ඉන්දියාව දුන් කොරෝනා එන්නතෙන් කොටසක් අපතේ

ඉන්දියාවෙන් මෙරටට ප්‍රදානය කෙරුණු කොරෝනා මර්දන එන්නත්වලින් සැලකිය යුතු ප්‍රමාණයක් ප්‍රයෝජනයකට නොගෙන ඉවත දමන බවට තොරතුරු වාර්තා වනවා. ඒ, වසංගත රෝග විද්‍යා අංශය මගින් එන්නත්කරණය සඳහා ලබාදී ඇති උපදෙස් හේතුවෙන්.

ඉන්දියාවෙන් මෙරටට ප්‍රදානය කෙරුණු කොරෝනා මර්දන එන්නතෙහි එක් ඇසුරුමක මිලිලීටර් 6 යි දශම දෙකක් අඩංගු වනවා. එම එක් ඇසුරුමක ඇතුළත් එන්නත් මාත්‍රාව පුද්ගලයින් දස දෙනෙකු සදහා ලබාදෙන ලෙසටයි රෝහල් බලධාරීන්ට වසංගත රෝග විද්‍යා අංශය මගින් උපදෙස් දී ඇත්තේ. එක් පුද්ගලයෙකු සඳහා ලබාදෙන එන්නත් මාත්‍රා ප්‍රමාණය මිලි ලීටර් දශම 5 ක්.

ඒ අනුව දසදෙනෙකුට එන්නත් ලබාදීම සඳහා අවශ්‍ය වන්නේ එන්නත් මාත්‍රා මිලි ලීටර් 5 ක් පමණයි. ඒ අනුව එක් ඇසුරුමක ඉතිරි වන එන්නත් මාත්‍රා ප්‍රමාණය මිලි ලීටර් එකයි දශම 2 ක්. එලෙස ඉතිරි වන ප්‍රමාණය භාවිත නොකර ඉවත දමන ලෙසයි වසංගත රෝග විද්‍යා අංශය රෝහල් බලධාරීන්ට දැනුම් දී ඇත්තේ.කෙසේවෙතත් වෛද්‍යවරුන් පවසන්නේ ඉවත දමන ලෙස උපදෙස් දී ඇති මිලිලීටර් 1 යි දශම දෙකෙන් එක් අයෙකුට හෝ දෙදෙනෙකුට එන්නත් ලබාදිය හැකි බවයි. පසුගියදා මේ සම්බන්ධයෙන් සෞඛ්‍ය සේවා අධ්‍යක්‍ෂ ජනරාල්වරයාගේ ප්‍රධානත්වයෙන් සාකච්ඡාවක් පවත්වා ඇති අතර එහිදී ඔහු උපදෙස් දී ඇත්තේ එන්නත් මාත්‍රා අපතේ නොයවා භාවිත කරන ලෙසයි. 

ඒ සදහා ජාතික ඖෂධ නියාමන අධිකාරියෙන් නිර්දේශ ලබාදෙන ලෙස වසංගත රෝග විද්‍යා අංශයේ වෛද්‍යවරියක් එහිදී ප්‍රකාශ කර තිබෙනවා. අනතුරුව ජාතික ඖෂධ නියාමන අධිකාරිය විසින් අදාළ නිර්දේශ ලබාදී ඇති අතර මේ වනතෙක් එම නිර්දේශ සහ සෞඛ්‍ය අධ්‍යක්‍ෂ ජනරාල්වරයාගේ උපදෙස් ක්‍රියාත්මක කර නොමැති බවයි වාර්තා වන්නේ.

මේ සම්බන්ධයෙන් ඊයේ රැස්වූ කොවිඩ් නයින්ටීන් පැතිරීම වැළැක්වීමේ ජාතික ක්‍රියාන්විත මධ්‍යස්ථානයේ නියෝජිතයින් සහ සෞඛ්‍ය අංශ රැස්වී සාකච්ඡා කර ඇති බව ද වාර්තා වුණා. 

එහිදී ප්‍රාථමික සෞඛ්‍ය සේවා හා වසංගත රෝග සහ කොවිඩ් රෝග පාලන කටයුතු රාජ්‍ය අමාත්‍ය සුදර්ශනී ප්‍රනාන්දුපුල්ලේ සදහන් කර ඇත්තේ සෞඛ්‍ය අංශ ප්‍රධානීන් ලබාදෙන නිර්දේශ සහ උපදෙස් ක්‍රියාත්මක කරන ලෙසයි.

