25 C
Colombo
Tuesday, April 13, 2021

එයාට නීති දාන්න මට අයිතියක් නෑ – සඳනි ප‍්‍රනාන්දු

අග්නි පියාපත් හි මාධවී ඔබට දැන් හුරුපුරුදු කෙනෙක්. ඒත් සඳනි ගැන ඔබ මොනවාද දන්නෙ?. ඇය පෙම්බඳින රියැලිටි තරුව කවුද. ඒ ආදර කතාවට දැන් මොකක්ද වෙලා තියන්නෙ. සඳනි ප‍්‍රනාන්දු සඟවා නොගෙනම ඔබට ඒ රහස මෙහෙම කියනව.

සඳනි රංගන ශිල්පිණියක් වීම සිද්ධ වෙන්නෙ කොහොමද? රංගන ශිල්පිණියක් වීම පොඩි කාලෙ ඉඳන් තිබුණ බලාපොරොත්තුවන් නෙමෙයි. නමුත් මට වයස අවුරුදු දාහත දහඅට කාලෙදි ඒ ගැන පොඩි කැමැත්තක් ඇති වෙනව. එතන ඉඳන් රංගන ශිල්පිණියක් වීමේ අරමුණින් වැඩ කළා. ඒ උත්සාහය නිසා අද මම මෙතන ඉන්නව. මේ හරහා මිනිසුන්ගේ රසාස්වාදය වෙනුවෙන් වැඩ කරන්න ලැබීම ගැන අද මට තියෙන්නෙ ලොකු සතුටක්.

Screenshot 2021 04 04 Sadani Franando sadani fc • Instagram photos and videos1 | Gossip Lanka

රංගන ශිල්පිණියක් නොවුණ නම්?  එහෙනම් මම අනිවාර්යයෙන් එකවුන්ටන් කෙනෙක් වේවි. මොකද මම අධ්‍යාපන කටයුතු කළේ ඒ හා සම්බන්ධ විෂයයන් වලින්.

දැන් අධ්‍යාපන කටයුතු අවසන්ද ? නැහැ. කළමනාකරණ උපාධිය සඳහා අවශ්‍ය අධ්‍යාපනය ලැබීමට මේ දවස්වල වැඩකටයුතු කරමින් ඉන්නවා.

මාධවී ගැන පේ‍්‍රක්‍ෂකයො මොකද කියන්නෙ? මාධවී කියන්නෙ ටිකක් නපුරු වගේම ගොඩක් අය බැනපු චරිතයක්. පේ‍්‍රක්‍ෂකයන් මුලදි මේ චරිතයට ඒ තරම් කැමැත්තක් දැක්වූවේ නැහැ. නමුත් මේ වෙනකොට ගොඩක් අය මාධවීට ආදරය කරනවා. මොකද මාධවීට ජීවිතයේ මුහුණ දෙන්න සිදු වුණ දේවල් නිසා තමයි ඇය ඒ තත්ත්වයට පත් වෙන්නෙ.

Screenshot 2021 04 04 Sadani Franando sadani fc • Instagram photos and videos2 | Gossip Lanka

මාධවී සහ සඳනි අතර සමානකම් තියෙනවද? ම්ම්ම්…. නැහැ. සඳනි ඊට වඩා ගොඩක් වෙනස්. නපුරුයි” ඒත් මාධවී තරම් නැහැ.

ඔබ නිර්මාණ භාර ගන්නෙ අඩුවෙන්?ඔව්. ඇත්තටම මම වැඩිය නිර්මාණ භාර ගන්නෙ නැහැ. බොහෝ විට තෝරා බේරාගැනීමක් අනුව තමයි වැඩ කරන්නෙ. මේ වන තුරු දායක වුණ නිර්මාණත් එහෙමයි. බොහොම කැමැත්තෙන්” ආසාවෙන් තමයි තෝරාගත් ඒ නිර්මාණ වලට රංගනයෙන් දායක වුණේ. ඒවගේම නිතරම තිරයේ පෙනී ඉන්නත් මගේ ඒ තරම් කැමැත්තක් නැහැ.

ඉඳහිට නිර්මාණයකට දායක වීමෙන් ජනප‍්‍රියත්වය අඩුවෙන්න පුළුවන්?

ඔව්. එහෙම වෙන්නත් ඉඩ තියෙනව. නමුත් මම ජනප‍්‍රියත්වය පස්සෙ දුවන්නෙ නැති කෙනෙක් නිසා ඒ තරම් දැනෙන්නෙ නැහැ.

ඔබ සිනමාවටත් සම්බන්ධ වෙනවා?

