ඉන්දියානුවන් 4 ක් යාපනයේ නිවසක සැඟව සිටි යදී නිරෝධායනයට

ඉන්දියාවේ සිට නීතිවිරෝධී ලෙස මුහුදු මාර්ගයෙන් මෙරටට පැමිණ යාපනය ගුරුනගර් ප්‍රදේශයේ රැඳී සිටි එකම පවුලේ 04 දෙනෙකු ඔවුන් රැඳී සිටි නිවස තුළම නිරෝධායනයට ලක් කර තිබෙනවා. පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ සඳහන් කළේ කොරෝනා පරීක්ෂණ සඳහාද ඔවුන් යොමුකර ඇති බවයි.මේ අතර මෙරටින් කොරෝනා ආසාදිතයින් 2,429 දෙනෙකු ඊයේ වාර්තා වූ අතර, එහිදී දිස්ත්‍රික්ක 10 ක දෛනික ආසාදිතයින් සියය ඉක්මවා වාර්තා වී තිබුණා.

ඒ අනුව කොළඹ, ගම්පහ, කළුතර, කුරුණෑගල, ගාල්ල, මාතර, බදුල්ල, මහනුවර, පුත්තලම සහ මාතලේ යන දිස්ත්‍රික්කවලින් එලෙස ආසාදිතයින් සියය ඉක්මවා වාර්තා වී තිබූ බවයි කොවිඩ් 19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය සඳහන් කළේ. ඊයේ වාර්තා වූ ආසාදිතයින් 2,429 දෙනා සමග මෙරට සමස්ත කොරෝනා ආසාදිතයින් සංඛ්‍යාව එක්ලක්ෂ 32,527 ක් දක්වා ඉහළ ගියා.

ගෙවුණු දිනයේ හඳුනාගත් ආසාදිතයින්ගෙන් වැඩිම පිරිස වූ 413 ක් වාර්තා වූයේ කොළඹ දිස්ත්‍රික්කයෙන්. ඒ අතර පිලියන්දල ප්‍රදේශයෙන් හඳුනාගත් ආසාදිතයින් 146 දෙනෙකු වනවා. කළුතර දිස්ත්‍රික්කයෙන් වාර්තා වූ ආසාදිතයින් ගණන 370ක් සහ ගම්පහ දිස්ත්‍රික්කයෙන් ආසාදිතයින් 332 ක් වාර්තා වුණා. ඒ අනුව බස්නාහිර පළාතෙන් පමණක් ඊයේ වාර්තා වූ ආසාදිතයින් ගණන 1,106ක්.

මීට අමතරව කුරුණෑගල දිස්ත්‍රික්කයෙන් 136 දෙනෙකු, ගාල්ල දිස්ත්‍රික්කයෙන් 128 දෙනෙකු, මාතර දිස්ත්‍රික්කයෙන් 140 දෙනෙකු, බදුල්ල දිස්ත්‍රික්කයෙන් 132 දෙනෙකු, මහනුවර දිස්ත්‍රික්කයෙන් 123 දෙනෙකු, පුත්තලම දිස්ත්‍රික්කයෙන් 119 දෙනෙකු සහ මාතලේ දිස්ත්‍රික්කයෙන් 107 දෙනෙකු ලෙස ආසාදිතයින් ඊයේ වාර්තා වී තිබුණා.

ඉදිරියේදී තවදුරටත් ආසාදිතයින් වාර්තා වීම ඉහළ යා හැකි බව වසංගත රෝග විද්‍යා අංශයේ ප්‍රධාන වසංගත රෝග විද්‍යාඥ විශේෂඥ වෛද්‍ය සුදත් සමරවීර කියා සිටියා. මේ අතර, සීගිරිය – ඉනාමලුව ප්‍රදේශයේ පෞද්ගලික ඇගලුම් කර්මාන්ත ශාලාවක් ආශ්‍රිතව කොරෝනා ආසාදිතයන් 23 දෙනෙකු වාර්තා වීම හේතුවෙන් එම ඇගලුම් කර්මාන්ත ශාලාව වසා දැමීමට පියවර ගෙන තිබෙනවා.

යාපනය විශ්වවිද්‍යාලයේ වව්නියාව මණ්ඩපයේ නේවාසිකාගාරවල රැඳී සිටි සිසුන් 31 දෙනෙකුට කොරෝනා වෛරසය ආසාදනය වී ඇති බව තහවුරු වුණා. එසේම, වව්නියාව මහ රෝහලේ වෛද්‍යවරුන් දෙදෙනෙකුට සහ හෙද නිලධාරීන් දෙදෙනෙකුට මෙන්ම රෝහල් සේවකයෙකුටද කොරෝනා වෛරසය වැළඳී ඇති බව සඳහන්.

