කොවිඩ් සෑදුණු මහියංගණ සභාපති හඬා වැටෙයි

කොවිඩ් 19 ආසාදිත බවට ඊයේ (15) දින හඳුණා ගත් මහියංගණ ප්‍රාදේශීය සභාවේ සභාපති කරූ වීරරත්න සංවේදී වෙමින් හඬා වැටුණා.

සභාපතිවරයා කොවිඩ් 19 ආසාදිත බවට අනාවරණය වූයේ දින කිහිපයකට පෙර ලබා ගත් ඔහුගේ ජෛව සාම්පලවලට අදාළ PCR වාර්තාව ලැබීමත් සමගයි.

සභාපතිවරයා මෙන්ම ඔහුගේ රියදුරා ද ආසාදිතයෙකු බව මෙහි දී හඳුණා ගනු ලැබුවා.

මේ අතර පසුගිය (07) වැනි දා ලබාගත් තමාගේ ජෛව සාම්පලවලට අදාළ PCR වාර්තාව පැමිණීමට දින 08ක් පමණ ගත වීම පිළිබඳව කරූ වීරරත්න සභාපතිවරයා සිය දැඩි කණගාටුව පළ කළා.

ඒ අතරතුර කාලය තුළ තමන්ට ඉතාමත් දරුණූ සංකූලතා මතුවූ බවත්, එම දින කිහිපයේ දී තමා මියයන්නට පවා ඉඩ තිබූ බවත් ඔහු පවසනවා.

සිය දිවියෙහි පළමු වරට මරණ බිය දැණුනු බව සඳහන් කරන සභාපතිවරයා පෙන්වා දෙන්නේ PCR වාර්තා දින ගණනාවක් ප්‍රමාද වීම හරහා කොවිඩ් 19 ආසාදනය වී රෝගී තත්ත්ව උත්සන්න වී සිටින අවස්ථාවේ දී රෝගීන්ට නිවසේ සිටීමට සිදුව ඇති බවයි.

තමන් සභාපතිවරයා වීම හේතුවෙන් සහ සිය පවුලෙහි ආර්ථික පසුබිම මත කෑම බීම ආදිය නොඅඩුව තමන් හට ලැබුණු බවත්, මිතුරු වෛද්‍යවරුන්ගෙන් වෛද්‍ය උපදෙස් ආදිය ද ලැබුණු බවත් පවසන සභාපතිවරයා ප්‍රශ්ණ කරන්නේ මෙම රෝගය ගම්මානවල සිටින අසරණ ජනතාව වෙත වැළඳුණු විට ඔවුන්ට කෑම බීම ආදිය ලැබෙන්නේ ද යනුවෙන්.

තමා ඇසුරු කළ පුද්ගලයින් පිළිබඳව අදාළ බලධාරීන් තමන්ගෙන් විමසා සිටියේ, ජෛව සාම්පල ලබා ගත් මොහොතින් දින 08 කට පසු තමා ආසාදිත බවට හඳුණාගැනීමෙන් අනතුරුව බවයි ඔහු පවසන්නේ.

සාම්පල ලබා ගැනීමට පෙර එනම් දින 10කට පමණ පෙර ඇසුරු කළ පුද්ගලයින් පිළිබඳව හරි හැටි පැවසීමට මතකයක් නොමැති බවත්, මහියංගණ ජනතාවගෙන් විශාල ප්‍රමාණයක් එම කාලයේ දී තමන්ව මුණ ගැසීමට පැමිණි බවත් ඔහු පෙන්වා දෙනවා.

ඒ අනුව තම ආශ්‍රිතයින් බොහෝ පිරිසක් මහියංගණය ප්‍රදේශයේ වාසය කරනු ඇති බවට ඔහු සැක පළ කරනවා.

මෙවන් තත්ත්වයක් තුළ දෛනිකව හමුවන රෝගීන් ප්‍රමාණය ලෙස නිවේදනය කරන සංඛ්‍යාවලට වඩා පිරිසක් සමාජය තුළ සිටිනු ඇති බව ද ඔහු සඳහන් කරනවා.

PCR පරීක්ෂණ සඳහා සාම්පල ලබා ගත් දිනයේ සිට නිසි සෞඛ්‍ය උපදෙස්වලට අනුකූලව තමා නිවසෙන් බැහැර නොයා කටයුතු කළ නමුත් එලෙස කටයුතු නොකරන පුද්ගලයින් ද සිටින බව ඔහු සිහිපත් කළා.

නිවසේ නිරෝදායනය වෙමින් සිටි තමන් හට හුස්ම ගැනීමේ අපහසුතා දැඩි ලෙස දැණුනු බවත් තමාව රෝහල්ගත කිරීම සිදු කළ යුතුව තිබුණේ මීට පෙර බවත්, එවැනි අසරණ අවස්ථාවකට පත් වූ විට මිල මුදල් හෝ තනතුරු හෝ වෙනත් කිසිම දෙයකින් ඵලක් නොමැති බවත් ඔහු ප්‍රකාශ කර සිටියා.

මරණ බය දැණුනු විට කෙනෙකු දැඩි ලෙස අසරණ වන බව කියමින් සභාපතිවරයා සංවේදී වෙමින් හඬා වැටෙන්නට ද වූවා.

ඔබේ ප්‍රතිචාරය කුමක්ද ?
පට්ට !
7
11.svg?v=2.6
අවුල් වගේ !
7
22.svg?v=2.6
හරි හිනා !
6
3.svg?v=2.6
හම්මෝ !
14
31.svg?v=2.6
මාර දුකයි !
91
27.svg?v=2.6
මලපනිනව !
10
30.svg?v=2.6
කුජීතයි !
12
48.svg?v=2.6

සතියේ පලවූ මෙවැනිම පුවත්

Subscribe
Notify of
guest
1 Comment
Oldest
Newest Most Voted
Inline Feedbacks
සියලු ප්‍රතිචාර බලන්න !

අපගේ නවතම පුවත්

සතියේ පලවූ තවත් පුවත්

කොවිඩ් මරණ 21ක්

තවත් කොවිඩ් මරණ 21ක් සෞඛ්‍ය සේවා අධ්‍යක්ෂ ජනරාල්වරයා විසින් තහවුරු කර තිබේ. ඊයේ (13) දින...

අද කොවිඩ් එන්නත ලබාදෙන ස්ථාන

කොවිඩ්-19 වෛරසය මර්දනය කිරීම සදහා රජය විසින් ගෙන යන එන්නත්කරණය කිරීමේ වැඩසටහනට අනුව අද...

විදෙස් ධීවර යාත්‍රා දෙකක් නාවික හමුදා භාරයට

ඉන්දීය ධීවර යාත්‍රා දෙකක් ශ්‍රී ලංකා නාවික හමුදා භාරයට ගෙන තිබෙනවා. පේදුරු තුඩුවට නැගෙනහිර මුහුදේදී...

තවත් කොරෝනා මරණ 12ක්

තවත් කොරෝනා මරණ 12ක් සෞඛ්‍ය සේවා අධ්‍යක්ෂ ජනරාල්වරයා විසින් තහවුරු කර තිබෙනවා. ඊයේ (16) දින...

ලොව උසම කාන්තාව ගීනස් ලෝක වාර්තාව පිහිටුවමින් ලෝකයට කී දේ

ජීවතුන් අතර සිටින උසම කාන්තාව ලෙස නව ගීනස් ලෝක වාර්තාවක් පිහිටුවීමට අඩි හතකුත් අඟලක්...
1
0
මේ පුවත ගැන ඔබේ ප්‍රතිචාරය කුමක්ද ?x
()
x