32 C
Colombo
Tuesday, April 20, 2021

කුසල් මෙන්ඩිස්ට පානදුර අධිකරණයෙන් දැඩි අවවාද

අපරික්ෂාකාරි අන්දමින් මෝටර් රථයක් පදවා රිය අනතුරකින් මනුෂ්‍ය ඝාතනයක් සිදු කළැයි කියන සිද්ධියකට අදාළව ශ්‍රී ලංකා ක්‍රිකට් ක්‍රීඩක කුසල් මෙන්ඩිස් සම්බන්ධ මහේස්ත්‍රාත් පරීක්ෂණය ලබන සැප්තැම්බර් මස 29  වනදා තෙක් කල් තබන ලෙස පානදුර අතිරේක මහේස්ත්‍රාත් චන්දන කලංසූරිය නියෝග කර තිබෙනවා.

සැකකරුට තරයේ අවවාද කළ මහේස්ත්‍රාත්වරයා රුපියල් 50,000ක ඇප බැදුම්කරයකට යටත්ව  තාවකාලික රියදුරු බලපත්‍රයක් මුදාහරින ලෙසටයි නියෝග කළේ.

අනතුර සිදුවී වසරකට ආසන්න කාලයක් සැකකරුගේ රියදුරු බලපත්‍රය අධිකරණය භාරයේ ඇති බැව්න් සහ, ජාතික ප්‍රවාහන අධිකාරියේ වෛද්‍ය සභා වාර්තාව අධිකරණයට ලැබී ඇති බැවින් සැකකරුගේ රියදුරු බලපත්‍රය මුදාහරින ලෙස විත්තිය වෙනුවෙන් පෙනී සිටි ජනාධිපති නීතිඥ  කපිල වෛද්‍යරත්න කළ ඉල්ලීමකින් අනතුරුව මහේස්ත්‍රාත්වරයා මෙම නියෝගය ලබාදී තිබෙනවා.

“මේ රටේ මිලියන විස්සක් පමණ ජනතාව ජීවත් වෙනවා. ඔය අවස්ථාව ලැබෙන්නේ එකොළොස් දෙනෙකුට පමණයි. ඒ එකොළොස් දෙනා අතරට එන්නට විශාල පිරිසක් උත්සාහ දරනවා. මොනවා කලත් හෘදසාක්ෂියට බොරු කරන්න බැහැ. මින් ඉදිරියේ දී පරිස්සමෙන් රිය පැදවිය යුතුයි. අනිත් අයගේ කීර්ති නාමයටද කැළලක් නොවන අයුරින් පරිස්සමෙන් සාවධානව කටයුතු කරන ලෙස නියෝග කරනවා.”

බීමත්ව සිටි බවට කරුණු අනාවරණය නොවන බැවින් රුපියල් 50,000ක ඇපයකට යටත්ව තාවකාලික රියදුරු බලපත්‍රයක් මුදාහරින බවයි මහේස්ත්‍රාත්වරයා ප්‍රකාශ කළේ.

සැකකරුගේ රියදුරු බලපත්‍රයේ පිටපතක් සහ රක්ෂණ සහතික පිටපතක් නඩු වාර්තාවට ගොනුකරන ලෙසද අධිකරණය නියෝග කර තිබෙනවා.

උප පොලිස් පරීක්ෂක පාලිත කන්නන්ගර අධිකරණය හමුවේ කියා සිටියේ මරණයට පත් පුද්ගලයාගේ බිරිඳ වෙත නිවසක් ඉදිකර දෙන බවට සැකකරු පොරොන්දු වී තිබෙන බවයි.

ඒ සම්බන්ධයෙන් වූ සාකච්ඡාවට තමන් සහභාගී සහභාගි නොවූ බවත්, යුක්තියේ සාධාරණත්වය අනුව ඒ පිළිබඳ කටයුතු කරන ලෙසත් ජනාධිපති නීතිඥ කපිල වෛද්‍යරත්න අධිකරණයෙන් ඉල්ලා සිටියා.

