29 C
Colombo
Friday, September 17, 2021

කලකිරි.. ධම්මික රට යන්න හදයි හැංගිලා හිටිය ධම්මික බණ්ඩාර පළමුවරට රහස් ‌හෙළිකරයි

කොරෝනා රැල්ලට ධම්මික පැණිය හදලා රට තුළ ප්‍රසිද්ධියට පත්වුණු කෑගල්ල ධම්මික බණ්ඩාර වෙද මහත්තයාට අද හතර වටින්ම ප්‍රහාර එල්ල වෙන්න පටන් අරන්. ඒ පැණිය ආහාරයක් වශයෙන් පාවිච්චි කරන්න විතරක් ආයුර්වේදයෙන් දුන්න තාවකාලික බලපත්‍රයත් දැන් තහනම් කරලා. ඒ මදිවට දේශපාලකයන්ට, රජයේ කාර්යාලවල ධම්මක පැණි බෝතල් ලක්ෂයක් බෙදාහැරපු ධම්මික වෙද මහත්තය අද හතර වටින් එල්ල වෙන ප්‍රහාර නිසා පසුගියසති අන්තයේ ඔහු ළඟ තිබුණු පැණි බෝතල් අටදහසක් විතර එයාගෙ වත්තෙම වළ දමල තියෙනවා. ඒ බෝතල් ටික තිබුණා නම් කොරෝනා රෝගීන් 26,000කට පමණ දෙන්න තිබුණ කියලයි ඔහු කීවෙ. කොරෝනා සඳහා ධම්මික පැණිය හදපු වෙද මහත්තයව උඩ දාලා බිම දැම්ම වගේ ඔහුට හතර වටින් විරෝධය ආවෙ ඇයි කියලා අහන්න ‘මව්රට’ ධම්මික බණ්ඩාර වෙද මහත්තයට කතා කළා.

ඔබ ඔය හදල තියෙන්නේ බොරු බෙහෙතක්ය, ඕකෙන් කවුරුවත් සනීප වෙලා නැහැ කියලා බෙහෙත රට පුරා මිනිසුන් අතරට ගියාට පස්සෙ නැගෙන චෝදනා සත්‍යයක්ද?
මම ඒ කිසිම චෝදනාවක් පිළිගන්නෙ නැහැ. මගෙන් පැණිය අරන් මම කියපු විදියට දින තුනක් නිර්මාංශව නියම මාත්‍රා ගණනම පාවිච්චි කළ කිසිවකුට කොරෝනා හැදුණෙ නැහැ. කවුරුවත් මියගියේ නැහැ. සමහරු මේ පැණිය අරන් මස් මාංශ කාලා අරක්කු බීපු අයට නම් කොරෝනා හැදෙන්න ඇති.

එහෙනම් ඒ චෝදනා ගැන මෙතරම් විශාල ප්‍රචාරයක් ගියේ කොහොමද?
මගෙන් පැණිය ගන්න ඇවිත් අනියම් ලෙස ලබාගන්න බැරිව ආපසු ගිය දෙතුන් දෙනෙක් ප්‍රාදේශීය දේශපාලනඥයකු සමග එකතු වෙලා තමයි පළමුවෙන්ම මට පහර ගහන්න පටන් ගත්තෙ.

මේ පැනිය ගැන පර්යේෂණ කරන්න සෞඛ්‍ය ඇමැතිවරිය දේශීය වෛද්‍ය විශේෂඥයන්ගෙ කොමිටියක් පත් කළා නේද. ඒකට මොකද වුණේ?
සෞඛ්‍ය ඇමැතිවරිය පත්කළ කොමිටියේ මමත් හිටියා. මට උදව් රන බටහිර වෛද්‍යවරුන් දෙදෙනකුත් හිටියා. නමුත් ඒ අය පැණිය ගැන පර්යේෂණ කළේ අනුරාධපුරය පැත්තෙ රෝහලක. ඒ කොමිටිය අපිව කැඳෙව්වෙ නැහැ. ඒ නිසා ඒකෙ වාර්තාව ඉල්ලපුවාම ඒක අමාත්‍යාංශයට භාරදුන්නා කිව්වා.

