කොරෝනා වෛරස් ව්‍යාප්තියේ තවත් අතුරු ඵලයක් මෙන්න

කොරෝනා වසංගතය හේතුවෙන් මන්දපෝෂණයෙන් පෙළෙන ජනගහණය තවදුරටත් ඉහළ යා හැකි බවට ඇස්තමේන්තු කර තිබෙනවා.

වසංගත තත්වයට පෙර ලෝක ජනගහණයෙන් සියයට 8.9 ක් එනම් මිලියන 690 ක් පමණ මන්දපෝෂණයෙන් පෙලුනු අතර, එය තවත් මිලියන 83 ත් 132 ත් අතර අගයකින් ඉහළ යා හැකි බවටයි ආහාර හා කෘෂිකර්ම සංවිධානයේ මූලික ඇස්තමේන්තු මගින් පෙන්වා දී ඇත්තේ.

2019 ගෝලීය ආහාර සුරක්ෂිතතා දර්ශකයට අනුව රටවල් 113ක් අතරින් ශ්‍රී ලංකාව පසුවන්නේ 66 වන ස්ථානයේයි.

ශ්‍රී ලංකා මහ බැංකු වාර්තා පෙන්වා දෙන්නේ ළමා මන්ද පෝෂණය ශ්‍රී ලංකාවේ දීර්ඝකාලීනව පවතින ගැටළුවක් බවයි.

වසංගත කාල පරිච්ඡේදය තුළදී ආහාර නිෂ්පාදනය අඛන්ඩව සිදුකිරීම හා බෙදාහැරීම සඳහා ක්‍රියාමාර්ග ගනු ලැබුවද ගෝලීය හා දේශීය වශයෙන් ක්‍රියාත්මක වූ ආර්ථික හා සමාජ කටයුතු සීමාකිරීම් හා සංචරණ සීමා පැනවීම් හේතුවෙන් ආහාර සුරක්ෂිතතාවට බලපෑම් එල්ලවී තිබෙනවා.

එමෙන්ම වෛරසයේ ව්‍යාප්තියත් සමඟ ආහාර සඳහා ඇති ඉල්ලුම කෙරෙහි රෝග ව්‍යාප්ති මාර්ග පිළිබඳව ජනතාව තුළ ඇතිවූ ආකල්පවල ප්‍රතිඵලයක් ලෙස ප්‍රධාන ප්‍රෝටීන් මූලාශ්‍ර ආහාර වන මස් සහ මාළු සඳහා පැවති ඉල්ලුම පසුගිය වසර තුළ පහළ ගිය බවයි ශ්‍රී ලංකා මහ බැංකුව පෙන්වා දෙන්නේ.

වසංගත තත්වය මධ්‍යයේ ආහාර සුරක්ෂිතතාව සහතික කිරීම සඳහා ලක් රජය ප්‍රතිපත්තිමය තීරණ රැසක් ගනු ලැබුවා.

ආහාර අවශ්‍යතා යම් ප්‍රමාණයකට සපුරා ගැනීමට එතුළින් සහය සැලසුන බවයි ශ්‍රී ලංකා මහ බැංකුව සඳහන් කළේ.

කෙසේ වෙතත් ප්‍රධාන ආහාර ද්‍රව්‍ය කිහිපයක් සඳහා ශ්‍රී ලංකාව තවමත් අපනයනය මත යැපෙන බැවින් රටේ ආහාර සුරක්ෂිතතාවට ඇති අවදානම වළක්වා ගැනීම සඳහා කලාපීය වශයෙන් මෙන්ම රට තුළ ආහාර වෙළඳාමට පහසුකම් සැළසීම ඉතා වැදගත් බව මහ බැංකුව පෙන්වා දෙනවා.

එමෙන්ම ගෝලීයව මුහුණ පා ඇති වසංගත තත්වය හමුවේ ආහාර හිඟයන් ඇතිවිය හැකි බවට අනාවැකි පළවන පසුබිමක් තුළ වන අලින්, වඳුරන්, මොණරුන් සහ වල් ඌරන් වැනි වන සතුන් හේතුවෙන් සැළකිය යුතු භෝග හානියක් මෙරට තුළ සිදුවන අතර, එමඟින් දේශීය ආහාර සුරක්ෂිතතාවට තර්ජනයක් ඇති කරන බවයි ශ්‍රී ලංකා මහ බැංකුව නිකුත් කළ නවතම වාර්තාවල දැක්වෙන්නේ.

ඔබේ ප්‍රතිචාරය කුමක්ද ?
පට්ට !
0
11.svg?v=2.6
අවුල් වගේ !
0
22.svg?v=2.6
හරි හිනා !
1
3.svg?v=2.6
හම්මෝ !
3
31.svg?v=2.6
මාර දුකයි !
13
27.svg?v=2.6
මලපනිනව !
2
30.svg?v=2.6
කුජීතයි !
3
48.svg?v=2.6

සතියේ පලවූ මෙවැනිම පුවත්

Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්

සතියේ පලවූ තවත් පුවත්

‘ස්ටාලින් කිව්වෙ ඇත්ත! මම හරකෙක් නෙමෙයි!’ – එස්.බී. යළි කට අරී!

තමන්ගේ අදහස් ප්‍රකාශ කිරීමට අයිතියක් තිබිය යුතු බවත්, එසේ නොමැති නම් තමන් හරකෙක් බවත්...

නෙදර්ලන්තයේ රූ රැජිනිගේ ඔටුන්න ප්‍රසිද්ධියේ ගැලවෙයි..

නෙදර්ලන්තයේ රූ රැජිනිය ලෙස කිරුළු පැලැඳි 21 හැවිරිදි ඩිලේ විලෙම්ස්ටෙයින් සිය COVID-19 එන්නත් මාත්‍රාව...

නව සෞඛ්‍ය මාර්ගෝපදේශ මාලාව නිකුත් කෙරේ

කොවිඩ් වසංගත තත්ත්වය හමුවේ පනවා ඇති සෞඛ්‍ය මාර්ගෝපදේශ යාවත්කාලින කරමින් සෞඛ්‍ය සේවා අධ්‍යක්ෂක ජනරාල්...

විදුලි බිලත් වැඩි වෙයිද ? හේතුව මෙන්න

ලෝක වෙළදපොළේ ගල් අගුරු මිල ශීඝ්‍රයෙන් ඉහළ යාම හේතුවෙන් විදුලි නිෂ්පාදන පිරිවැය ඉහළ යාමේ...

මුදල් ඇමතිට ජනපති කියූ දේ

අත්‍යවශ්‍ය භාණ්ඩවල මිල ගණන් ඉහළ යාම හේතුවෙන් දැඩි පීඩනයක් රජයට ද එල්ල වෙමින් පවතින...
0
මේ පුවත ගැන ඔබේ ප්‍රතිචාරය කුමක්ද ?x
()
x