ඒ සදහා අවශ්‍ය වන්නේ නම්, වසර දෙකක් ගතවීමට ප්‍රථම දිසා අධිකරණයේ නඩුවක් පවරන ලෙසත්, නොමිළයේ නීති ආධාර ලබගැනීමට අවශ්‍ය නම් මෙම අධිකරණ පරිශ්‍රයේම ඇති නීති ආධාර කොමිසම වෙත දැනුම් දී නොමිලේ නීති ආධාර ලබා ගැනීමට ලබාගැනීමට කටයුතු කරන ලෙසත් මහේස්ත්‍රාත්වරයා විත්ති පාර්ශ්වයට උපදෙස් දෙනු ලැබුවා.

ජ්‍යෙෂ්ඨ නියෝජ්‍ය පොලිස්පති ගේ උපදෙස් පරිදි සැකකරුට එරෙහිව චෝදනා පත්‍රයක් ගොනු කරන බව පොලීසිය අධිකරණය හමුවේ ප්‍රකාශ කර තිබෙනවා.

සිද්ධිය සම්බන්ධ මහේස්ත්‍රාත් පරීක්ෂණය අධිකරණය හමුවේ යළි කැඳවූ අවස්ථාවේදී මෙම කරුණු ඉදිරිපත් වුනා.

ඔබේ ප්‍රතිචාරය කුමක්ද ?
පට්ට !
0
අවුල් වගේ !
0
හරි හිනා !
0
හම්මෝ !
0
මාර දුකයි !
0
කුජීතයි !
0
මලපනිනව !
0
Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

තවත් මෙවැනිම පුවත්

අයියා පණගැන්වූ යතුරුපැදියට යට වී පුංචි නැගණිය අවසන් ගමන් යයි

ඊයේ දිනයේ චාවකච්චේරිය චන්ද්‍රපුරම් ප්‍රදේශයේදී කුඩා දරුවෙකු විසින් පණ ගැන්වූ යතුරුපැදියකට යටවී වයස අවුරුදු...

කැලණිය පුද බිම අසලදී 45ක් පමණ වයසැති පුද්ගලයෙකු සියදිවියෙන් සමුගනි

ගසක එල්ලී සියදිවි හානිකර ගත් පුද්ගලයෙකුගේ මළ සිරුරක් කැලණිය රජමහා විහාරස්ථානය අසල එම විහාරයට...

ඩබල් කරගන්න හිතාගෙන බහිරව තට්ටුවේ තැබූ “රුපියල් ලක්ෂ 8ක්” කට්ටඩියෙක් පිහියක් තබා වැලි කළ හැටි

මුදල් දුෂ්කරතාවෙන් පසු වූ ව්‍යාපාරිකයකු තමා සතු රුපියල් ලක්ෂ 08 ක මුදලක් බහිරව තට්ටුවක්...

අනියම් පෙමක් නිසා වැලිගම පාසලක් උණුසුම් කළ විදුහල්පති බිරිය සහ ගුරුවරියගේ ගුටි බැට හුවමාරුව

වැලිගම කොට්ඨාස අධ්‍යාපන කාර්යාල බල ප්‍රදේශයට අයත් බව කියන ග්‍රාමීය ප්‍රදේශයක පිහිටි ශිෂ්‍යත්ව විභාගය...

සිරුරෙන් වෙන් වූ හිස කොටසක් මාතරින් හමුවෙයි (ඡායාරූප)

පිරිමි පුද්ගලයෙකුගේ නරක් වූ හිස කොටසක් අද පස්වරුවේ නිල්වලා ඟඟේ මාතර තොටමුණ ප්‍රදේශයේ පාවෙමින් තිබියදී...

සූර් වූ අයෙක් තියුණු ආයුධයකින් බෙල්ලට අනියි – පහර කෑ පුද්ගලයා මහමග මියයයි

වැලිමඩ නුවරඑළිය මාර්ගයේ සර්වෝදය මංසන්ධිය අසල පිහිටි රට බීම හලක් ඉදිරිපිටදී (15) පුද්ගලයෙකු...

අපගේ නවතම පුවත්

0
මේ පුවත ගැන ඔබේ ප්‍රතිචාරය කුමක්ද ?x
()
x