ඔබට මුදල් උදව් කළ දේශීය වෛද්‍ය ඇමැතිගෙ ඉඳන් ආයුර්වේදයේ ලොක්කන් පසුව ඇයි ඊට විරුද්ධ වුණේ?
සායනික පරීක්ෂණ හරියට කළේ නැහැ. ආයුර්වේද වෛද්‍ය සභාව මගෙ බෙහෙත් වට්ටෝරුව ගන්න උත්සාහ කළා. මම දුන්නෙ නැහැ. ඒ නිසා මම බොරු බෙහෙත් හදන කෙනෙක් ගානට වැටුණා. මම මගේ භද්‍රකාලි මෑණියන් පාවා දෙන්න සූදානම් නැහැ.

ඔබ හැදුව ධම්මික පැණිය බොරුවක් බවට පත්වුණේ ඇයි?
මම මේක රජයට, රටට හඳුන්වා දුන් වෙලාවෙ කවුරුත් නොදන්න දෙයක් වුණා. ආයුර්වේදයේ ලොක්කන් දෙදෙනෙක් මාව කොළඹ තරු පහේ හෝටලයකට කැඳවාගෙන ගිහින් තේ පැන් සංග්‍රහයක් කළා. හැබැයි එතැනදිත් මා එළවළු මිශ්‍රණයක් විතරයි අනුභව කළේ. ඉන් පස්සේ ඒ අය මාව ගාලු මුවදොර හෝටලය ළඟ තියෙන තල් ගස් සෙවනට කැඳවාගෙන ගියා. ඒ නිසා මා සමග දිගු වේලාවක් කතා කරමින් සිට ඒ අය මගෙන් මේ පැණියෙ ව්‍යාපාර අයිතිය ඉල්ලුවා. මම බැහැ කිව්වා. ඔන්න ඕක තමයි සටනේ ආරම්භය. මම මේවා ඕනෙම වෙලාවක හෙළිකරන්නත් සූදානම්. ළඟදි මම ඒකට වීඩියෝ එකක් මාර්ගයෙන් රටට හෙළි කරනවා.

ඔබ ඔය පැණිය හදපු ආරම්භය ගැන යමක් කියන්න පුළුවන්ද?
මම මේ පැණිය මුල් අවස්ථාවේදිම මේ රටේ මිනිසුන් ලක්ෂ 40කට විතර නොමිලේ තමයි දුන්නෙ. පසුව මම මේ පැණිය හදන්න අවශ්‍ය මීපැණි, සාදික්කා හිඟයක් ඇතිවුණු වෙලාවෙ ඒවා මම චීනයෙන් රුපියල් ලක්ෂ 59ක් වියදම් කරලා ගෙන්වා ගත්තා. පසුව මම එක්තරා ප්‍රබල දේශපාලනඥයකුට කිව්වා දැන් පැණිය නොමිලේ දුන්නා අති, අවශ්‍ය බෙහෙත් ගෙන්වා ගන්න සහන මිලකට දෙන්න කියලා. ඒ හින්ද තමයි මම කාලෙ බෝතලේ රු. 2,500/-ට විකිණුවේ. ඒ මුදලින් පවා ඇතැම් රෝගීන්ට නොමිලේ ධම්මික පැණිය ලබාදුන්නා. කොවිඩ් 19 මුල් අවස්ථාවේදී මර බියෙන් උන්න මිනිසුන්ගෙ ජීවිත බේරාගන්න හැකි වුණා.

ඔබේ පැණිය ගැන පරීක්ෂණ කරන්න ආව අය ධම්මික පැණිය බිව්වෙ නැද්ද?
බිව්ව විතරක් නෙවෙයි, ඒ අයගෙ ඥාතීන්ට බෙදන්න පැණි බෝතල් 100-200 අරන් ගියා. එක් විද්‍යුත් මාධ්‍යයක මාධ්‍යවේදියෙක් මගෙන් පැණිය බීලා පී.සී.ආර්. කරපු වෙලාව නෙගටිව් වුණා. නමුත් ප්‍රචාරය කළේ කොරෝනා හැදුණා කියලයි.

