තාමත් කෙල්ල වගේ ඉන්න ජනප්‍රිය නිලි ගයාත්‍රි ආතතියෙන් මිදෙන්න පුලුවන් බෙහෙතක් හෙළිකරයි

ගයත්‍රි මොනවාද මේ දවස්වල අලුත් තොරතුරු? 

මේ දවස්වල කොළඹින් පිට අලුත් වැඩ කිහිපයක් කරනවා. ඊට අමතරව මම වැඩි කාලයක් යොදවලා තියෙන්නේ මගේ රෑපලාවන්‍යාගාරයේ වැඩවලට. ඒ වගේම අවුරුද්දෙන් පස්සේ අලුත් ටෙලිනාට්‍ය දෙකකට රඟපාන්න ආරාධනා ලැබිලා තිබෙනවා. ඔය දේවල් තමයි මේ දවස්වල විස්තර.

ගයත්‍රි ඔබ Travel කියන දෙයට ආස කරන කෙනෙක්ද? 

ඔව්. මම ගොඩක් ආස කරන දෙයක් තමයි Traveling කියන්නේ. මම ගොඩාක් රටවල්වල සංචාරය කරලත් තියෙනවා. හැබැයි මේ දවස්වල නම් වැඩිය කොහෙවත් යන්න බැරිවුණා. රටේ පවතින කොවිඩ් වසංගතයත් එක්ක. මේ ප්‍රශ්න ඉවර වුණ ගමන් කොහේ හරි යන්න ආසාවෙන් ඉන්නේ.

ඔබ Travel කරපු ඔබේ හිතට දැනිච්ච තැන් එහෙම ඇති නේද? 

එක තැනක් කියලා කියන්න අමාරැයි. මොකද මම ගොඩක් රටවල්වලට වගේම ලංකාවේත් බොහෝ තැන්වලට ගිහිල්ලා තියෙනවා. හැබැයි මගේ හිතට ගොඩාක් දැනිච්ච එක රටක් තියෙනවා. ඒ තමයි ඉතාලිය.

ඇයි ඔබ ඉතාලියට එච්චර ආස කරන්නේ? 

මම ඉස්සරෝම ඉතාලියට ගියේ 2004 වසරේ. ඒ ගිය වෙලාවේ පීසාහි ඇලවෙන කුලුණ, වැනීසිය වගේ ඒ රටේ තිබෙන හැම තැනකටම ගියා. නැවත මම මේ මෑතකදී 2018 වගේ නැවත වතාවක් ඉතාලියට ගියා. ඒ ගිය වෙලාවෙත් එහි තිබෙන හැමතැනක්ම බලන්න ගියා. ඒ රටේ තිබෙන ගොඩනැගිලි පවා හදලා තියෙන්නේ ඒ රටට ආවේණික විදිහට. ඒ වගේම හරිම පිරිසිදු සහ ලස්සන රටක් නිසා තමයි මම ඉතාලියට ආසා කරන්නේ.

ඔබ ඒ ඉතාලි ගිය ගමනේදී සිදුවුණු අමතක නොවන සිදුවීම් ඇති නේද? 

අමතක නොවන සිදුවීම් ගොඩක් තිබෙනවා. ඒ අතරින් එකක් ගැන කිව්වොත් ඉතාලියේ තියෙන ප්‍රසිද්ධම තැනක් තමයි දූම පල්ලිය කියන්නේ. එතැනට ගියපුවාම අපේ ලංකාවේ කට්ටිය ඕනේ තරම් ඉන්නවා. ඒ වෙලාවේ මට හිතුණේ මම ලංකාවේම ඉන්නවා වගේ හැඟීමක්. මට දැනුණේ නෑ මම ඉන්නේ ඉතාලියේ කියලා.

ඒ තරමට ලංකාවේ මිනිස්සු එහේ ඉන්නවා. ඒ විතරක් නෙවෙයි අපිට ලංකාවේ කෑම පවා ලේසියෙන්ම හොයාගන්න පුළුවන් වුණා. ඔය සිද්ධිය තමයි මට අමතක නොවන ලොකුම සිදුවීම. තව බලන්න ගිය තැන්වලින් හොඳම තැනක් තමයි වැනීසිය. ඒක වතුර මැද්දේ තියෙන නගරයක්. පුදුම ලස්සනක් තියෙන්නේ. ඒ තැන්නම් කවදාවත් මට අමතක වෙන්නේ නැහැ.

පිටරට වගේම ලංකාව තුළත් ඔබ ආසකරන තැන් ඇති. ඒ තැන් ගැනත් කියමුකෝ? 

