කොවිඩ් වාට්ටු පිරී යයි- ඉඩ නෑ කියා රෝගීන් ගෙදර යයි

කළුතර දිස්ත්‍රික් රෝහලේ කොවිඩ් ප්‍රතිකාර වාට්ටුවේ ප්‍රතිකාර ලබමින් සිටි රෝගීන් පස්දෙනෙක් එහි පහසුකම් නොමැති බව පවසමින් නිවෙස් වෙත පිටව ගොස් ඇති බව වාර්තා වේ.

ඔවුන් සිය ඥාතීන් සමඟ එලෙස පිටව ගොස් ඇති අතර එලෙස පිටව ගොස් ඇති බහුතරයක් කාන්තාවන් බව වාර්තා වේ.

ඔවුන්ව නිත්‍යානූකූලව රෝහලෙන් පිටත් කර හැරීමක් සිදුව නොමැති බවත් දකුණු කළුතර පොලීසිය පැවසීය.

කෙසේ වෙතත් මේ වන විට ඔවුන් සිය නිවෙස් තුළ ම සිටින බව ද පොලීසිය වැඩිදුරටත් සඳහන් කරයි.

මේ අතර කොවිඞ් 19 පැතිරීම වැළැක්වීමේ ජාතික කි‍්‍රයාන්විත මධ්‍යස්ථානයේ ප‍්‍රධානී සහ ආරක්ෂක මාණ්ඩලික ප‍්‍රධානි යුද හමුදාපති ජෙනරාල් ශවේන්ද්‍ර සිල්වා මහතා පවසන්නේ රෝගී ලක්ෂණ පෙන්නුම් නොකරන කොරෝනා ආසාදිතයන් නිවෙස්වල රැඳවීමේ ක‍්‍රමවේදය අද උදෑසන සිට කළුතර දිස්ති‍්‍රක්කයෙන් ආරම්භ කළ බවයි.

පෙරහුරුවක් ලෙසින් කඵතර දිස්ති‍්‍රක්කයෙන් අද උදෑසන සිට ආරම්භ කළ මෙම ක‍්‍රමවේදය දින තුනකට පසු සමාලෝචනය කර බස්නාහිර පළාතේ අනෙකුත් දිස්ති‍්‍රක්ක දෙක වන කොළඹ සහ ගම්පහ යන දිස්ති‍්‍රක්ක සදහා ද කි‍්‍රයාත්මක කිරීමට බලාපොරොත්තු වන බව යුද හමුදාපතිවරයා සඳහන් කරයි.

මෙම ක‍්‍රමවේදයට අනුව රෝග ලක්ෂණ පෙන්නුම් කරන අය සහ වයස අවුරුදු 60කට වැඩි අය රෝහල් වෙත යැවීම සිදුකරන අතර, සුළුරෝගී ලක්ෂණ පෙන්නුම් කරන අයවලූන් අතරමැදි ප‍්‍රතිකාර මධ්‍යස්ථානවලට යොමු කිරීමටත් කි‍්‍රයා කරන බව ද ඔහු කීවේය

ඔබේ ප්‍රතිචාරය කුමක්ද ?
පට්ට !
0
අවුල් වගේ !
1
හරි හිනා !
0
හම්මෝ !
0
මාර දුකයි !
0
මලපනිනව !
0
කුජීතයි !
0

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්