ටොෆි 3ක් දුන් නිසා පස් මස් ගැබිණියට සහ සැමියාට පහර දීලා

අනුරාධපුර, රඹෑව ප‍්‍රාදේශීය සභාවේ සභාපති අනුර ප‍්‍රසන්න තෙන්නකෝන් සහ ඔහුගේ ආධාරකරුවන් දෙදෙනෙක් විසින් අඹු සැමි යුවළකට පහර දුන් පුවතක් වාර්තා වෙනවා.

මෙම අඹු සැමි යුවළ මිහින්තලේ, සිප්පුකුලම ප‍්‍රදේශයේ වෙළෙඳසලක් පවත්වාගෙන යන බවත් සැමියා උතුරුමැද පළාත් සිවිල් අභියාචනා මහාධිකරණයේ කළමනාකරණ සහකාරවරයෙකු ලෙස සේවයෙහි නියුතු බවත් පැවසෙනවා.

පහර කෑ බව කියන කාන්තාව පස් මස් ගැබිණියක්.

ඔවුන් දෙදෙනාම ප‍්‍රතිකාර සඳහා අනුරාධපුර ශික්ෂණ රෝහලට ඇතුළත් කොට සිටිනවා. 

පෙරේදා (17) රාත‍්‍රියේ සිප්පුකුලම මංසන්ධියේ ආපන ශාලාවක් වෙත පැමිණ ඇති ප‍්‍රාදේශීය සභා සභාපතිවරයා සහ ඔහුගේ ආධාරකරුවන් දෙදෙනා ඉන් රාත‍්‍රි ආහාර ගැනීමට සුදානම් වී ඇති අතර ඊට පෙර ආපන ශාලාවට යාබදව පිහිටි, අදාළ අඹු සැමි යුවළට අයත් සිල්ලර බඩු වෙළෙඳසලෙන් භාණ්ඩ කිහිපයක් මිලට ගෙන තිබෙනවා.

එහි දී ඉතුරු මුදළ ලබා දීමට නොතිබූ හෙයින් වෙළඳසලේ හිමිකරු විසින් සභාපතිවරයාට ටොෆි තුනක් ලබා දී ඇති බව සඳහන්.

එයින් කෝපයට පත් සභාපතිවරයා වෙළෙඳසලේ හිමිකරුට දෝෂාරෝපණය කර ඇති බවත් පසුව දෙදෙනා අතර  බහින්බස්වීමක් හටගෙන ඇති බවත් වාර්තා වෙනවා.

අනතුරුව එය දුර දිග ගොස් ඇත්තේ එය ගුටිබැට හුවමාරුවක් දක්වා යි.

ප්‍රහාරයෙන් තුවාළ ලැබූ වෙළඳසැල් හිමිකරු සහ ඔහුගේ ගැබිණි බිරිඳ මිහින්තලේ ප‍්‍රාදේශීය රෝහලට ඇතුළත් කිරීමෙන් පසු වැඩිදුර ප‍්‍රතිකාර සඳහා අනුරාධපුර ශික්ෂණ රෝහලට මාරුකර යවා තිබෙනවා.

මේ අතර මෙම සිද්ධියේ දී වෙළෙඳසලේ හිමිකරු සහ වෙළෙඳසල අසල සිටි ඔහුගේ හිතවතුන් පිරිසක් විසින් තමාට පහරදුන් බව පවසමින් රඹෑව ප‍්‍රාදේශීය සභාවේ සභාපතිවරයා ද මිහින්තලේ පොලිසිය වෙත ගොස් පැමිණිල්ලක් ඉදිරිපත් කර ඇති බව පැවසෙනවා.

මේ සබන්ධයෙන් මාධ්‍යවේදීන් කළ විමසීමකදී ප‍්‍රාදේශීය සභා සභාපතිවරයා ප්‍රකාශ කළේ යම් කාරණයක් සම්බන්ධයෙන් තමා සහ තම ඥාතියෙකු වන වෙළෙඳසලේ හිමිකරු අතර බහින් බස්වීමක් සිදු වූ නමුත් ගුටිබැට හුවමාරුවක් සිදු නොවූ බවයි. 

කෙසේ වෙතත් මෙම සිද්ධිය සම්බන්ධයෙන් වැඩිදුර පරීක්ෂණ පවත්වන බව මිහින්තලේ පොලිසිය ප්‍රකාශ කළා.

ඔබේ ප්‍රතිචාරය කුමක්ද ?
පට්ට !
2
11.svg?v=2.6
අවුල් වගේ !
7
22.svg?v=2.6
හරි හිනා !
9
3.svg?v=2.6
හම්මෝ !
8
31.svg?v=2.6
මාර දුකයි !
38
27.svg?v=2.6
මලපනිනව !
31
30.svg?v=2.6
කුජීතයි !
16
48.svg?v=2.6

සතියේ පලවූ මෙවැනිම පුවත්

Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්

සතියේ පලවූ තවත් පුවත්

සුපිරි හොලිවුඩ් නළුවාගේ බොරු ගිනි අවියෙන් වෙඩි වැදි කාන්තාවක් මරුට

අමෙරිකානු සුපිරි හොලිවුඩ් නළු ඇලෙක් බෝල්ඩ්වින් විසින් නිව් මෙක්සිකෝවේ චිත්‍රපටයක් රූගත කරමින් සිටින අවස්ථාවේ...

සීනි හාල් ප්‍රශ්න තාවකාලිකයි – ඇමති ජොන්ස්ටන් කියයි

තවත් සති කිහිපයකින් මුළු රට ම විවෘත කර රට දියුණු කිරීමේ වැළපිළිවෙළක් මේ වන...

හේෂානි පිළිකා රෝහලේදී හදිසියේම කොණ්ඩය කැපු හේතුව හෙලි කරයි

මගේ කොණ්ඩේ ඩොනේට් කළා. ඒක මගේ පුංචි කාලේ ඉඳලා තිබුණු ආසාවක්. ඒ වගේම මගේ...

ඇත්තම කියනවා නම් මම විවාහ දිවියක් ගත කරන්න හිටපු කෙනෙක් නෙවෙයි

උදයන්ති කුලතුංග කියන්නේ අපි කාගෙත් අතර ජනප්‍රිය රංගන ශිල්පිනියක්. සිහින සමාගම, සංසාරණ්‍ය අසබඩ, කැළෑ...

රාජ්‍ය ආයතන ප‍්‍රධානීන් 30ක් ඉවතට

රාජ්‍ය ආයතන 30ක පමණ ප්‍රධානීන් ඉවත්කොට නව ප්‍රධානීන් පත් කිරීමට රජය තීරණය කොට ඇතැයි...
0
මේ පුවත ගැන ඔබේ ප්‍රතිචාරය කුමක්ද ?x
()
x