ඔබගේ පැණියට විරුද්ධව අප්‍රසිද්ධව නැගී සිටි අයත් සිටියද?
ඒ ප්‍රශ්නයට කලින් කිව යුත්තක් තියෙනවා. මගෙ පැණිය නොමිලේ ගන්න, මිලදී ගන්න ආව දස දහස් ගණනක් පොලිසිය යොදවලා පාලනය කරන්න සිදුවුණා. ඒත් අරන් ගිය අය තමන්ට කොරෝනා සුවවුණා කියලා කියන්න තරම් ඉදිරියට ආවෙ නැත්තෙ ඇයිද යන්න ප්‍රශ්නයක්. අපේ මිනිස්සු හුඟ දෙනෙක් සත්‍යය කතා කරන්නෙ නැහැ. ධම්මික පැණිය බොරුවක්, වස විසක් තියෙනවා කියලා බොරු ආරංචි ඇතම් දේශපාලනඥයන් බටහිර වෛද්‍යවරු විසින් ප්‍රචාරයක් ගෙනගියා. නමුත් මගේ පැණිය පිටුපස බටහිර වෛද්‍යවරු කිහිප දෙනකුම උදව්වට හිටියා. අදටත් ඇතැම් වෛද්‍යවරු මගෙන් පැණිය ලබාගන්න රහසේ විමසීම් කරනවා.

එවැනි අයට ඔබ ලබාදෙන ප්‍රතිචාරය මොකක්ද?
අද තියෙන ඩෙල්ටා වෛරසයට නම් කලින් එකට වඩා ප්‍රබල පැණියක් හදන්න ඕනෑ, නමුත් දැන් මම ඒවා කරන්නෙ නැහැ. සමහරු හිතුවා මම පැණිය හරහා දේශපාලනයට එන්න එනවා කියලා. තුන් හිතකවත් මම ඒ වගේ පිස්සුවක් නැහැ. මට දැන් පැණිය නිසා දොස්තරලා බණිනවා. දේශපාලනඥයො බණිනවා. හැම තැනකින්ම බැණුම්. ඒ නිසා මම තීරණය කළා මා සතුව තිබුණු ධම්මික පැණි බෝතල් 8,000ක් විතර ගෙවත්තෙම වළදාන්න. මම ඉඩකඩම් දේපොල තියෙන, කාලි මෑණියන් අදහගෙන ඉන්න අයෙක්.

ඔබ කාලි මෑණියන් අදහනවා නම් මේ ප්‍රශ්නයෙදි ඇය ඔබට පිහිට වුණේ නැහැ කියලා හිතනවද?
නැහැ, එහෙම හිතන්නෙ නැහැ. ඒත් මම එකක් කියන්න ඕනෙ. කාලි මැණීයන් කියන්නෙ එකවර දඬුවම් දෙන මෑණි කෙනෙක් නෙවෙයි. ඉදිරියේදී ඇයගෙ දඬුවමට යටත් වන අය ගැන බලාග්නන පුළුවන්.

ධම්මික පැණිය නිපදවන්න කර්මාන්ත අමාත්‍යාංශයෙන් පවා මැෂිමක් ලැබුණ නේද? ඒ අමාත්‍යාංශයේ අයත් ඔබගේ නිෂ්පාදන බලන්න ආව නේද?
මගේ මේ වැඩේට කර්මාන්ත අමාත්‍යාංශයේ සහාය ලැබුණා. මැෂිමකුත් ලැබුණා. නමුත් දැන් ඒ යන්ත්‍රයත් ආපහු එම අමාත්‍යාංශයට භාරදෙන්නයි තීරණය කරලා තියෙන්නෙ.

මේ රටේ ආයුර්වේදය ගැන ඔබට විශ්වාසයක් නැද්ද?
ආයුර්වේදයත් ඉන්දියාවෙන් ආව වෛද්‍ය ක්‍රමයක්. කොරෝනාවලට බෙහෙත් හදන්න පුළුවන් ඍෂිවරුන්ටයි, පාරම්පරික වෙද මහතුන්ටයි පමණයි.

ඔබගේ ධම්මික පැණි බෝතල් රජයේ ආයතන ගණනාවකට දහස් ගණනින් ලබාදුන් බවට ආරංචි පැතිර ගොස් තිබුණා?
ඔව් ඔව්. රජයේ ආයතන ගණනාවකටම මම නොමිලේ පැණි බෝතල් ලබාදුන්නා. වරාය සේවකයන් පිරිසකට ලබාදුන් ඒවාට නම් මුදල් ලබාගත්තා.

