කොරෝනා නිසා මාරාන්තික විනාසයක්! UN හී නවතම අනතුරු ඇඟවීම

කොරෝනා වසංගත ගෝලීය වසංගතයක් ලෙස ව්‍යාප්ත වීම ආරම්භ වීමත් සමඟ ලෝකයේ ජීවත් වෙන බොහෝ දෙනා දැඩි මානසික පීඩනයකින් ජීවත් වෙමින් සිටින බවට ලෝක සෞඛ්‍ය සංවිධානය විසින් පවසා තිබේ.

මේ හේතුවෙන් ලෝකය පුරාවට ජීවත් වෙන බොහෝ පිරිසක් දරිද්‍රතාවයටත්, විරැකියාවටත් මුහුණ දෙමින් සිටින බවද එම සංවිධානය වැඩිදුරටත් සඳහන් කරලා තිබෙනවා.

මෙවැනි සාධකයන් නිසා දැනටමත් ලෝකයේ බොහෝ දෙනෙකු මත්ද්‍රව්‍ය භාවිතයට දැඩිව ඇබ්බැහි වී ඇති බවයි ඔවුන් සඳහන් කරන්නේ.

එක්සත් ජාතින්ගේ මත්ද්‍රව්‍ය හා අපරාධ පිළිබඳ කාර්යාලය විසින් අනතුරු ඇඟවීමක් නිකුත් කරමින් පවසා තිබුණේ අඩු ආදයම් ලාභි රටවල මෙහි ඉහළම අවදානමට ලක්වීමට ලොකු ඉඩ කඩක් පවතිනවා කියලයි.

එම කාර්යාලය විසින් නිකුත් කරන ලද වාර්තාවක සඳහන් වන්නේ 2030 පමණ වන විට ලෝකයේ මත්ද්‍රව්‍ය භාවිත කරන්නන් ප්‍රමාණය 11%කින් ඉහළ යනු ඇති බවයි. පසුගිය 2020 වසරේ දී ලෝකයේ මත්ද්‍රව්‍ය භාවිත කරන්නන් ප්‍රමාණය මිලියන 275ක් දක්වා ඉහළ ගොස් ඇති බව සඳහන් වෙනවා. 

එම ප්‍රමාණය 2010 වසරේ දී ලෝකයේ මත්ද්‍රව්‍ය භාවිත කරන්නන් ප්‍රමාණය වී තිබුණේ මිලියන 226ක් පමණක් වන අතර පසුගිය දශකයක කාලය තුළ එම ප්‍රමාණය ඉතා ඉහළ අගයකින් වැඩි වීමට පටන්ගෙන තිබුණා. 

පසුගිය වසරේ දී ආරම්භ වුණු කොරෝනා වසංගතය මෙම ඉහළ යෑම තවත් ත්ව්ර කරනු ඇති බවටයි එක්සත් ජාතින්ගේ මත්ද්‍රව්‍ය හා අපරාධ පිළිබඳ කාර්යාලය විසින් අනතුරු අඟවා තිබුණේ.

2020 වසරේ දී මිලියන 119ක්ව සිටි ද්‍රරිද්‍රතාවයෙන් පෙළෙන පිරිස මිලියන 124ක් දක්වා ඉහළ ගොස් තිබෙන අතර බිලියන 1.6කට කොරෝනා නිසා අධ්‍යාපනය ලැබිමට අවකාශයද අහිමිව ගොස් අවසන්.

කොරෝනා වසංගත තත්ත්වය හමුවේ ලෝකයේ ආර්ථිකයට සිදුවූ හානිය හේතුවෙන් ලෝකය පුරාවට විරැකියාවද ඉහළ ගොස් ඇති අතර මෙවන් හේතු රාශියක් හමුවේ පීඩාවට පත් ජනතාව විසින් මත්ද්‍රව්‍ය සිය පිඩනය නැති කර ගැනීමේ විසඳුමක් ලෙස දකිමින් සිටින බව වාර්තා වෙනවා.

