කඨින පූජෝත්සවවලදී ” මැණිකේ මගේ හිතේ” ගායනා කලහොත් වැඩ වරදී

කඨින පූජෝත්සවවලදී සහ වෙනත් ආගමික උත්සවවලදී ආගමික ස්ථානයකට උචිත ගීත පමණක් වාදනය කරන්නැයි බුද්ධශාසන , ආගමික හා සංස්කෘතික කටයුතු අමාත්‍යාංශය දැනුම්දී ඇත.

ආගමික ස්ථානවල පූජනීයත්වය ආරක්ෂා වන ආකාරයට කටයුතු කරන්නැයිද උපදෙස්දී ඇත.

ඇතැම් කඨින උත්සවලදී ආගමික උත්සවවලට උචිත නැති ගීත වාදනය කිරීම සම්බන්ධයෙන් සමාජ මාධ්‍යවලින් විවිධ විවේචන එල්ල වීම සැලකිල්ලට ගෙන අමාත්‍යාංශය මෙම දැනුම්දීම කර
ඇත.

එසේම කඨින පූජෝත්සව සෞඛ්‍ය මාර්ගෝපදේශ වලට අනුගතව පැවැත්විය යුතු බවද අමාත්‍යාංශය දැනුම් දෙයි .

පූජනීය ස්ථානවල භක්ති ගීත ප්‍රචාරය කිරීමේ දී හා පෙරහැර සංවිධානය කිරීමේ දී වර්තමානයේ පවතින ජනප්‍රිය ගීත නොව ආගමික පසුබිමක් පවතින, ආගමික ස්ථානයකට උචිත ගීත පමණක් භාවිත කරමින් ආගමික ස්ථානයේ පූජනීයත්වය ආරක්ෂා කර ගැනීමට කටයුතු කළ යුතු බවද අමාත්‍යාංශය වැඩිදුරටත් දැනුම්දී ඇත.

බුද්ධශාසන , ආගමික හා සංස්කෘතික කටයුතු අමාත්‍යාංශය මේ සම්බන්ධයෙන් උපදෙස් නිකුත් කිරීමට සිදුවූ ආසන්නතම හේතුව වන්නේ කඨින පූජෝත්සවයකදී නව පරපුරේ ගායිකාවක් වන යෝහානි ද සිල්වා විසින් ගායනා කරන ලද ” මැණිකේ මගේ හිතේ” ගීතයේ සංගීතමය අනුවාදයක් වාදනය කිරීමේ වීඩියෝවක් පසුගිය දිනවල සමාජ මාධ්‍ය ජාල තුල හුවමරුවිමත් සමගයි.

ඔබේ ප්‍රතිචාරය කුමක්ද ?
පට්ට !
19
අවුල් වගේ !
1
හරි හිනා !
46
හම්මෝ !
2
මාර දුකයි !
6
මලපනිනව !
6
කුජීතයි !
10

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්