අන්තර්ජාල ගණිකාවන් වූ දැරිය සහ මව ගැන තවත් තතු හෙළිවෙයි

අපරාධයේ සැඟවුණු තතු එළියට

අන්තර්ජාලය හරහා 15 හැවිරිදි බාල වයස්කාර දැරියක් මුදලට අලෙවි කළ සිද්ධිය පිළිබඳ තවත් තොරතුරු පොලීසිය විසින් අනාවරණය කරගෙන තිබෙනවා.

මෙම සිද්ධිය සම්බන්ධයෙන් පසුගිය 07 වැනි දා අත්අඩංගුවට පත් පුද්ගලයා පෙරේදා (08) දින මොරටුව මහෙස්ත්‍රාත් අධිකරණය වෙත ඉදිරිපත් කිරීමෙන් අනතුරුව ලබන 22 දක්වා රක්ෂිත බන්ධනාගාර ගතකළ බවයි පොලිසිය සඳහන් කරන්නේ.

ඔහු 35 හැවිරිදි සිව් දරු පියෙකු බව පැවසෙනවා.

දැරියට ලක්ෂ ගණනක මිලක්

අදාළ දැරිය ගල්කිස්ස ප්‍රදේශයේ මහල් නිවාසයක් තුළ රඳවාගෙන මෙම ජාවාරම සිදුකර ඇති අතර එම නිවෙස සඳහා සැකකරු ගෙවා ඇති කුලී මුදල රුපියල් 65,000ක්.

එම නිවස තුළ දැරිය රඳවා ඇයගේ ඡායාරූප අන්තර්ජාලය මගින් ප්‍රසිද්ධ කරමින් සහ සමාජ ජාල ඔස්සේ දැරිය පිළිබඳ දැන්වීම් පළ කරමින් ඇයව මුදලට විකුණා ඇති බව යි පැවසෙන්නේ.

ලිංගික කටයුතු සඳහා විවිධ පුද්ගලයන් වෙත දැරිය අළෙවි කර ඇති අතර ඒ සඳහා රුපියල් ලක්ෂ ගණනින් මුදල් අය කිරීමට අදාළ පුද්ගලයා ක්‍රියා කර ඇති බව සඳහන්.

විනාඩියකට 1000යි

මූලික විමර්ශන මගින් අනාවරණය වී තිබෙන්නේ මෙම වසරේ (2021) ජනවාරි මාසයේ සිටම මොහු විසින් මෙම ජාවාරම සිදුකර තිබෙන බවයි.

එමෙන්ම දැරිය වෙනුවෙන් අන්තර්ජාලයේ වෙබ් පිටුවක් සකසා ඇති මොහු එය හරහා දැරිය ප්‍රසිද්ධ කර තිබෙනවා.

දැරිය නිරුවත් කොට අදාළ වෙබ් පිටුව හරහා ඇයගේ සජීවී දර්ශන වීඩියෝ ඇමතුම් මගින් පෙන්වීමේ ව්‍යාපාරයක් ද මොහු විසින් සිදු කරගෙන ගොස් ඇති අතර එම වීඩියෝ දර්ශන සඳහා විනාඩියකට රුපියල් 1000 බැගින්, විනාඩි 10කට රුපියල් දසදහසක් ලෙස මුදල් අය කර ඇති බවයි අනාවරණය වී ඇත්තේ.

දැරියගේ මව ලක්ෂ 21කට විකිණිලා

මේ අතර වැඩිදුර විමර්ශනවලින් තවදුරටත් හෙළිදරව් වී ඇත්තේ, මෙම නීතිවිරෝධී ව්‍යාපාර සඳහා යොදවාගත් දැරියගේ මව ද මෙලෙසින්ම ලිංගික ජාවාරම් සඳහා යොදා ගැනීමට සැකකරු මීට පෙර ක්‍රියා කර ඇති බවයි.

දෙල්ගොඩ ප්‍රදේශයේ පදිංචි දැරියගේ මව මේවන විට 31 හැවිරිදි වියේ පසුවන රූමත් කාන්තාවක් බවත්, සැකකරු විසින් එක් අවස්ථාවක දී ඇයව රුපියල් ලක්ෂ 21කට ධනපතියෙකු වෙත අලෙවි කිරීමට කටයුතු කර ඇති බවත් අනාවරණය වී තිබෙනවා.

