30 C
Colombo
Friday, September 17, 2021

කඩවත කැළඹූ, අඹුසැමි මරණය ඝාතනයක් ද ?

දරුවන්ට ලොව ඇති අගනාම වස්තුව සිය මවුපියන් යැයි කිවහොත් එය නිවැරදිය. මවුපියන්ටද ලොව ඇති උතුම්ම වස්තුව තම ලෙයින් උපන් දරුවන්ය. පුත්ථා වත්තූ මනුස්සානං යැයි බුදුන්වහන්සේ වදාළහ. අනපේක්ෂිත මොහොතක සිදුවූ විපතින් කඩවත, ඇල්දෙණිය ජනතා මාවතේ පදිංචි ජනතාව විස්මයට පත්වී ඇත.

අසල්වැසියන්ගේ උත්සාහයෙන් දෙමහල් නිවෙසක උඩුමහලේ ඇවිළුණු ගින්න නිවා දැමීමට හැකි වුවද නිවෙසේ පදිංචිව සිටි අඹුසැමි යුවළගේ දිවි බේරාගැනීමට ඔවුන්ට මාරයා ඉඩ අහුරා ඇත.

සිය මවුපියන්ගේ පිලිස්සී ගිය සිරුරු දැවී අළු වී ගිය නිවෙසේ සුන්බුන් අතරින් පිටතට ගනිද්දී දරුවන් කෑගසමින් හැඬ­ූ අයුරු අවට සිටි සැමගේ දෙනෙත් කඳුළින් තෙත් කළ අයුරු දක්නට ලැබුණු අතර වැඩිහිටියකු පැවසුවේ සසරේ පතාගෙන ආපු හැටි වෙන්න ඇති යනුවෙනි.

කඩවත, ඇල්දෙණිය, ජනතා මාවතේ, දෙමහල් නිවෙසක උඩුමහලේ පදිංචිව සිටි වෘත්තියෙන් ත්‍රිරෝද රථ රියැදුරකු වූ 56 හැවිරිදි අජිත් රේමන් සහ ඔහුගේ බිරිය වූ 53 හැවිරිදි සුමිත්‍රා රාජපක්ෂ යන අඹුසැමි යුවළ 28 වැනිදා අලුයම් කාලයේදී නිවෙස තුළදී මෙලෙස පිලිස්සී මියගොස් ඇත.

මෙම ගින්න පිළිබඳව අසල්වාසීන් පොලිසියට පවසා ඇත්තේ,

“28 වැනිදා අලුයම 4.00ට විතර මේ ගෙදර උඩුමහලෙන් බේරා ගන්න, උදවු කරන්න කියලා කාන්තාවක් කෑගහන සද්දයක් එක්ක වහලේ ෂීට් පුපුරණ සද්දෙ ඇහුණා. අපි අහළ පහළ අය නැඟිටලා බලද්දි ගේ ගිනි ගන්නවා. අපි කුස්සිය පැත්තෙන් ‍ෙදාර කඩලා ඇතුළු වෙලා පුළුවන් තරම් වතුර දාලා ගින්න නිව්වා. ඊට පස්සෙ බලනකොට මේ මවුපියන් දෙපළම පිච්චුණු සුන්බුන් ගොඩේ මැරිලා වැටිලා හිටියා.”

දෙමහල් නිවෙසක උඩුමහලේ සිදුවූ මෙම ගින්නෙන් ඉහළ මාලය සම්පූර්ණයෙන්ම දැවී අළු වී ඇති අතර පහත මාලයට ගින්නෙන් හානි සිදු වී නැත. පහත මාලයේ පදිංචිව සිට ඇත්තේ මියගිය අඹුසැමි යුවළගේ විවාහක පුතා සහ ඔහුගේ දරුපවුල වන අතර නිවෙසට යාබදව නිවෙසක ඔවුන්ගේ විවාහක දියණිය පදිංචිව සිට ඇත.

පොලිසිය දරුවන්ගෙන් ලබාගෙන ඇති ප්‍රකාශවලට අනුව මෙම ගින්න ඇති වීමට පෙර අලුයම් කාලයේ මියගිය අජිත් රේමන්, විවාහයෙන් පසුව යාබද නිවෙසක පදිංචිව සිටින සිය දියණියගේ නිවෙස වෙත ගොස් ඇසුරූ පාර්සලයක් ඇයට දී මේකේ තියෙන සල්ලි දරුවන්ගේ නමට බැංකුවට දාන්න. අනිත් පාර්සලේ පස්සේ ඇරලා බලන්න යැයි පවසා ඇත.

