Central Bank Central Bank

ගම්මුන්ට ගුටි දුන් පොලිසියේ 09 දෙනාට අත්වූ ඉරණම

පන්නිල ප්‍රදේශයේ ඇලකට දියනෑමට ගොස් ප්‍රදේශවාසීන් සමඟ ගැටුමක් ඇතිකරගෙන ඔවුන්ට පහරදී තුවාල සිදුකළැයි ඇහැලියගොඩ පොලිසිය අත්අඩංගුවට ගත් මීගමුව කොට්ඨාස අපරාධ විමර්ශන ඒකකයේ ස්ථානාධිපති ප්‍රධාන පොලිස් පරීක්ෂකවරයා ඇතුළු එම අංශයේ පොලිස් නිලධාරීන් නව දෙනෙකු හදුනාගැනීමේ පෙරට්ටුවක් සදහා ලබන 27 වැනිදා තෙක් රක්ෂිත බන්ධනාගාර ගත කරන ලෙස අවිස්සාවේල්ල මහේස්ත්‍රාත් අධිකරණය නියෝග කර ඇති බව වාර්තා වෙනවා.

මෙලෙස රක්ෂිත බන්ධනාගාර ගත කරනු ලැබ තිබුණේ මීගමුව කොට්ඨාස අපරාධ විමර්ශන ඒකකයේ ස්ථානාධිපති ප්‍රධාන පොලිස් පරීක්ෂකවරයා, එම කොට්ඨාසයේ සේවය නියුතු උප පොලිස් පරීක්ෂකවරයකු, පොලිස් සැරයන්වරුන් දෙදෙනකු සහ පොලිස් කොස්තාපල්වරුන් පස් දෙනෙකි.

සිද්ධියට අදාළ පැමිණීලිකරුවන්ට සැකකාර පොලිස් නිලධාරීන් හදුනාගැනීමට හැකියාව ඇතැයි සදහන් කර ඇති බැවින් ඔවුන් හදුනාගැනීමේ පෙරට්ටුවක් සදහා ඉදිරිපත් කරන ලෙසට ඇහැලියගොඩ පොලිසිය අධිකරණයෙන් කළ ඉල්ලීමක් සැලකිල්ලට ගත් මහේස්ත්‍රාත්වරයා සැකකරුවන් එලෙස රක්ෂිත බන්ධනාගාර ගත කළේ.

සිද්ධියට අදාළව සැකකරුවන් පෙරේදා (15) නිතීඥවරුන් මාර්ගයෙන් පොලීසියට භාරවීමෙන් පසු ඇහැලියගොඩ පොලීසිය ඔවුන් අධිකරණයට ඉදිරිපත් කළ අවස්ථාවේදී මහේස්ත්‍රාත්වරයා මෙම නියෝගය නිකුත් කළේ.

මෙම සැකකාර පොලිස් නිලධාරීන් නව දෙනා ඉකුත් 14 වැනිදා ඇහැලියගොඩ පන්නිල ප්‍රදේශයේ අවමංගල්‍ය උත්සවයකට සහභාගී වී ඇති බවත් එහිදී පන්නිල ප්‍රදේශයේ ඇළකට දිය නෑමට ගොස් සිටි අවස්ථාවේදී මෙම සිද්ධිය ඇති වී ඇති බවත් ඇහැලියගොඩ පොලීසිය අධිකරණයට කරුණු වාර්තා කර ඇත.

සැකකාර පොලිස් නිලධාරීන් ඇළට බැස දිය නෑමට ගොස් සිටියදී එහි දියනාමින් සිටි ප්‍රදේශවාසීන් කිහිප දෙනෙකු හා ඇතිකරගත් බහින්බස්වීමක් දුරදිග යෑම හේතුවෙන් මෙම ගැටුම ඇතිවී ඇති බවත්, එහිදී සැකකරුවන් ප්‍රදේශවාසීන් කිහිප දෙනකුට පහරදී තුවාල සිදුකර ඇති බවත් ඇහැලියගොඩ පොලීසිය අධිකරණයට කරුණු ඉදිරිපත් කර තිබෙනවා.

මෙම සැකකරුවන් අයුතු ජනරාශියක සාමාජිකයන් වෙමින් මෙම පහරදීම් සිදුකර ලංකා දණ්ඩ නිති සංග්‍රයේ 140, 314, 316 වගන්ති ප්‍රකාරව වරදක් සිදුකර ඇතැයි ඇහැලියගොඩ පොලීසිය සැකකරුවන් අධිකරණයට ඉදිරිපත් කරමින් සදහන් කළේ.

ඉදිරිපත් වූ කරුණු සැලකිල්ලට ගත් මහේස්ත්‍රාත්වරයා සැකකරුවන් ආවරණ සහිතව ලබන 27 වැනිදා හදුනාගැනීමේ පෙරට්ටුවක් සදහා ඉදිරිපත් කරන තෙක් රක්ෂිත බන්ධනාගාර ගත කිරීමට නියෝග කරමින් එදින තෙක් නඩුව කල් තැබුවා.

ඔබේ ප්‍රතිචාරය කුමක්ද ?
පට්ට !
5
අවුල් වගේ !
0
හරි හිනා !
2
හම්මෝ !
0
මාර දුකයි !
0
මලපනිනව !
1
කුජීතයි !
1

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්