කොවිඩ් ආසාදිතයෙක් දින 4ක් තිස්සේ නිවසේ – එහි සිටි දැරියක් හදිසියේ සිහිසුන්ව ඇද වැටේ

කොවිඩ් ආසාදිතයෙකු ලෙස හඳුනාගත් පුද්ගලයෙකු රැඳී සිටින නිවසක සිටි 16 හැවිරිදි දැරියක් හදිසියේ රෝගී වී ඇද වැටීමත් සමග රෝහල්ගත කර ඇති සිද්ධියක් කළුතර ප්‍රදේශයෙන් වාර්තා විය.

ඒ, අද (08) උදෑසන හුදකලා කරන ලද කළුතර දකුණ පොලිස් බලප්‍රදේශයේ නාගොඩ දකුණ ග්‍රාම නිලධාරී වසමේ විජිත මාවත ප්‍රදේශයේදීය.

අදාළ හුදකලා කරන ලද ප්‍රදේශයේ රාජකාරී කළ පොලිස් නිලධාරීන්ගේ සහාය ඇතිව එම දැරියව රෝහල්ගත කිරීමට හැකිවී තිබුණි.

එම අවස්ථාවේ ගිලන් රථයක් පවා සොයා ගැනීමට අපහසු වී ඇති බැවින් නිවසේ තිබූ ත්‍රීරෝද රථයෙන් දැරියව රෝහලට රැගෙන යෑමට කටයුතු කර තිබූ බව ‘අද දෙරණ’ වාර්තාකරු පැවසීය.

ප්‍රදේශය භාර මහජන සෞඛ්‍ය පරීක්ෂකවරයාගෙන් කළ විමසීමකදී ඔහු සඳහන් කළේ අදාළ ආසාදිත පුද්ගලයා දැනට දින 4ක සිට නිවසේ වෙන්ව රඳවා ඇති බවය.

ප්‍රවාහන පහසුකම් සපයා ගැනීමට ඇති ගැටලුව නිසා ඔහුව තවමත් නිවසේ රඳවා ඇති බවද එහිදී වැඩිදුරටත් අනාවරණය විය.

ඔබේ ප්‍රතිචාරය කුමක්ද ?
පට්ට !
0
අවුල් වගේ !
0
හරි හිනා !
0
හම්මෝ !
3
මාර දුකයි !
12
මලපනිනව !
2
කුජීතයි !
0

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්