කුඩා දරුවන්ට සහ ගර්භණී මව්වරුන්ට විශේෂ දැනුම්දීමක්

මෙරටින් කොරෝනා රෝගීන් වාර්තා වීම ආරම්භ කළ දින සිට එක් දිනයක් තුළ වාර්තාවූ වැඩිම ආසාදිතයන් සංඛ්‍යාව යළිත් අලුත් කරමින් ඊයේ දිනයේදීද ආසාදිතයින් දහස ඉක්මවා වාර්තා වුණා.

ඊයේ මෙරටින් ආසාදිතයින් 1,466 දෙනෙකු හඳුනාගත් අතර, ඒ අනුව මෙරට සමස්ත කොරෝනා රෝගීන් සංඛ්‍යාව එක්ලක්ෂ 4,953 ක් දක්වා ඉහළ ගියා.

ඊයේ වාර්තා වූ නව ආසාදිතයින්ගෙන් 1,419 ක් පෑලියගොඩ කොවිඩ් පොකුරේ ආශ්‍රිතයින් වන අතර බන්ධනාගාර පොකුරේ ආසාදිතයින් තිස් දෙදෙනෙකු සහ විදේශයන් හි සිට පැමිණි 15 දෙනෙකු ද මේ අතර වනවා.

ඒ අනුව ආසාදිතයින් 9,209 දෙනෙකු තවදුරටත් රෝහල්ගතව ප්‍රතිකාර ලබන අතර, සුවය ලැබූ මුළු සංඛ්‍යාව 95,083 ක්.

කොරෝනා මරණ 06 ක් ඊයේ වාර්තා වීමත් මෙරට සමස්ත මරණ සංඛ්‍යාව 661 ක් දක්වා ඉහළ ගියා.

රජයේ ප්‍රවෘත්ති දෙපාර්තමේන්තුව සදහන් කළේ පල්ලේගම පදිංචි 56 හැවිරිදි පිරිමි පුද්ගලයෙකු, වීරපොකුණ ප්‍රදේශයේ පදිංචි 45 හැවිරිදි කාන්තාවක සහ හාලිඇල ප්‍රදේශයේ පදිංචි 72 හැවිරිදි පිරිමි පුද්ගලයෙකු මෙලෙස කොරෝනා ආසාදිතව මියගොස් ඇති බවයි.

එමෙන්ම මාවනැල්ලේ පදිංචි 65 හැවිරිදි කාන්තාවක, නිට්ටඹුව ප්‍රදේශයේ පදිංචි 66 හැවිරිදි පිරිමි පුද්ගලයෙකු සහ 69 හැවිරිදි වත්තල ප්‍රදේශයේ පදිංචි පිරිමි පුද්ගලයෙකු ද කොරෝනා ආසාදිතව මියගියා.

මේ අතර, කොරෝනා පරීක්ෂණ සඳහා මුළු දිවයිනෙන්ම ජෛව පටල සාම්පල හාර දහසක් පමණ ශ්‍රී ජයවර්ධනපුර විශ්වවිද්‍යාලයේ පර්යේෂණාගාරවලට ඊයේ ලැබී තිබෙනවා.

එම සාම්පල සම්බන්ධයෙන් පරීක්ෂණ කටයුතු මේ වනවිටත් ආරම්භ කර ඇති බවයි ශ්‍රී ජයවර්ධනපුර විශ්ව විද්‍යාලයේ අසාත්මිකතා, ප්‍රතිශක්ති විද්‍යා හා සෛල ජෛව විද්‍යා ආයතනයේ අධ්‍යක්ෂ ආචාර්ය චන්දිම ජීවන්දර කියා සිටියේ.

අදාළ සාම්පලවලින් තෝරාගන්නා සාම්පල කොරෝනා වෛරසය විශ්ලේෂණ පරීක්ෂණ සඳහාද යොදා ගන්නා බවයි ඔහු කියා සිටියේ.

එමෙන්ම පවතින කොරෝනා අවදානම් තත්වය හමුවේ හෙද නිලධාරීන් ප්‍රමුඛ රෝහල් කාර්ය මණ්ඩල වල සෞඛ්‍ය ආරක්ෂාව තහවුරු කිරීමට වහා පියවර ගත යුතු බව සමස්ත ලංකා හෙද සංගමය පවසනවා.

