අතරට අයත් වේ.

පිළියන්දල සෞඛ්‍ය වෛද්‍ය නිලධාරී බල ප්‍රදේශයේ පසුගිය 25 වනදා සිදුකළ පී.සී.ආර්.පරීක්ෂණ 347 ක ප්‍රතිඵල අනුව කොවිඩ් ආසාදිතයින් 83 දෙනෙකු අද තහවුරු වූ බව සෞඛ්‍ය අංශ සඳහන් කළහ.

මේ අතර, කොවිඩ් ආසාදිතයින්ට ප්‍රතිකාර කිරීම සඳහා රෝහල්වල පවතින පහසුකම් වැඩිකිරීමට පියවර ගෙන ඇතැයි යුද හමුදාපති ජෙනරාල් ශවේන්ද්‍ර සිල්වා මහතා සඳහන් කළේය.

මීට අමතරව අවශ්‍ය වුවහොත් තෝරාගත් සංචාරක හෝටල් කිහිපයක් අතරමැදි කොවිඩ් ප්‍රතිකාර මධ්‍යස්ථාන බවට පත් කරන බව යුදහමුදාපතිවරයා සඳහන් කළේය.

කෑගල්ල දැරණියගල මැදකොටස ගම්මානයේ පසුගිය 25වනදා  සිදුකළ PCR පරීක්ෂණවලින් 60 දෙනෙකු සහ ඊයේ ඉළුක්තැන්න ප්‍රදේශයේ සිදුකළ රැපිඩ් ඇන්ටිජන් පරීක්ෂණයෙන් 5 දෙනෙකුට කොවිඩ් ආසාදිත බව තහවුරු වී තිබේ.

මේ අතර කෑගල්ල මහ රෝහලේ ක්ෂුද්‍ර ජීව පිළිබඳ විශේෂඥ වෛද්‍ය, මුදිත අබේකෝන් මහතා පැවසුවේ කොවිඩ් වෛරසය විශාල වශයෙන් සමාජ ගත වී ඇති බවය.

“විශාල වශයෙන් මෙය සමාජගත වෙලා රැලි පිට රැලි දැන් පැමිණෙනවා. රෝහල්වල රෝගීන් ඇතුළත් කර ගැනීමේ ධාරිතාවය සම්පුර්ණ වෙමින් පවතිනවා. එය වළක්වා ගැනීම සඳහා අවාසනාවකට අපට කිසිම ක්‍රමවේදයක් නෑ මේ වෙලාවේ දී  රට ලොක්ඩවුන් කිරීම හැර. අපි අඩුම ගානේ සති දෙකක් එහෙම නැත්නම් මාසයක් රට ලොක්ඩවුන් කරලා අපි රෝහල් ලෑස්ති කර ගත යුතුයි.“
   
කුරුණෑගල ප්‍රාදේශීය ලේකම් කොට්ඨාසයේ පුද්ගලයින් 237 දෙනෙකුට සිදුකළ පීසීආර් පරීක්ෂණවලින් 72 දෙනෙකු කොවිඩ් ආසාදිතයින් ලෙස හඳුනාගෙන තිබේ.

ඉන් වැඩිම සංඛ්‍යාවක් වාර්තා වූ උඩබදලව ග්‍රාම නිලධාරී වසම අද (29) දහවල් සිට හුදකලා කිරීමට සෞඛ්‍ය වෛද්‍ය නිලධාරී කාර්යාලය පියවර ගත්තේය.

මොරටුව සෞඛ්‍ය වෛද්‍ය නිලධාරී කොට්ඨාශයෙන් තවත් කොරෝනා ආසාදිතයන් 27 දෙනෙකු හඳුනාගත් බව සෞඛ්‍ය අංශ පවසති. 

පසුගිය 27 වැනිදා මොරටුව සොයිසාපුරදී පුද්ගලයින් 113 දෙනෙකු සඳහා සිදුකළ පී.සී.ආර්. පරීක්ෂණයේ ප්‍රතිඵලවලට අනුව තවත් රෝගීන් 23 දෙනෙකු මෙලෙස හඳුනා ගෙන තිබූ අතර පෞද්ගලිකව සිදුකර ගෙන ඇති පී.සී.ආර්. පරීක්ෂණ මගින් තවත් 4 දෙනෙකු ආසාදිතයන් බවට හඳුනාගෙන තිබුණි.

ඔබේ ප්‍රතිචාරය කුමක්ද ?
පට්ට !
2
අවුල් වගේ !
3
හරි හිනා !
0
හම්මෝ !
1
මාර දුකයි !
12
කුජීතයි !
3
මලපනිනව !
1
Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

තවත් මෙවැනිම පුවත්

ප්ලාස්ටික් බෝතල්වලින් බීම බොන අයට ඉදිරියේදී සිදු වන දේ

ප්ලාස්ටික් සහ පොලිතින් තහනමේ තවත් එක් අදියරක් ලෙස බෝතල්වල අඩංගු පාන මිලදී ගැනීමේදී තැන්පතු...

කොවිඩ් 19 එන්නත් ලබා ගත හැකි ස්ථාන

අද (11) දිනයේ පහත සඳහන් ස්ථානවලදී කොවිඩ් 19 එන්නත ලබා ගත හැකියිඋදේ 9.30 සිට...

කොවිඩ් තෙවැනි රැල්ලේ මරණ ගණන ඉහළ ට

කොවිඩ් තුන්වන රැල්ලේ සමස්ත මරණ ගණන දින 25ක් තුළ 200 සීමාවට ළඟා වී තිබෙන...

කොරෝනා රෝගී ඉන්දියානුවන් ගාල්ලෙන් මතුවෙයි

කොවිඩ් 19 ආසාදිත ඉන්දීය ජාතිකයින් 5 දෙනෙකු ගාල්ල ප්‍රදේශයෙන් හමු වී තිබෙනවා.මොවුන් ගාල්ල, ගිංතොට...

සෞඛ්‍ය අමාත්‍යංශය විසින් අද (12) සිට ක්‍රියාත්මක වන පරිදි නිකුත් කළ නව මාර්ගෝපදේශ මාලාව මෙන්න

මේ මස 31 වනදා දක්වා අන්තර් පළාත් ගමනාගමනය සීමා කිරීම හා පොදු ක්‍රියාකාරකම් කළ...

කොරෝනා එන්න කලින් ලෙඩ ගොඩක් පෙන්නනවා – රෝග ලක්ෂණ ගැන වෛද්‍යවරයෙකු පළමු වරට හෙළි කරයි

වෛරසය පලමු දවසේ ඇඟට ඇතුළු වූ විට දවස් තුනක් දක්වා ඒ රෝගය පළමු අදියරය...

අපගේ නවතම පුවත්

0
මේ පුවත ගැන ඔබේ ප්‍රතිචාරය කුමක්ද ?x
()
x