පසුව විවෘත කර බැලූ පාර්සල් තුළ මුදල් සහ රන් ආභරණ තිබූ බව දියණිය පවසා ඇති අතර මවුපියන් මිය යෑමෙන් පසුව පියා රැකියාව කළ ත්‍රිරෝද රථය දක්නට නොමැති නිසා තමා අතට දුන් මුදල් ත්‍රිරෝද රථය විකුණා ලබාගත් ඒවා යැයි විශ්වාස කරන බව ප්‍රකාශ කර ඇත.

කිසිවකුට හිරිහැරයක් නොමැතිව ජීවත් වී ඇති මෙම අඹුසැමි යුවළ මෙලෙස සියදිවි හානි කර ගත්තේ මන්දැයි යන්න සෙවීම පරීක්ෂණ මෙහෙයවන පොලිසියේ ප්‍රධාන අරමුණ වී ඇත.

කෙසේ නමුත් වයස අවුරුදු 60ට අඩු වයසේ පසුවූ තම මවුපියන්ගේ අකල් වියෝවෙන් තැවෙන දරුවන් පවසන්නේ ඉතාම සාමකාමීව ජීවත්වූ ඔවුන්ගේ මෙම මරණයට හේතුව තමන්ට ප්‍රහේලිකාවක් බවයි.

29 වැනිදා රාගම රෝහල් මෘත ශරීරාගාරයේදී පශ්චාත් මරණ පරීක්ෂණ කිරීමට නියමිතව ඇති අතර පී.සී.ආර්. පරීක්ෂණ වාර්තාවෙන් පසුව දේහයන් අවසන් කටයුතු සඳහා දරුවන් වෙත භාරදීමට නියමිතය.

කෙසේ නමුත් දරුවන්ගේ සෝ කඳුළු මැද එකට අවසන් ගමන් යන මේ මවුපිය යුවළ මෙලෙස පිලිස්සී මිය ගිය හේතුව සොයා කඩවත පොලිසිය පුළුල් විමර්ශනයක් ආරම්භ කර ඇත.

කැලණිය – කුසුම් එස්. හැන්නදි

ඔබේ ප්‍රතිචාරය කුමක්ද ?
පට්ට !
1
11.svg?v=2.6 | Gossip Lanka
අවුල් වගේ !
1
22.svg?v=2.6 | Gossip Lanka
හරි හිනා !
0
3.svg?v=2.6 | Gossip Lanka
හම්මෝ !
1
31.svg?v=2.6 | Gossip Lanka
මාර දුකයි !
13
27.svg?v=2.6 | Gossip Lanka
මලපනිනව !
1
30.svg?v=2.6 | Gossip Lanka
කුජීතයි !
2
48.svg?v=2.6 | Gossip Lanka
Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

දවසේ නවතම පුවත්

සතියේ පලවූ පුවත්

පෞද්ගලික රෝහලක අත් බෝම්බයක් හමුවීමේ සිද්ධියට සැකකරුවෙක් අත්අඩංගුවට

නාරාහේන්පිට ප්‍රදේශයේ පෞද්ගලික රෝහලක වැසිකිලියකින් අත්බෝම්බයක් සොයා ගැනීමේ සිද්ධිට අදාළව සැකකරුවෙකු කොළඹ අපරාධ කොට්ඨාශය...

අද වාර්තා වු කොවිඩ් මරණ ගණන

සෞඛ්‍ය සේවා අධ්‍යක්ෂ ජෙනරාල්වරයා විසින් ඊයේ (11) දිනයේ දී තහවුරු කරන ලද කොවිඩ් ආසාදිත...

හිටිහැටියේ සතොස ලොක්කෙක් අත්අඩංගුවට

සතොස ආයතනයේ මූල්‍ය අංශයේ නියෝජ්‍ය සාමාන්‍යාධිකාරීවරයාව පොලීසිය විසින් අත්අඩංගුවට ගෙන තිබේ. ඒ සුදු ලූනු කිලෝ...

අපිට තියෙන්නේ දේශීය චින්තනයක්

අපේ ආණ්ඩුව අපේ නායකයන් සුද්දන්ගේ යට ඇඳුම් අඳින්නෙ නෑ’ යයි ශ්‍රී ලංකා පොදුජන පෙරමුණේ...

පහන්තුඩාවේ යුවලට අවසානයේ අත්වු ඉරණම මෙන්න

බලන්ගොඩ ප්‍රදේශයේ ඇති පහන් තුඩාව පසුබිම් කරගෙන අසභ්‍ය විඩියෝවක් රෑගත කර එය අන්තර්ජාලයට මුදා...
0
මේ පුවත ගැන ඔබේ ප්‍රතිචාරය කුමක්ද ?x
()
x