30 C
Colombo
Friday, September 17, 2021

ඉදිරි මාස 02 මෙරට ජනතාවට සුබ පණිවුඩයක්

ලබන මාස 02 තුළ කොවිඩ් මර්දන එන්නත් මාත්‍රා මිලියන 12කට ආසන්න සංඛ්‍යාවක් මෙරටට ලැබීමට නියමිත බව රාජ්‍ය ඖෂධ නීතිගත සංස්ථාව පවසයි.

එහි සභාපති විශේෂඥ වෛද්‍ය ප්‍රසන්න ගුණසේන මහතා සඳහන් කළේ, සයිනොෆාම් එන්නත් මාත්‍රා මිලියන 08ක් සහ ෆයිසර් මාත්‍රා මිලියන 04ක් මෙරටට ලැබීමට නියමිත බවය.

මේ වන විට මෙරටට කොවිඩ් එන්නත් මාත්‍රා මිලියන 22කට අධික ප්‍රමාණයක් ලැබී ඇති බව විශේෂඥ වෛද්‍ය ප්‍රසන්න ගුණසේන මහතා සඳහන් කළේය.

මේ අතර ඩෙල්ටා ප්‍රභේදය මුළු ලංකාවම වෙලාගෙන සිටින වෙලාවක, දිනකට වාර්තා වන කොවිඩ් රෝගීන් සංඛ්‍යාව මෙන්ම මරණ සංඛ්‍යාව විශාල වශයෙන් ඉහළ යමින් පවතින මොහොතක, බලධාරීන් ලෙස තීරණ ගැනීමේ දී නැවත නැවත සිතා බැලිය යුතු බව රජයේ වෛද්‍ය වෘත්තිකයන්ගේ සංගමයේ සභාපති, විශේෂඥ වෛද්‍ය ලක්ෂ්මන් එදිරිසිංහ මහතා පවසයි.

“කොවිඩ් රෝගීන් නිසා සමහර රෝහල්වල ධාරිතාව උපරිම මට්ටමට ළඟාවෙලා තිබෙනවා. වෛද්‍යවරුන් ඇතුළු සමස්ත සෞඛ්‍ය කාර්ය මණ්ඩලයම දැවැන්ත අපහසුතාවයකට පත්වෙමින් පවතිනවා.”

ආර්ථිකය ගැන සැළකිලිමත් විය යුතු නමුත් ගන්නා හැම තීරණයක්ම විද්‍යාත්මක පසුබිමක් මත ගත යුතු බව හෙතෙම අවධාරණය කරයි.

ඔහු මේ බව ප්‍රකාශ කළේ රූපවාහිනී වැඩසටහනකට එක්වෙමිනි.

එහිදී මාධ්‍යවේදියා ප්‍රශ්න කර සිටියේ 2020 යුක්‍රේන සංචාරකයන් ගෙන්වා කළ අත්හදා බැලීම අසාර්ථක වී ඇති පසුබිමක දැන් ඊශ්‍රායලයෙන් සංචාරකයන් ගෙන්වීමට රජය විසින් කටයුතු කිරීම පිළිබඳව රජයේ වෛද්‍ය වෘත්තිකයන්ගේ සංගමයේ අදහස කුමක්ද යන්නය.

“මාධ්‍ය මගින් දැනට අපට දැනගන්නට තිබෙන කරුණු අනුව; ඊශ්‍රායලය දියුණු සෞඛ්‍ය පද්ධතියක් පවත්වාගෙන යන රටක්. වැක්සින් ආවරණයත් ඉහළ මට්ටමක තිබෙනවා.

එහෙම තියෙද්දිත් මේ වන විට ඩෙල්ටා ප්‍රභේදය විශාල සෞඛ්‍ය තර්ජනයක් බවට පත්වී තිබෙනවා.”

තාක්ෂණිකව වැක්සීනයක ක්‍රියාකාරීත්වය තීරණය විය හැකි බවත්, කොරෝනා ආගමනය සමග දැනට හඳුන්වා දී ඇති එන්නත් හදිසි අවශ්‍යතාවය උදෙසා හඳුන්වා දුන් එන්නත් බවත් වෛද්‍යවරයා පෙන්වා දෙයි.

කුමන වැක්සීන කුමන ප්‍රභේදයට ඔරොත්තු දෙනවා ද නැද්ද යන්න තවමත් පවතින්නේ පරීක්ෂණ මට්ටමේ ය.

දැනට තිබෙන කිසිම එන්නතක් 100% ක ආරක්ෂාවක් ලබා දෙන බව කිසිවෙකුට කිව නොහැකිය.

“නමුත් අපි වැක්සීනයක් ලබාගත යුතුයි.” ශ්‍රී ලංකාව ද තම උපරිම සෞඛ්‍ය ධාරිතාවය තුළ කටයුතු කරන මෙවන් අවස්ථාවක, මේ කියන ආකාරයේ සංචාරකයන් ගෙන්වා ගන්නා රටවල්වලත් සෞඛ්‍ය පද්ධති අර්බුදයකට ලක්ව ඇති අවස්ථාවක තීරණ ගැනීමේ දී විද්‍යාත්මක පදනමක් මත එය සිදු කළ යුතු බවට තම සංගමය අවධාරණය කරන බව එදිරිසිංහ මහතා සඳහන් කළේය.