ඒ ආකාරයෙන් අවස්ථා රැසකදී රුපියල් ලක්ෂ ගණනකට විවිධ පුද්ගලයින් වෙත ඇයව ද අළෙවි කොට ඇති බවයි මේවන විට හෙළි වී ඇත්තේ.

මවත් සම්බන්ධයි

මේ අතර මෙම තැනැත්තා වෙත දැරිය භාර දී ඇත්තේ ද ඇයගේ මව බව ද මේවන විට අනාවරණය කරගෙන තිබෙනවා.

ඒ අනුව දැරිය විවිධ පුද්ගලයින් වෙත විකිණීමේ ජාවාරමට ඇය ද සම්බන්ධ බවට පොලීසිය සැක කරනවා.

ඒ පිළිබඳව ද පුළුල් විමර්ශනයක් මේවන විට ආරම්භ වී ඇති බවයි පොලිස් ආරංචි මාර්ග සඳහන් කළේ.

දැරියගේ පහස ලැබූවන්ටත් වැඩ වරදියි

එමෙන්ම දැරියගේ දර්ශන මුදල් ගෙවා නැරඹූ පුද්ගලයින් සහ මුදල් ගෙවා දැරිය මිලට ගත් පුද්ගලයින් ද සොයා අත්අඩංගුවට ගැනීම සඳහා පොලීසිය විමර්ශනය කරමින් සිටිනවා.

දැරිය මේ වනවිට ඇතුළත් කර සිටින්නේ කළුබෝවිල රෝහලට යි.

ගල්කිස්ස මූලස්ථාන පොලිසියේ ළමා හා කාන්තා කාර්යාංශය මේ පිළිබඳ වැඩිදුර විමර්ශන සිදුකරනු ලබනවා.

ඔබේ ප්‍රතිචාරය කුමක්ද ?
පට්ට !
5
අවුල් වගේ !
6
හරි හිනා !
8
හම්මෝ !
16
මාර දුකයි !
58
මලපනිනව !
36
කුජීතයි !
34

සතියේ පලවූ මෙවැනිම පුවත්

Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්

සතියේ පලවූ තවත් පුවත්

එකම පවුලේ 3ක් බිලිගත් දිය ඇල්ල ගැන තීරණයක් ගනියි

වැල්ලවාය ප්‍රාදේශීය ලේකම් කොඨ්ඨාශයට අයත් ඇල්ලවල දිය ඇල්ල නැවත දැනුම් දෙන තුරු සංචාරකයන් සදහා...

ජනප්‍රිය රංගන ශිල්පිණී විශාකා සිරිවර්ධන, දිවි ගමනට සමු දෙයි

සිනමාවෙනුත්, පුංචි තිරයෙනුත් කාගෙත් සිත් සොරා ගත් රංගන ශිල්පිනී විශාකා සිරිවර්ධන මීට මොහොතකට පෙර...

මවක් තමාට සහ තම දියණියන් තිදෙනාට කල අහස පොළව නුහුලන අපරාධය

සිය දියණියන් තිදෙනාට වස පානය කිරීමට සලස්වා මවද වස පානය කළ ඛේදනීය පුවතක් බදුල්ල...

ආර්ථිකය ගොඩ ගන්න ඇමති බන්දුලගෙන් අලුත් තොන්ඩුවක්

‘කොවිඩ්’ වසංගතයෙන් කඩා වැටුණු ලෝකය ගොඩගැනීමේ සැළසුම් සකස් කිරීමට ලෝක මට්ටමේ සමුළුවක් කැඳවිය යුතු...

LTTE ලාංඡනය සහිතව පළමු වරට නිපදවූ මත්පැන් බෝතලයක්

LTTE ලාංඡනය සහිතව නිපදවන ලද මත්පැන් බෝතලයක් රැගත් පුද්ගලයෙකුගේ ඡායාරුපයක් මේ දිනවල සමාජ මාධ්‍ය...
0
මේ පුවත ගැන ඔබේ ප්‍රතිචාරය කුමක්ද ?x
()
x