එහි ප්‍රධාන ලේකම් එස්.බී මැදිවත්ත කියා සිටියේ හෙද නිලධාරීන්ට ආරක්ෂිත නවාතැන් පහසුකම් සහ ප්‍රවාහන පහසුකම් ලබාදීමට පියවර ගත යුතු බවයි.

කුඩා දරුවන් සහ ගර්භණී මව්වරුන් කොරෝනා ආසාදනය වීම වළක්වා ගැනීමට ප්‍රවේශම්කාරී විය යුතු බව වසංගත රෝග විද්‍යා අංශයේ ප්‍රධාන වසංගත රෝග විද්‍යාඥ විශේෂඥ වෛද්‍ය සුදත් සමරවීර ප්‍රකාශ කළා.

කොරෝනා වෛරසයට එරෙහි කොවිෂීල්ඩ් එන්නතේ දෙවන මාත්‍රාව සෞඛ්‍ය හා හමුදා සාමාජිකයන් වෙත ලබාදීම ඊයේ සිට ආරම්භ කළ අතර ඒ අනුව දිනය තුළ පුද්ගලයන් 3445 දෙනෙකුට එම එන්නත ලබා දී තිබෙනවා.

මේ අතර බස්නාහිර පළාතේ පොලිස් බල ප්‍රදේශ 110 ක ජනතාව මුහුණු ආවරණ පැළඳීම සම්බන්ධයෙන් සිවිල් ඇඳුමින් සැරසුණු පොලිස් නිලධාරීන් සිදුකළ සමීක්ෂණයක් සම්බන්ධයෙන්ද පොලිස් මාධ්‍ය ප්‍රකාශකවරයා අදහස් පළ කළා.

ඔබේ ප්‍රතිචාරය කුමක්ද ?
පට්ට !
0
11.svg?v=2.6
අවුල් වගේ !
2
22.svg?v=2.6
හරි හිනා !
1
3.svg?v=2.6
හම්මෝ !
1
31.svg?v=2.6
මාර දුකයි !
10
27.svg?v=2.6
මලපනිනව !
1
30.svg?v=2.6
කුජීතයි !
1
48.svg?v=2.6

සතියේ පලවූ මෙවැනිම පුවත්

Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්

සතියේ පලවූ තවත් පුවත්

ණය බරින් ගොඩ එන්න සජිත් චීන සහය ඉල්ලයි

ශ්‍රී ලංකාවේ චීන තානාපති චී. ජෙන්හොන් මහතා සහ විපක්ෂ නායක සජිත් ප්‍රේමදාස මහතා අතර...

“අලුත් නම කියන්නේ බ්‍රහස්පතින්දා..” – පෙරළිකාර ෆේස්බුක් වෙනස් වෙන හැටි මෙන්න

ෆේස්බුක් සිය නාමය වෙනස් කිරීමට කටයුතු කිරීම පසුගිය සතියේ ලෝක මාධ්‍යවල ප්‍රමුඛ පුවතක් විය....

කොවිඩ් වෛරසය ලෝකයෙන් ම තුරන් වෙන දිනය ගැන WHO වෙතින් විශේෂ ප්‍රකාශයක්

ලෝක සෞඛ්‍ය සංවිධානය පවසන්නේ කොවිඩ් අවසන් අදියරට ළඟාවීමට තවත් වසරක පමණ කාලසීමාවක් ගත වනු...

පළාත් අතර සංචරණ සීමා ගැන නවතම තීරණය

පළාත් අතර පනවා ඇති සංචරණ සීමා මෙම මස 31 වෙනිදා අලුයම 4.00 සිට ඉවත්...

ඇමරිකාවේ ඉදන් ගයේෂා පෙරේරා උපන් දිනය සැමරූවේ මෙහෙමයි – Photos

විලාසිතා නිසා වගේම කතාබහට ලක් වෙන චරිත නිරූපණය කළ රංගන ශිල්පිනියක් ගයේෂා පෙරේරා කියන්නේ....
0
මේ පුවත ගැන ඔබේ ප්‍රතිචාරය කුමක්ද ?x
()
x