Central Bank Central Bank

එක දවසට 13ක් මරුට

ඊයේ(08) දින මහමග සිදුවූ රිය අනතුරුවලින් පුද්ගලයින් දහතුන් දෙනෙක් මියගොස් ඇති බව පොලිස් මාධ්‍ය ප්‍රකාශක නියෝජ්‍ය පොලිස්පති නීතිඥ අජිත් රෝහණ මහතා පවසනවා

පුද්ගලයින් හත්දෙනෙක් මියගොස් ඇත්තේ ඊයේ (08) සිදු වූ රිය අනතුරුවලින් වන අතර ඊට පෙර දිනවලදී සිදුවූ අනතුරුවලින් බරපතළ තුවාල ලබා ප්‍රතිකාර ලබා ගනිමින් සිටි පුද්ගලයින් 6 දෙනෙකුද මියගොස් තිබෙනවා

එම මරණ 6ත් සමගින් මරණ 13ක් වාර්තා වන බවයි අජිත් රෝහණ මහතා පවසන්නේ

මෙසේ මිය ගිය පුද්ගලයින් අතරින් හය දෙනකු පදිකයින් වනවා

යතුරුපැදිවල ගමන් කල සිව් දෙනෙක් ,රියදුරන් දෙදෙනෙක් මෙන්ම මගියෙක් ද මියගිය පිරිස අතර සිටින බවයි වාර්තා වන්නේ

පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා සඳහන් කරන්නේ රිය අනතුරුවලදී පදිකයින් අනතුරට පත්වීම සහ මිය යෑමේ ප්‍රවණතාව ඉහළ ගොස් තිබෙන බැවින් එළඹෙන උත්සව සමයේ දී මහමග ගමන් කිරීමේදී වඩාත් සුපරික්ෂාකාරීව ගමන් කිරීම සිදු කල යුතු බවයි

උත්සව සමයේ මහමග සිදුවන රිය අනතුරු අවම කරගැනීම සඳහා ශ්‍රී ලංකා පොලිසිය දිවයිනම ආවරණය වන පරිදි විශේෂ වැඩපිළිවෙළක් සකස් කර ඇති බවද පොලිස් මාධ්‍ය ප්‍රකාශක නියෝජ්‍ය පොලිස්පති නීතිඥ අජිත් රෝහණ මහතා පවසනවා

ඔබේ ප්‍රතිචාරය කුමක්ද ?
පට්ට !
0
අවුල් වගේ !
1
හරි හිනා !
0
හම්මෝ !
1
මාර දුකයි !
5
මලපනිනව !
1
කුජීතයි !
0

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්