ඔබ කීවා අධික වියදමක් දරා චීනයෙන් මෑපැණි ගෙන්වා ගත්තා කියලා. දැන් ඒ ඉතිරි වෙන ඒවට මොකද කරන්නෙ?
පාරම්පරික වෛද්‍යවරයකුට බෙහෙත් හදන්න ලබාදෙන්න අදහස් කරනවා.

ධම්මික පැණිය නිසා ඔභට සිදුවුණු ඔබට සිදුවුණු අසාධාරණය ගැන ඔබ නිහඬව ඉන්නේ ඇයි?
මට සිදුවුණු හැම අසාධාරණයටම සාක්ෂියක් තියෙනවා. මම ඇත්ත රටටම ළඟදි හෙළි කරනවා.

මේ ප්‍රශ්නයනිසා ඇත්තටම ඔභ ඉන්නේ කලකිරීමෙන්ද?
සත්තකින්ම ඔව්. මම ඉන්නෙ වේදනාවෙන්, කලකිරීමකින්. හිතුණොත් රට අතහැරලා යනවා.

ඔබ කොරෝනා එන්නත විදගත්තාද?
නැහැ, මම විදගත්තෙ නැහැ.

ඔබට ආයුර්වේදයෙන් කිසියම් බලපත්‍රයක් ලබාදී තිබෙනවද?
ඔව්. ආයුර්වේද බෙහෙත් නිෂ්පාදනයට 2020 දෙසැම්බර් සිට 2021 දෙසැම්බර් 21 දක්වා බලපත්‍රයක් ලබාදී තබෙනවා. මට කොරෝනාවලට බෙහෙත් හදන්න බලපත්‍රයක් ලබාදී නැහැ.

ප්‍රේමලාල් විජේරත්න – මව්රටනිව්ස්

ඔබේ ප්‍රතිචාරය කුමක්ද ?
පට්ට !
2
11.svg?v=2.6 | Gossip Lanka
අවුල් වගේ !
6
22.svg?v=2.6 | Gossip Lanka
හරි හිනා !
10
3.svg?v=2.6 | Gossip Lanka
හම්මෝ !
0
31.svg?v=2.6 | Gossip Lanka
මාර දුකයි !
15
27.svg?v=2.6 | Gossip Lanka
මලපනිනව !
3
30.svg?v=2.6 | Gossip Lanka
කුජීතයි !
15
48.svg?v=2.6 | Gossip Lanka
Subscribe
Notify of
guest
1 Comment
Oldest
Newest Most Voted
Inline Feedbacks
සියලු ප්‍රතිචාර බලන්න !

දවසේ නවතම පුවත්

සතියේ පලවූ පුවත්

ෆයිසර් හම්බන්තොට යවන්න කියලා රජයෙන් කිවුවාද?

ෆයිසර් එන්නත හම්බන්තොට දිස්ත්‍රික්කයට ලබා දීමට තීරණය කළේය රජය විසින් බවත් එම ලැබුණු උපදෙස්...

සන්තුෂ්ට කොරෝනා… රෝහල්ගත කරයි..

ජනප්‍රිය සංගීත ශිල්පී සංතුෂ් වීරමන් මහතාට කොරෝනා වෛරසය ආසාදනය වී තිබේ. ඔහු මේ වන විට...

මෙරට සිදු වූ භූ චලනයක්

හම්බන්තොට සිට කිලෝමීටර් 160 ක් ගිණිකොණ දෙසින් වන ගැඹුරු මුහුදේ භූ චලනයක් සිදුව තිබේ. භූ...

අද සිට වයින් ස්ටෝර්ස් වලට ලැබෙන අවසරය

වයින් ස්ටෝර්ස් හා බීර වර්ග බෝතල් හා කෑන් ලෙස අලෙවි කරන ස්ථාන අද(17) සිට...

කරාපිටිය රෝහලේ සේවකයාට උණුවතුර ප්‍රහාරයක් -මුහුණ පිළිස්සී රෝහලේ

කරාපිටිය රෝහලේ ආපන ශාලාව තුළදී යුද හමුදා සෙබළකු සහ රෝහල් කම්කරුවකු අතර ඊයේ (14දා)...
1
0
මේ පුවත ගැන ඔබේ ප්‍රතිචාරය කුමක්ද ?x
()
x