අන්තරේ උද්ඝෝෂකයින් 20ක් අත්අඩංගුවට

අන්තර් විශ්වවිද්‍යාලීය ශිෂ්‍ය බල මණ්ඩලය විසින් අද (08) පෙරවරුවේ පැවැත්වූ උද්ඝෝෂණය දී පුද්ගලයින් 20 දෙදෙනෙකු අත්අඩංගුවට ගෙන තිබේ.

පාර්ලිමේන්තු වටරවුම අසල දී කොතලාවල ආරක්ෂක විශ්වවිද්‍යාල පනතට එරෙහිව එම උද්ඝෝෂණය සංවිධාන කර තිබුණි.

අන්තර් විශ්වවිද්‍යාල ශිෂ්‍ය බලමණ්ඩලය, ලංකා ගුරු සංගමය සහ පෙරටුගාමී සමාජවාදී පක්ෂය එම උද්ඝෝෂණයට එක්ව සිටියේය.

උද්ඝෝෂණය අතරවාරයේ තලංගම පොලීසිය ඇතුළු පොලිස් ස්ථාන කිහිපයක නිලධාරීන් පැමිණි අතර එහිදී නොසන්සුන් තත්ත්වයක් ඇති විය.

මේ අතර ජනතා විමුක්ති පෙරමුණ අකුරැස්ස නගරයේ අද පැවැත්වූ උද්ඝෝෂණයක දී ජනතා විමුක්ති පෙරමුණේ හිටපු පළාත් සභා මන්ත්‍රීවරු දෙදෙනෙකු ඇතුළු 13 දෙනෙකු අත්අඩංගුවට ගැණුනි.

ඉන්ධන මිල ඉහල දැමීම, පොහොර ගැටලුව ආදී කරුණු කිහිපයක් මුල්කර ගනිමින් එම උද්ඝෝෂණය සංවිධානය කර තිබුණි.

මේ අතර උද්ඝෝෂණ කිරීමට ජනතාවට ඇති අයිතිය ආණ්ඩුව මර්දනය කරන බව පවසමින් සමගි ජන බලවේගය අද පෙරවරුවේ පාර්ලිමේන්තුවට පිවිසෙන ප්‍රධාන දොරටුව අසල උද්ඝෝෂණයක නිරත විය.

ඊට විපක්ෂනායක සජිත් ප්‍රේමදාස මහතා ඇතුළු සමගි ජන බලවේගයේ පාර්ලිමේන්තු මන්ත්‍රීවරුන් එක්ව සිටියේය.

ඔබේ ප්‍රතිචාරය කුමක්ද ?
පට්ට !
0
අවුල් වගේ !
0
හරි හිනා !
0
හම්මෝ !
0
මාර දුකයි !
0
මලපනිනව !
0
කුජීතයි !
0

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්