“බයෝබබල් කියන එක පිළිගත් ක්‍රමවේදයක් හැටියට විශේෂ තත්ත්වයන් යටතේ සළකන්න පුළුවන්.

උදාහරණයක් හැටියට ක්‍රීඩා කරන කොට කණ්ඩායමක් බයෝ බබල් එකක් හැටියට ගෙන්වගෙන..

ඉතාම සුළු පිරිසක් අරගෙන ඒ පිරිස දිගටම සුපරීක්ෂාකාරීව වෛද්‍ය නිරීක්ෂණවලට ලක්කරමින් ඔවුන් නිරාවරණය කරගන්නෙ නැතුව අරං යන්න ඕනේ.”

වෛද්‍යවරයා පවසයි. සංචාරකයන් බයෝබබල් එකක් යටතේ ගෙන්වා ගැනීමේ දී රටේ පද්ධතිය ඒ සඳහා සූදානම් කර ගත යුතුය. කළබලකාරීව එක පැත්තක පමණක් සාධක සළකා බලා තීරණ ගැනීම තුළින් අර්බුදකාරී තත්ත්වයක් ඇති වීමේ අවදානමක් පවතින බව ද වෛද්‍ය එදිරිසිංහ අවධාරණය කළේය.

“අපි තවම සංචරණ සීමාවන් ඇතුලෙ ඉන්නෙ.

අපේ Epidemic Curve එක තවම පල්ලෙහාට නැඹුරු වන තත්ත්වයක් නෙවෙයි තියෙන්නෙ. මේ වසංගත වක්‍රයේ පහළ බැසීමක් එන කාලය ගණන් බලන්න වෙනවා.

ඒකට බලපාන විද්‍යාත්මක සාධක තියෙනවා.

එම සාධක සියල්ල සැලකිල්ලට අරගෙනයි මේක තීරණය කරන්න ඕනෙ.

” බයෝබබල් එකක් යටතේ සංචාරකයන් ගෙන්වා ගැනීමට කළින් දැනට ක්‍රියාත්මක කරන සංචරණ සීමාවන් තව කොපමණ කාලයක් පවත්වාගෙන යන්නේ ද යන්න පවා තීරණය කළ යුතුව තිබේ.

සංචාරකයන් ගෙන්වා ගැනීමට කළින් විසඳාගත යුතු ගැටළු විද්‍යාත්මකව විසඳා ගැනීමෙන් අනතුරුව කිසියම් කාල සීමාවක් තුළ රට සංචාරකයන් ට විවෘත කරනවා ද, ඒ විවෘත කරන්නේ කවර ආකාරයකට ද, විවෘත කරන්නේ කුමන ප්‍රදේශ ද යන්න තීරණය කළ යුතු බව ද හෙතෙම පෙන්වා දෙයි.

“එන්නත්කරණ ආවරණය පිළිබඳව නිසි සංඛ්‍යාලේඛන බිම් මට්ටමේ දී සකස් කර ගත යුතුයි.”

ඔබේ ප්‍රතිචාරය කුමක්ද ?
පට්ට !
29
11.svg?v=2.6 | Gossip Lanka
අවුල් වගේ !
7
22.svg?v=2.6 | Gossip Lanka
හරි හිනා !
9
3.svg?v=2.6 | Gossip Lanka
හම්මෝ !
2
31.svg?v=2.6 | Gossip Lanka
මාර දුකයි !
0
27.svg?v=2.6 | Gossip Lanka
මලපනිනව !
14
30.svg?v=2.6 | Gossip Lanka
කුජීතයි !
6
48.svg?v=2.6 | Gossip Lanka
Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

දවසේ නවතම පුවත්

සතියේ පලවූ පුවත්

තවත් ආසාදිතයන් 1,755ක්.

අද දිනයේ තවත් කොරෝනා ආසාදිතයන් 1,755ක් හඳුනාගත් බව යුද හමුදාපති, ජෙනරාල් ශවේන්ද්‍ර සිල්වා මහතා...

මිල වැඩි කළත් ලාෆ්ස් ගෑස් හිඟවීමට හේතුව හෙළිවේ

යළි ගෑස් මිල ඉහළ නැංවීමේ අවශ්‍යතාවයක් පවතින බව ලාෆ් ගෑස් සමාගම පවසනවා. පසුගියදා ගෑස් මිල...

තව සති දෙකකින් රටේ ජනතාවට බලපෑ හැකි දෙයක් ගැන ඉඟියක්

තව සති දෙකක් ඇතුළත රටේ හාල් හිඟයක් ඇතිවීම වැළැත්විය නොහැකි බව ජාතික ගොවි සම්මේලනයේ...

මෙරට ප්‍රධාන ස්ථාන රැසකට දැවැන්ත ප්‍රහාරයක් එල්ල කරන බවට අනතුරු ඇඟවීමක්

කිසියම් ප්‍රහාරයක් සම්බන්ධයෙන් ලද තොරතුරක් මත කටුනායක ජාත්‍යන්තර ගුවන්තොටුපළේ සහ සහ මත්තල මහින්ද රාජපක්ෂ...

අද කොවිඩ් එන්නත ලබාදෙන ස්ථාන

කොවිඩ්-19 වෛරසය මර්දනය කිරීම සදහා රජය විසින් ගෙන යන එන්නත්කරණය කිරීමේ වැඩසටහනට අනුව අද...
0
මේ පුවත ගැන ඔබේ ප්‍රතිචාරය කුමක්ද ?x
()
x