චුට්ටක් ගෑස් ලීක් වුණාට කමක් නෑ… කාන්දුව දුටු රාජ්‍ය නිලධාරියාට සමාගමෙන් යකාගෙ උත්තරයක්!

ආහාර පිසීම සඳහා ගෙනා ගෑස් සිලින්ඩරය පාවිච්චියට බිය වී සිටි තම බිරිඳගේ පෙරැත්තය නිසාම එම ගෑස් සිලින්ඩරයේ අවදානමක් ඇත්ද යන්න දැනගැනීම සඳහා ගෑස් සිලින්ඩරයේ තාවකාලික ඉටි රඳවනය ගළවා ඒ මතට සබන් පෙණ ස්වල්පයක් දැමීමේදී එම සිලින්ඩරයන් ලොකු ගෑස් කාන්දු වීමක් දක්නට ලැබිණි.

මේ ගැන නිසි උපදෙස් ලබා ගැනීමේ අපේක්ෂාවෙන් තම ජංගම දුරකථනයෙන් අදාළ සමාගමෙන් නිසි උපදෙස් පැතීමේදී, ‘මෙය එතරම් ගණන් ගත යුත්තක් නොවන බවත්, චුට්ටක් නං ගෑස් ලීක් වුණාට කමක් නෑ’ යනුවෙන් එම ආයතනයෙන් ලබාදුන් පිළිතුරින් තමන් සහ තම පවුලේ අය විමතියට පත් වූ බවත් උතුරු මැද පළාත් රාජ්‍ය ආයතනයක අධ්‍යක්ෂවරයකු පවසයි.

අධ්‍යක්ෂවරයා සහ ඔහුගේ පවුලේ අය මුහුණ දුන් මෙම ගැටලූව සම්බන්ධයෙන් වැඩිදුරටත් අදහස් දැක්වූ අධ්‍යක්ෂවරයෙක් මෙසේ ද කීය.

‘‘දින කීපයකට පෙර ගෙනා මෙම ගෑස් සිලින්ඩරය එකපාරටම පාවිච්චියට ගැනීමට මගේ බිරිඳ බියවුණා. ඇත්තම කීවොත් වර්තමාන තත්ත්වය මත මගේ හිතෙත් පොඩි සැකයක් තිබ්බා මේක පරීක්ෂා කරන්නෙ නැතිව පාවිච්චියට ගන්න. ඒක නිසයි මම මේ විදිහට මේ ගෑස් සිලින්ඩරය පරීක්ෂා කළේ. ඉතිං මට දැන් තියෙන ලොකුම ගැටලූව නිසි ප‍්‍රමිතියක් නැති නිසා මෙහෙම ගෑස් ලීක්වෙන එකටත් වඩා මෙවැනි අවදානම් සිදුවීමක් වුණාම එයට බිය වී ඉන්න ජනතාව උපදෙස් පැතුවාම ආයතනයක් මෙහෙම උත්තර දෙනව නම් රටේ ජනතාවට ගෑස් සම්බන්ධයෙන් බියෙන්මයි ඉන්න වෙන්නෙ’’ යැයිද කීය.

ඔබේ ප්‍රතිචාරය කුමක්ද ?
පට්ට !
2
අවුල් වගේ !
0
හරි හිනා !
1
හම්මෝ !
1
මාර දුකයි !
4
මලපනිනව !
3
කුජීතයි !
9

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්