“වසංගත කාලය තුළදී වැඩි පිරිසක් දරිද්‍රතාවයට පත්ව තියෙනවා. තවත් විශාල පිරිසකට රැකියා අහිමි වෙලා. බොහෝ සිසුන් පිරිසක් වසර දෙකක් තිස්සේ පාසලෙන් ඈත් වෙලා. දරිද්‍රතාවය සහ විරැකියාව මත්ද්‍රව්‍ය භාවිතා කරන්නන්ට අවදානම් සාධක බව අපි හොඳින්ම දන්නවා.” යැයි එක්සත් ජාතින්ගේ මත්ද්‍රව්‍ය හා අපරාධ පිළිබඳ කාර්යාලයේ පර්යේෂණ ප්‍රධානී ඇන්ජෙලා මී විසින් විදෙස් මාධ්‍ය හමුවේ සඳහන් කර තිබුණා.

කොරෝනා වසංගතයේ පළමු අදියරේදී ලෝකයේ බොහෝ ප්‍රදේශවල  මත්ද්‍රව්‍ය සහ එවැනි ඖෂධ අලෙවි කරන වෙළඳපොල තාවකාලිකව කඩාකප්පල් වී තිබුණද ඒවා ඉක්මනින් යථා තත්ත්වයට පත්ව ඇති බවටත් එම කාර්යාලය නිකුත් කළ වාර්තාවේ සඳහන් වෙලා තියෙනවා

ඔබේ ප්‍රතිචාරය කුමක්ද ?
පට්ට !
1
11.svg?v=2.6
අවුල් වගේ !
0
22.svg?v=2.6
හරි හිනා !
1
3.svg?v=2.6
හම්මෝ !
0
31.svg?v=2.6
මාර දුකයි !
11
27.svg?v=2.6
මලපනිනව !
0
30.svg?v=2.6
කුජීතයි !
2
48.svg?v=2.6

සතියේ පලවූ මෙවැනිම පුවත්

Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්

සතියේ පලවූ තවත් පුවත්

විදෙස් ධීවර යාත්‍රා දෙකක් නාවික හමුදා භාරයට

ඉන්දීය ධීවර යාත්‍රා දෙකක් ශ්‍රී ලංකා නාවික හමුදා භාරයට ගෙන තිබෙනවා. පේදුරු තුඩුවට නැගෙනහිර මුහුදේදී...

ඉදිරියේදී ඔන්ලයින් ගේම් ගහන්නත් බැරි වෙන ලකුණු

මාර්ගගත පරිගණක ක්‍රීඩා ව්‍යවසනයෙන් දරුවන් බේරාගැනීම සඳහා වහා මැදිහත් වන ලෙස ඉල්ලමින් "ලක්මව දියණියෝ"...

කාලගුණ අනාවැකි

සබරගමුවසහ මධ්‍යම පළාත්වල විටින් විට වැසි ඇතිවේ. බස්නාහිර සහ වයඹ පළාත්වලත් ගාල්ල සහ මාතර දිස්ත්‍රික්කවලත්...

විසිහය හැවිරිදි ශ්‍රී ලාංකීය වෛද්‍යවරිය තිරුෂිකා එංගලන්ත මුහුදේ ගිලී මියයයි

ශ‍්‍රී ලංකාවේ ඉපදුනු තරුණ වෛද්‍යවරියක වූ විසිහය හැවිරිදි තිරුෂිකා සත්‍යලිංගම් මෙනෙවිය එංගලන්තයේ කෙන්ට් ප‍්‍රාන්තයේ...

ජෝතීර්වේදීයෙකු පවුලක් විනාශ කල හැටි

එක්තරා පියෙකු විසින් තම බිරිදට ඔවුන්ගේ කුලුදුල් දරුවා බිහිවන්නට ඉඳිද්දි නක්ශාස්ත්‍ර කරුවෙකුගෙන් නිමිත්තක් බලල...
0
මේ පුවත ගැන ඔබේ ප්‍රතිචාරය කුමක්ද ?x
()
x