ඇමැති පවිත්‍රාගේ පළමු ආශ්‍රිතයන් සංඛ්‍යාව 300ක්

කොවිඩ් ආසාදිත සෞඛ්‍ය ඇමැතිනි පවිත්‍රා වන්නිආරච්චිගේ පළමු පෙළ ආශ්‍රිතයන් 300ක් පමණ සිටින බව සෞඛ්‍ය අංශ හඳුනාගෙන ඇත. ඇමැතිවරිය පසුගිය දින පහක කාලයේ විවිධ රැස්වීම් සහ සාකච්ඡා කිහිපයකට සහභාගිවී ඇත.

අමාත්‍යංශයේ ලේකම් වෛද්‍ය එස්.එච්.මුණසිංහ, සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන ඇතුළු වෛද්‍යවරුන් සහ ජ්‍යෙෂ්ඨ නිලධාරීන් පිරිසක් මෙම රැස්වීම්වලට සහභාගි වී තිබේ.

තමන්​ගේ සමීපතම ආශ්‍රිතයන්ට ස්වයං නිරෝධායනය වන ලෙස ඇමැතිවරිය ඉල්ලීමක් කර ඇති බව සෞඛ්‍ය අමාත්‍යංශ ප්‍රකාශකයෙක් පැවසුවේය. කෙසේ වෙතත් ඇමැතිවරියගේ සැමියා වන කාංචන ජයරත්න සහ දියණියක්ද රැපිඩ් ඇන්ටිජන් පරීක්ෂණයකට සහ පී.සී.ආර්.පරීක්ෂණයකට ලක්කර ඇති අතර ඔවුන්ට වයිරසය ආසාදනය වී නැතැයි තහවුරු වී තිබේ. ඇමැතිවරියගේ රියැදුරන්ට සහ ආරක්ෂක අංශයේ සාමාජිකයන්ට වයිරසය ආසාදනය වී නැති බව තහවුරු වී ඇතැයි කී අමාත්‍යංශ ප්‍රකාශකයා සැමියා, දියණිය සහ කාර්ය මණ්ඩලයේ සියලුදෙනා නිරෝධායනයට ලක්වෙමින් සිටින බවත්, ඒ නිසා ඇමැතිවරියගේ කාර්යාලය වසා මාධ්‍ය අංශය, හෙද අංශය, විභාග අංශ වසා දමා ඇති බවත් පැවසුවේය.

සෞඛ්‍ය ඇමැති පවිත්‍රා වන්නිආරච්චි පසුගිය 19 වැනිදා පාර්ලිමේන්තු රැස්වීමටද පැමිණ ඇත. පාර්ලිමේන්තුවේ සවි කර ඇති සී.සී.ටී.වී. කැමරා ඔස්සේ ලබා ගත් දර්ශන වේත්‍රධාරී නරේන්ද්‍ර ප්‍රනාන්දු පරීක්ෂා කර ඇත.

ඒ අනුව ඇමැතිවරිය එදින පස්වරු 3.59ට පමණ සභාගර්භයේ රැඳී සිට පසුව 4.40ට පමණ පිටව ගොස් තිබේ. එහි දී ඇය හා සමීප ආශ්‍රිතයන් නොමැති බවද නිරීක්ෂණය වූ බව වේත්‍රධාරිවරයා ‘අරුණ’ට පැවසුවේය.

සෞඛ්‍ය ඇමැති පවිත්‍රා වන්නිආරච්චි කෑගල්ලේ ධම්මික බණ්ඩාර නිෂ්පාදනය කළ ‘පැණියද’ මීට මාස දෙකකට පමණ පෙර ප්‍රසිද්ධියේ පානය කළාය.

ඇමැතිවරියට කොවිඩ් වයිරසය ආසාදනය වූයේ කෙසේදැයි මෙතෙක් අනාවරණය වී නැත. කෙසේ වෙතත් සෞඛ්‍ය අමාත්‍යාංශයේ හෙද ශාඛාවේ සහ විභාග ශාඛාවේ නව දෙනකුට පමණ පසුගිය සතියේ වයිරසය ආසාදනය විය.

අමාත්‍යාංශ ප්‍රකාශකයෙක් සඳහන් කළේ කොවිඩ් ආසාදිත වූ සෞඛ්‍ය ඇමැතිනී පවිත්‍රා වන්නිආරච්චි මේ වන විට කොග්ගල ප්‍රතිකාර මධ්‍යස්ථානයක ප්‍රතිකාර ලබන බවයි.

Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

සතියේ ජනප්‍රියම පුවත්

කොළඹ කෝටිපතියෙකුගේ පුතා රෝහලක උඩුමහලකින් පැන මරුට කැපවෙයි..

කොළඹ කෝටිපති ව්‍යාපාරිකයකුගේ තරුණ පුතකු කොල්ලුපිටිය ප්‍රදේශයේ පෞද්ගලික රෝහලක දස වැනි මහලෙන් බිමට පැන...

රෝහණ විරසිංහ සහ සුනිල් ආරියරත්න ඔස්කා සංවිධානයේ ධුරවලින් ඉල්ලා අස්වෙති

ආචාර්ය රෝහණ වීරසිංහයන් සහ මහාචාර්ය සුනිල් ආරියරත්න මහත්වරුන් ඔස්කා සංවිධානයේ තම ධුරවලින් ඉල්ලා අස්වීමේ...

26 හැවිරිදි චතුරිකාගේ දේහය යළි ගොඩගනී

යක්කල ප්‍රදේශයේ පදිංචි 26 හැවිරිදි විවාහක කාන්තාවක්ගේ දේහය යළි ගොඩගැනීම සිදු කරනු ලැබුවා. ඇය...

ලස්සන කවියක් කියා මව සමඟ යන්නම ගිය සමනලිය

බිබිල, බදුල්ලගම්මන ප්‍රදේශයේ පදිංචිව සිටි මවක් ඊයේ (21) රාත්‍රියේ සිය තුන් හැවිරිදි දියණිය ද...

උමාරියාගේ ප්‍රකාශය පොලිසියේ අවධානයට (VIDEO)

සමාජයේ විවිධ කේෂ්ත්‍රවල සිටින ජනප්‍රිය පුද්ගලයින් ඉලක්ක කර ගනිමින් සිදුවන අපහාසාත්මක ක්‍රියාවන් දිනෙන් දින...

අපගේ නවතම පුවත්

0
මේ පුවත ගැන ඔබේ ප්‍රතිචාරය කුමක්ද ?x
()
x