මම අරුණ ජයවර්ධනගෙ නයින්ටීන් සෙවන්ටි ලව් ස්ටොරි සිනමාපටයට සම්බන්ධ වෙලා තියෙනව. ඒ වැඩකටයුතු අවසන් වෙලා දැනට අවුරුද්දක් විතර වෙනව. ඉදිරියේදී පේ‍්‍රක්‍ෂකයන්ට දැකබලාගන්න පුළුවන් වේවි.

Screenshot 2021 04 04 Sadani Franando sadani fc • Instagram photos and videos3 | Gossip Lanka

වැඩිපුර දකින්න ලැබෙන්නේ වෙළෙඳ දැන්වීම්වල?  ඔව්.. මම මුල් කාලයේ වෙළෙඳ දැන්වීම් බොහෝ ප‍්‍රමාණයකට සහබාගි වෙලා තියෙනව. මේ වෙනකොට අනෙකුත් නිර්මාණත් එක්ක සමබරව කටයුතු කරනවා.

සඳනි එකවර ටෙලි දෙකක් භාර ගන්නේ නෑ?  මගේ පෞද්ගලික ජීවිතයේ වැඩකටයුතුත් එක්ක නිර්මාණ දෙකතුනක් එකවර භාරගෙන ඒ සඳහා කාලය කළමනාකරණය කරගන්න අමාරු තත්ත්වයක් ඇති වුණා. ඒ නිසා එක නිර්මාණයක වැඩ අවසන් වුණාම තව එකක් භාරගන්න දැන් කටයුතු කරනවා.

Screenshot 2021 04 04 Sadani Franando sadani fc • Instagram photos and videos4 | Gossip Lanka

ගායනයට කැමැත්තක් නැද්ද?  මම හිතන්නෙ ගායනයත් රංගනය වගේම හැදෑරිය යුතු දෙයක් කියල. දැනට මගේ වෘත්තිය පිළිබඳව ඉගෙනගෙන ඒක කරගෙන යනව වගේම ගායනය සම්බන්ධයෙන් හැදෑරීමක් කරල ඊට යොමු වුණොත් හරියාකාරව කරගෙන යන්න පුළුවන් වේවි කියල විශ්වාස කරනව.

ප‍්‍රවීණයන්ගේ සහයෝගය?  ක්‍ෂේත‍්‍රයේ වැඩකටයුතු කරද්දි ප‍්‍රවීණයන්ගෙන් ලොකු සහයෝගයක් ලැබෙනව. නවකයකුට ඉදිරියට යන්න නම් ඒ සහයෝගය අනිවාර්යයෙන් ලැබිය යුතුමයි.

Screenshot 2021 04 04 Sadani Franando sadani fc • Instagram photos and videos5 | Gossip Lanka

පැමිණි මග දෙස නැවත බැලූවොත්? මට දැනෙන විදිහට මේ වෙනකොට මම ලොකු ගමනක් ඇවිත් තියෙනව. තවම වයස අවුරුදු විසි දෙකයි. ඒ කාලය තුළ මගේ අධ්‍යාපන කටයුතු වගේම ක්‍ෂේත‍්‍රයේ කටයුතුුත් පිළිවෙළට කරගෙන තියෙනව.

සම්මානයක බලාපොරොත්තුව? සම්මානයක බලාපොරොත්තුව මගෙ හිතේ තිබුණට වැඩක් නැහැ. කෙනකුගෙන් අගැයීමක් ලබන්න නම් මම ඒ වෙනුවෙන් මහන්සි වෙලා වැඩ කරන්න ඕන. දැනටත් මම ඒ වෙනුවෙන් වැඩ කරනව. නමුත් සම්මානයක් ගැන ගොඩක් ලොකු බලාපොරොත්තු තියාගෙන ඉන්නෙ නැහැ. ඒකෙන් වෙන්නෙ හිත රිදීමක්.

Screenshot 2021 04 04 Sadani Franando sadani fc • Instagram photos and videos6 | Gossip Lanka

පෙම්වතා ජනප‍්‍රිය ගායකයෙක්? මම පෞද්ගලිකව සංගීතයට හරිම කැමතියි. හරිම ආදරෙයි. ඒ ක්‍ෂේත‍්‍රයෙන් කෙනෙක් ලැබීම ගැන ලොකු සතුටක් තියෙනව.

රංගනයට ඔහුගෙන් සීමාවන් නැද්ද? මේ වනතුරු මගේ වැඩකටයුතු වලට ඔහුගෙන් කිසිම බලපෑමක් සිද්ධ වෙලා නැහැ. මම අදිමදි කරන ඇතැම් අවස්ථාවලදි ඔහු තමයි මාව දිරිමත් කරන්නෙ.