සෞඛ්‍ය සේවා අධ්‍යක්‍ෂ ජනරාල් විශේෂඥ වෛද්‍ය අසේල ගුණවර්ධන වසංගත රෝග විද්‍යා අංශයේ නිලධාරිණිය ඇතුළු පිරිසට තමා මීට පෙර ලබාදුන් උපදෙස් ක්‍රියාත්මක නොකිරීම සම්බන්ධයෙන් එහිදී දොස් පවරා ඇති බවයි වැඩිදුරටත් වාර්තා වුණේ. එම අවස්ථාවේ අදාළ නිලධාරිණිය පවසා ඇත්තේ මහා බ්‍රිතාන්‍යය එම එන්නත දස දෙනෙකුට පමණක් භාවිත කරන බවයි. කෙසේවෙතත් මෙරට වෛද්‍යවරුන් පවසන්නේ එම එන්නත නිෂ්පාදිත සමාගම පුද්ගලයන් දස දෙනෙකුට පමණක් ලබාදිය යුතු බව සදහන් කර නොමැති බවයි.


සෞඛ්‍ය සේවා අධ්‍යක්ෂ ජනරාල්වරයා ලබාදුන් නිර්දේශ ක්‍රියාත්මක කළේ නම් තවත් පුද්ගලයින් තිස් දහසකට පමණ කොරෝනා මර්දන එන්නත ලබාදීමට හැකිව තිබූ බවයි විශේෂඥ වෛද්‍යවරුන් පවසන්නේ. කොරෝනා මර්දන එන්නත් ක්‍රියාවලිය පිටුපස රජය අපහසුතාවට පත් කිරීමේ සූදානමක් පවතින බවට සැක පළ වන බව ද වෛද්‍යවරුන් පෙන්වා දෙනවා.

ඔබේ ප්‍රතිචාරය කුමක්ද ?
පට්ට !
0
11.svg?v=2.6
අවුල් වගේ !
0
22.svg?v=2.6
හරි හිනා !
0
3.svg?v=2.6
හම්මෝ !
0
31.svg?v=2.6
මාර දුකයි !
0
27.svg?v=2.6
මලපනිනව !
0
30.svg?v=2.6
කුජීතයි !
0
48.svg?v=2.6

සතියේ පලවූ මෙවැනිම පුවත්

Subscribe
Notify of
guest
1 Comment
Oldest
Newest Most Voted
Inline Feedbacks
සියලු ප්‍රතිචාර බලන්න !

අපගේ නවතම පුවත්

සතියේ පලවූ තවත් පුවත්

පොලොන්නරු ජනතාව කියන්නේ මගේ පියාගේ හදවතයි.. – දහම් සිරිසේන වේදිකාවේ

පොළොන්නරුව දිස්ත්‍රික්කයට සහ ජනතාවට ඉරියේදි එන ඕනෑම අභියෝගයකට මුහුණදීමට තමා සූදානම් බව දහම් සිරිසේන...

මනාලිය බලන්න ගිය මනමාලයාට වුණ දේ

යෝජිත විවාහයක මනාලයාගේ පවුලේ අය මනාලියගේ නිවසට පෙර ගමන් ගියේ දෙපාර්ශ්වයම ඒ සඳහා කැමැත්ත...

ශ්‍රී ලංකාවට ලකුණු 172ක ඉලක්කයක්

මේ වන විට පැවැත්වෙන බංගලාදේශ සහ ශ්‍රී ලංකාව අතර 20යි 20 ක්‍රිකට් තරඟයේ පළමුවෙන්...

යුද හමුදාපතිවරයා රුසියාවට.. ඉහළම ගෞරවය සමඟ යුද හමුදාපතිවරයා පිළිගනී

යුද්ධ හමුදාපති ජෙනරාල් ශවේන්ද්‍ර සිල්වා රුසියාවේ සංචාරයකට එක්වී තිබෙනවා.පසුගිය වසරේදී රුසියානු ජනරජ භූමි මෙහෙයුම්...

පාර්ලිමේන්තු මන්ත‍්‍රීවරුන්ට නැවතත් ලැබෙන වරප්‍රසාදය

පාර්ලිමේන්තු මන්ත්‍රීවරුන්ට තීරු බදු රහිත වාහන බලපත්‍ර ලබා දීමට නැවත කටයුතු කරන බව අග්‍රාමාත්‍ය...
1
0
මේ පුවත ගැන ඔබේ ප්‍රතිචාරය කුමක්ද ?x
()
x