25 C
Colombo
Tuesday, April 13, 2021

ගැලවුණු ඔටුන්න ගැන පුෂ්පිකා මුහුණු පොතේ සටහන් කර තිබු සටහන මෙන්න

ලෝක විවාහක රූ රැජිණ තරඟාවලිය වෙනුවෙන් ඊයේ දිනයේදී පවත්වනු ලැබූ ශ්‍රී ලංකා විවාහක රූ රැජිණ තේරීමේ අවසන් තරඟය උණුසුම් මුහුණුවරක් ගනු ලැබූ බවට මේ වනවිට සමාජ මාධ්‍ය බොහොමයක් හරහා තොරතුරු හුවමාරු වෙනවා .

එහිදී පළමු දෙවන තෙවැන ස්ථාන සඳහා වූ ජයග්‍රහණයන් වෙනුවෙන් ශිරන්ති රජපක්ෂ මැතිනිය විසින් කිරුළු පලන්දනු ලැබුවා . ශ්‍රී ලංකා විවාහක රූ රැජිණ මෙන්ම ලෝක විවාහක රූ රැජිණ ද වන කැරොලින් ජූරි හදිසියේම වේදිකාවට පැමිණ පැවසුවේ තරඟ නීති රීති වලට අනුව කිරුළ හිමිවිය යුත්තේ විවාහක අයෙකුට මිසක් විවාහයෙන් දික්කසාදව සිටින අයෙකුට නොවන බවයි.

ඒ හේතුවෙන් පළමු වන ස්ථානයට හිමි කිරුළ පැළඳි නිරූපන ශිල්පිනී පුෂ්පිකා ද සිල්වාගේ හිස පැළඳි කිරුල වේදිකාව මතම බලහත්කාරයෙන් මෙන් කැරොලයින් විසින් ඉවත් කරන අයුරු දැක්වෙන වීඩියෝවක් සමාජ මාධ්‍ය තුල සංසරණය වනවා . අනතුරුව අනුශූරතාවය දිනා ගත් තරඟකාරියට කිරුළ ලබා දෙනු ලබන්නේද කැරොලයින් විසිනි . ඉන් අපහසුතාවයට පත් පුෂ්පිකා වේදිකාවෙන් ඉවත්ව යනු ලබනවා .

ඇය මේ වන විට පොලිසියට පැමිණිල්ලක් ද දමා ඇත. මේ සම්බන්දව ඇය තම මුහුණු පොතේද සටහනක් තබා තිබුණේ මෙලෙසයි.

Capture | Gossip Lanka

ආයුබෝවන්!

මා හිතවත්, ආදරණීය, ගෞරවණීය, බුද්ධිමත් ශ්‍රී ලාංකික සහ ලෝකවාසී ජනතාවනි,

සිදුවූ අනපේක්ෂිත සිදුවීම සම්බන්ධයෙන් ඔබ මගේ ප්‍රතිචාරය අපේක්ෂා කරන බව මම දැනටමත් දනිමි. කියන්නට බොහෝ දේ තිබුනත්, අත්‍යවශ්‍ය කාරණා පමණක් මෙහි සටහන් කරමි.

පළමුව, 2020 වර්ෂයේ විවාහක රූ රැජිණ කිරුල ජයග්‍රහණය කිරීම සඳහා මා තෝරාගත් විනිශ්චය මණ්ඩලයට මගේ ගෞරවය සහ ස්තුතිය පුද කරමි.

දෙවනුව, මා සිතන ආකාරයට ලංකාවේ නොව ලෝකයේ ම රූ රැජිණ ඉතිහාසයේ පලවෙනි වරට එසේ අපහාසාත්මක ලෙස, සියල්ලන් ඉදිරියේ මගේ කිරුල උදුරා ගනු ලැබුවත්, මේ ලියන මොහොතේ ත් මම මගේ හිස කෙලින් තබාගෙන, පෙර සේ ම අභිමානයෙන් ආඩම්බරයෙන් සිටින බව කියමි. මම, මම ම වන අතර, මට මෙය තවත් එක සිදුවීමක් පමණි.

ලෝක විවාහක රූ රැජිණ, එසේ මගේ හිසින් මගේ කිරුල උදුරා ගනිද්දී මගේ හිස් කබලට සිදු වූ තුවාල වල වේදනාව, කිරුල අහිමි වෙද්දී සිතට දැනුන වේදනාව යන දෙකටම වඩා, “.. අම්මිගෙ ඔලුව තුවාල වෙලා නේද..? රිදෙනවද අම්මි?” යැයි මගේ කුඩා පුතු අසන විට දැනෙන වේදනාව මට දරාගත නොහැකි ය.

එහෙත්, මෙය තනි ගැහැණියක් වූ මා වෙනුවෙන් මුලු ලෝකයක ගැහැණුන් මෙන්ම පිරිමින් ද, පක්ෂ පාට ජාති ආගම් කුල මල භේද පසෙක ලා හඬ අවදි කරන ඓතිහාසික මොහොතකි. ඔබ සියලු දෙනාගේ මේ ආදරය මට යෝධ ශක්තියක් වන බව කියමි.