එසේම, සූම් තාක්ෂණය ඔස්සේ දේවගැතිවරයෙකු පැවැත් වූ දේව මෙහෙයකට සහභාගි වීම සඳහා වැල්ලම්පිටිය ප්‍රදේශයේ පවුල් කිහිපයක පිරිසක් එක් නිවසකට රැස්ව ඇති අතර, ඒ අතර සිටි කාන්තාවක ආසාදිතයෙකු බව පසුව තහවුරු වුණා. ඒ අනුව අදාළ පවුල්වල සියලු දෙනා නිරෝධායනයට යොමු කර තිබෙනවා.

මේ අතර, ගතවූ දිනයේ කොරෝනා ආසාදිත පුද්ගල මරණ 18 ක් මෙරටින් වාර්තා වුණා. ඒ සමඟ මෙරට සමස්ත කොරෝනා මරණ සංඛ්‍යාව 868 ක් දක්වා ඉහළ ගියා. ඊයේ වාර්තා වූ මරණ 18 න් 16 කටම හේතුවී තිබුණේ කොවිඩ් නිව්මෝනියාවයි. මෙරට එන්නත්කරණ වැඩසටහන  යටතේ කොවිෂීල්ඩ් එන්නතේ දෙවන මාත්‍රාව පුද්ගලයින් 231,557 දෙනෙකුට මේ වනවිට ලබාදී ඇති අතර ගෙවුණු දිනයේ පමණක් දෙවන මාත්‍රාව ලබා දී ඇති පුද්ගලයින් සංඛ්‍යාව 10,189ක්.

සයිනොෆාම් එන්නතේ පළමු මාත්‍රාව ද ඊයේ දිනයේ පුද්ගලයින් 79,403 දෙනෙකුට ලබාදී ඇති අතර, ඒ අනුව එම එන්නත මෙතෙක් පුද්ගලයින් 150,606 දෙනෙකුට ලබාදී තිබෙනවා. ස්පුට්නික් එන්නතේ පළමු මාත්‍රාවද පුද්ගලයින් 14,673 දෙනෙකුට ලබාදී අවසන්. මේ අතර, නිරෝධායන නීති උල්ලංඝනය කළ පුද්ගලයින් 448 දෙනෙකු ඊයේ දිනයේදී අත්අඩංගුවට ගෙන තිබෙනවා.

ඔබේ ප්‍රතිචාරය කුමක්ද ?
පට්ට !
0
11.svg?v=2.6
අවුල් වගේ !
0
22.svg?v=2.6
හරි හිනා !
0
3.svg?v=2.6
හම්මෝ !
0
31.svg?v=2.6
මාර දුකයි !
1
27.svg?v=2.6
මලපනිනව !
0
30.svg?v=2.6
කුජීතයි !
0
48.svg?v=2.6

සතියේ පලවූ මෙවැනිම පුවත්

Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්

සතියේ පලවූ තවත් පුවත්

පොහොර එපා කියපු නිසා චීනය යකා නටයි

චීන කාබනික පොහොර තොගය මෙරටට සපයන ක්වින්ඩාඕ සීවින්ග් බයෝටෙක් ගෘප් සමාගම අද (26) නිවේදනයක්...

සහනයක් සොයා කපුවකු හමුවට ආ තරුණයා කපුවාගෙ පවුල සමඟ පැනගිහින්… බිරිඳ සොයා කපුවා පොලීසි යයි

බිරිය වෙනතක ගියේ යැයි කියා සහනයක් සොයා දේවාලයක කපුවකු හමුවට ආ පුද්ගලයකු කපුවාගේ බිරිය...

සය නිවුන් දරු උපතට පසු ලබාගත් ඡායාරූප මෙන්න

මෙරට පළමු සය නිවුන් දරු උපත අද කොළඹ පෞද්ගලික රෝහලකදී අද වාර්තා වුණා මහාචාර්ය ටිරාන්...

කිරිපිටි ගැන තවත් තීරණයකට සැරසෙයි

අද (22) දිනයේ අත්‍යවශ්‍ය ආහාර ද්‍රව්‍ය ආනයනකරුවන් සහ පාරිභෝගික ආරක්ෂණ අමාත්‍ය ලසන්ත අලගියවන්න මහතා...

කොවිඩ් එන්නත් හේතුවෙන් මාතර පාසලක උණුසුම් තත්ත්වයක්

මාතර ශාරිපුත්‍ර ද්විතීයික විද්‍යාලයේ නොසන්සුන් තත්ත්වයක් හටගත් බව අප වාර්තාකරුවන් පවසනවා. ඒ, එම පාසලේ ක්‍රියාත්මක...
0
මේ පුවත ගැන ඔබේ ප්‍රතිචාරය කුමක්ද ?x
()
x