Screenshot 2021 04 04 Sadani Franando sadani fc • Instagram photos and videos7 | Gossip Lanka

සඳනි පියත්ට බලපෑම් කරනවද?  නැහැ. මම මගේ ජීවිතයට සීමාවන් පනවගෙන වැඩ කරනව. ඒක වෙනම දෙයක්. නමුත් මට අයිතියක් නැහැ තව කෙනෙක්ව පාලනය කරන්න. එයාට හොඳයි කියල හිතෙන ඕනෑම දෙයක් කරන්න නිදහස තියෙනව. මම දන්නව එයාගෙ සීමාවෙන් පිට එයා වැඩ කරන්නෙ නැහැ කියල.

යුග ගීතයකට ඔහුගෙන් ආරාධනයක් නැද්ද? එයා කතාකරල තියෙනව. ඒ මම කිව්වෙ තවදුරටත් සංගීතය ඉගෙනගෙන ඒ වගේ දෙයක් කරන්න ඕන කියල.

Screenshot 2021 04 04 Sadani Franando sadani fc • Instagram photos and videos8 | Gossip Lanka

ඔබ ඔහුව දකින්නෙ? මම එයාව දකින්නෙ හරිම නිදහස් චරිතයක් විදිහට. වෙලාවකට පොඩි ළමයෙක් වගේ වැඩකරන විනෝදකාමී කෙනෙක්.

දෙදෙනාම එකම ක්‍ෂේත‍්‍රයක?  ඔව්. මම හිතන්නෙ ඒක හොඳ දෙයක්. අපි දෙන්නටම අපේ වැඩ ගැන හොඳ අවබෝධයක් තියෙනව. ඒ අවබෝධයත් එක්ක තේරුම් ගැනීමෙන් ඉදිරියට යන්න පහසුයි.

Screenshot 2021 04 04 Sadani Franando sadani fc • Instagram photos and videos | Gossip Lanka

විවාහය?  දැන්ම නම් එහෙම අදහසක් නැහැ. මොකද ජීවිතේ ගොඩක් දේවල් තව කරන්න තියෙනව. ඒ ලිස්ට් එකේ අවසාන හරියෙ තමයි විවාහය තියෙන්නෙ.

ඔබේ ප්‍රතිචාරය කුමක්ද ?
පට්ට !
16
අවුල් වගේ !
0
හරි හිනා !
4
හම්මෝ !
0
මාර දුකයි !
0
කුජීතයි !
3
මලපනිනව !
0
Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

තවත් මෙවැනිම පුවත්

පෝක් සමුද්‍ර සන්ධිය තරණය කරමින් වාර්තාවක් තැබූ ලාංකික ගුවන්භටයා

නව වාර්තාවකට හිමිකම් කියමින් ශ්‍රී ලංකා ගුවන් හමුදාවේ රොෂාන් අබේසුන්දර පැය 28යි මිනිත්තු 19යි...

දරුවෝ එක්ක තනි වුන මවක් පමණයි ඒ ජීවන බර ගැන දන්නේ

සරාගී නිරූපණ ශිල්පිනියක් ලෙස කා අතරත් කතාබහට ලක් වෙන චරිතයක් තමයි පියුමි හංසමාලී කියලා...

අපේක්ෂාවේ සිට ඔබෙන් ජීවිතය ඉල්ලූ ඇය සඳහටම නික්ම ගිහින් – මුහුණු පොතම සංවේදී කළ නුවන්තිකාගේ කඳුළු කතාව – Photos

පසුගිය කාලයේ මුහුණු පොතේ හුවමාරු වුනු දිනිති නුවන්තිකාගේ කතාව ඔබට මතක ඇතුවාට නිසැකයි. මහරගම...

චන්දිමාල් ඔයාගේ මාකටින් වැඩ නම් නියමයි – ඕෂධී

විවාහක රූ රැජිණ ඉසව් ජයග්‍රාහිකාවක වන ඕෂධී හේවාමද්දුම විවාහක රූ රැජිණ කිරුළ මාරුකිරීමේ පළහිලව්ව...

පුෂ්පිකා ද සිල්වාගේ දේශපාලන බලාපොරොත්තුව

විවාහක ශ්‍රී ලංකා රූ රැජිණ තරගයේදී තමන්ට සිදුවූ අපකීර්තිය සම්බන්ධයෙන් ඉදිරියේදී සිය නීතිඥවරුන් අවශ්‍ය...

අපගේ නවතම පුවත්

0
මේ පුවත ගැන ඔබේ ප්‍රතිචාරය කුමක්ද ?x
()
x