Central Bank Central Bank

අප්‍රේල් මාසය වෙද්දී ජනතාවට කන්න නැති වේවි – මහාචාර්ය මෙත්තිකා විතානගේ

ලබන වසරේ අප්‍රේල් මාසය වන විට මෙරට ජනතාවට කෑමට ආහාර නොමැති තත්ත්වයක් උද්ගත වන බව ශ්‍රී ජයවර්ධනපුර විශ්වවිද්‍යාලයේ ව්‍යවහාරික විද්‍යා පීඨයේ මහාචාර්ය මෙත්තිකා විතානගේ මහත්මිය අනතුරු අඟවා සිටිනවා.

මහ කන්නය සඳහා වගා කටයුතු මේ වන විට ආරම්භ කළ යුතුව ඇතත් ඒ සඳහා අවශ්‍ය පොහොර ලබා දීමට රජය මෙතෙක් පියවර ගෙන නොමැති බවද ඇය සඳහන් කර සිටියේ.

ඊට අමතරව කාබනික දියර පොහොර පමණක් යෙදීමෙන් රටට ප්‍රමාණවත් අස්වැන්නක් අපේක්ෂා කළ නොහැකි බවයි ඇය පෙන්වා දුන්නේ.

මහ කන්නය යනු මෙරට වැදගත්ම සහ වැඩි ම අස්වැන්නක් හිමි වන කන්නය වන බව පැවසූ මහාචාර්යවරිය එම කන්නයේදී අත්හදා බැලීම් කිරීමට හැකියාවක් නොමැති බවද මහාචාර්යවරිය පෙන්වා දුන්නා.

ඒ අනුව, කෘෂිකර්මාන්ත ක්ෂේත්‍රයේ විද්වතුන් සහ පර්යේෂකයින් පෙන්වා දී ඇති කරුණු කෙරෙහි රජය කිසිදු සැලකිල්ලක් නොදක්වමින් ගෙන යන වැඩපිළිවෙළ හරහා ආහාර හිඟයක් ඇති වීම නොවැළැක්විය හැකි බව ද ශ්‍රී ජයවර්ධනපුර විශ්වවිද්‍යාලයේ ව්‍යවහාරික විද්‍යා පීඨයේ මහාචාර්ය මෙත්තිකා විතානගේ වැඩිදුරටත් සඳහන් කළා.

ඔබේ ප්‍රතිචාරය කුමක්ද ?
පට්ට !
0
අවුල් වගේ !
0
හරි හිනා !
2
හම්මෝ !
0
මාර දුකයි !
2
මලපනිනව !
1
කුජීතයි !
3

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්