අනික් අතට මම දික්කසාද ගැහැණියක් නො වෙමි. මේ ලියන මොහොතේ ත් මා දික්කසාද ගැහැණියක් නොවන බව ඉතා වගකීමෙන් කියමි. මම දික්කසාද නම්, මගේ දික්කසාද ලියවිලි ඉදිරිපත් කරන ලෙස මම ඔවුන්ට අභියෝග කරමි. මම මගේ දරුවා සමග සිටින බව මම ලෝකයෙන් සඟවා නැත. එ සේ සිටින්නට මට පෞද්ගලික හේතු ද ඇත. නමුත්, වෙන් ව සිටීම එකකි. දික්කසාදය යනු වෙනම එකකි. මම තවම දික්කසාද නො වූ තැනැත්තියක් වෙමි.

මේ තරඟාවලියේ ආරම්භයේදී ම මා ඊට නුසුදුසු නම් මා එයින් ඉවත් කරන්නට ඔවුන්ට ඉඩ තිබුණි. අවශේෂ තරඟ ඉසව් එකින් එක පසුකර මා මෙතෙක් දුර එනතෙක් ඔවුන් සිටියේ නින්දේ නො වේ.

මම 2011 ශ්‍රී ලාංකික රූ රැජිණ වූයෙමි. ඉන් දස වසරකට පසු ඊයේ රාත්‍රී විනිශ්චය මණ්ඩලයේ තීරණයෙන් විවාහක රූ රැජිණ කිරුල පැලඳුවෙමි. ඒ මොහොතේ ම මම ලංකාවේත් ලෝකයේ ත් සිටින ඔබ සියලු දෙනාගේ හදවතේ විවාහක රූ රැජිණ බවට පත් වූයෙමි.

ඉදින්, සංකේතාත්මක ඒ කිරුල මගේ හිසෙන් උදුරා ගත්ත ද, මම ඒ සිදුවූ අසාධාරණය සහ අපහාසය වෙනුවෙන් අවශ්‍ය නීතිමය ක්‍රියාමාර්ග වෙත දැනටමත් අවතීර්ණ වී ඇති බව, ඔබට දැනුම් දෙමි.

“අවසාන වශයෙන්, සැබෑ රැජිණක් යනු, අනෙක් ගැහැණියගේ කිරුල උදුරාගන්නා ගැහැණියක් නො ව, අනෙක් ගැහැණිය ගේ ඔටුන්න රහසේ සකසන ගැහැණියක් බව කියමි”!!!

පුෂ්පිකා ද සිල්වා

– කිරුල උදුරාගන්නා ලද පලමු ශ්‍රී ලාංකික විවාහක රූ රැජිණ🙏

168372535 246200100522146 6720817711414759544 n | Gossip Lanka
157547324 3671849372869228 2117267094044367971 n | Gossip Lanka
ඔබේ ප්‍රතිචාරය කුමක්ද ?
පට්ට !
161
අවුල් වගේ !
21
හරි හිනා !
22
හම්මෝ !
12
මාර දුකයි !
198
කුජීතයි !
19
මලපනිනව !
19
Subscribe
Notify of
guest
3 Comments
Oldest
Newest Most Voted
Inline Feedbacks
සියලු ප්‍රතිචාර බලන්න !

තවත් මෙවැනිම පුවත්

කැරොලයින් ජූරි ලෝක රූ රැජින කිරුළ අත හරින කතාව බොරුවක්.. ඇත්ත මෙන්න

2020 ලෝක විවාහක රූ රැජින කැරොලයින් ජූරි තම කිරුළ අත හරින බවට වැරදි වැටහිමක්...

අත්අඩංගුවට ගත් චූලා පොලිසියේ සිටම Live ඇවිත් කිව්ව දේ

විවාහක ලෝක රූ රැජින වන කැරොලයින් ජූරි සහ හිටපු ප්‍රවීන නිරූපන ශිල්පිනියක් වන චූලා...

සියළු රහස් එලියට… පුෂ්පිකාද සිල්වාගේ සැමියාගේ මාධ්‍ය ප‍්‍රකාශය මෙන්න..

ශ්‍රී ලංකා විවාහක රූ රැජින ලෙස තේරී පත් වූ පුෂ්පිකා ද සිල්වා මහත්මියගේ නිත්‍යානුකූල...

කවුරුත් කතා නොකරන උසස් පෙළ A 3 ක් ලැබූ විවාහක රූ රැජින තරඟයේ දෙවනියා

මතභේදාත්මක සිද්ධියකින් අවසන් වූ විවාහක රූ රැජින තරගයේ ජයග්‍රාහිකාව ලෙස නම් කළ පුෂ්පිකා ද...

ඉතිහාසය පුරාවට ලොවම වසඟ කළ රූප රාජිණියන්

“මිස් වර්ල්ඩ්” කිරුළ කියන්නේ ලෝකයේ තියෙන පැරණිම රූප රාජිණීයන් තේරීමේ තරගය.මුල්ම වරට මෙය ආරම්භ...

අපගේ නවතම පුවත්

3
0
මේ පුවත ගැන ඔබේ ප්‍රතිචාරය කුමක්ද ?x
()
x