ලංකාව ඇතුළත මගේ මතකයට මුලින්ම එන්නේ අනුරාධපුර නගරයයි. අනුරාධපුරයට ගියාම ශ්‍රී මහා බෝධිය වගේ පූජනීය ස්ථාන හැම තැනකටම මම යනවා. ඊට අමතරව මම නිතරම යන තැනක් තමයි කතරගම කියන්නේ. ඔය වගේ තැන් කිහිපයක්ම තියෙනවා. බෙලිහුල්ඔය පැත්ත, මාතලේ රිවර්ස්ටන් පැත්ත වගේ බොහෝ තැන් තියෙනවා. ඒ තැන් ස්වභාවයෙන්ම හැදුණු තැන්. වැනීසිය වුණත් ඒ රටේ මිනිසුන් ඒ ඒ කාලවලදී හදපු ඒවා. ඒත් ලංකාවේ තියෙන බොහෝ තැන් ස්වභාව ධර්මයෙන් අපිට ලැබුණු ලස්සන තැන්. ඒ නිසා මම ලංකාවේ ආසකරන තැන් ගොඩක් තියෙනවා.

ඉතාලි වගේ ගමනක් යෑමට පෙර ඔබ ඒ ගමන සැලසුම් කරන්නේ කොහොමද? 

එහෙම ලොකුවට සැලසුම් කරන්නේ නෑ. හුඟක් වෙලාවට නිවාඩු කාලයක් වගේ බලලා තමයි අපි යන්නේ. හැබැයි ඉතාලි නම් ගියේ වෙනත් වුවමනාවන් කිහිපයක් නිසා. ඒ ගිය වෙලාවේ තමයි ඒ රටේ ඇවිදින්න කාලය වෙන්කර ගත්තේ. ඊට අමතරව මම ගිය වෙනත් රටවලට නම් ගියේ ඇවිදින්න වගේම Shopping කරන්නත් හිතාගෙනයි. හැබැයි ඕස්ට්‍රේලියාව, ඉතාලිය වගේ රටවල්වලට යන්නේ නම් වෙනත් වුවමනා සඳහා තමයි. මොකද මගේ නංගි හිටියේ ඕස්ට්‍රේලියාවේ. අපි අවුරැද්දට එක පාරක් අනිවාර්යයෙන් එහේ යනවා. හැබැයි දැන්නම් එයා ඉන්නේ කැනඩාවේ. දැන් ඒ නිසා අපි අවුරුද්දට පාරක් කැනඩා යනවා. හැබැයි අපි ඒ ගමන් ලොකුවට සැලසුම් කරන්නේ නෑ.

ගයත්‍රි ඔබ අනාගතයේදී යනවාමයි කියලා හීන දකින තැනක් තියෙනවාද? 

තව නම් මට එහෙම යන්න ආසා රටක් නෑ. ඒ කාලේ මට ලොකු ආසාවක් තිබුණා ස්විට්සර්ලන්තයට යන්න. මොකද එහේ සීතල රටක් නිසා. කොහොම හරි මම එහෙත් ගියා. නමුත් ලංකාවේ ඇතුළත එක තැනක් තියෙනවා මම ගිහිල්ලා නැති.

Screenshot 2021 04 25 21 mv web gayathri 2021 4 25 1 jpg JPEG Image 1410 × 1762 pixels — Scaled 35 | Gossip Lanka

කියමුකෝ ඒ කොහෙද කියලා? 

ලෝකයේ කොච්චර රටවල්වල ගිහිල්ලා තිබුණත් මම ලංකාවේ නොගියපු තැනක් තමයි යාපනය කියන්නේ. කොහොම හරි කාලය හදාගෙන යාපනයේ යන්න තමයි ආසාවෙන් ඉන්නේ.

අවසාන වශයෙන්…. ගයත්‍රි Travel කරනවා කියන දේ ඔබ දකින්නේ කොහොමද? 

Travel කියන දේ ඇත්තටම ඕනෑම කෙනෙකුගේ ජීවිතේ ප්‍රශ්න නැති කරන්න පුළුවන් දෙයක් වගේම මනසට ලොකු සහනයක් ලැබෙන දෙයක්. ඒ වගේම ආතතියෙන් සිටින කෙනෙකුට වුණත් ආතතියෙන් මිදෙන්න හොඳ අවස්ථාවක් කියලයි මම දකින්නේ.

Screenshot 2021 04 25 21 mv web gayathri 2021 4 25 4 jpg JPEG Image 1440 × 1800 pixels — Scaled 34 | Gossip Lanka

චන්න කස්සප කෝරලේආරච්චි

ඔබේ ප්‍රතිචාරය කුමක්ද ?
පට්ට !
12
අවුල් වගේ !
0
හරි හිනා !
6
හම්මෝ !
2
මාර දුකයි !
0
කුජීතයි !
3
මලපනිනව !
5
Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

තවත් මෙවැනිම පුවත්

කිංස්ලිගෙන් පසු “The Voice” තරඟාවලියට එන කවුරුත් දන්න නිවේදකයා (VIDEO)

පසුගියදා සමාජ මාධ්‍යවල ප්‍රධාන මාතෘකාව වූයේ කිංස්ලි රත්නායක ජනාධිපති මාධ්‍ය ප්‍රකාශක තනතුර හිමි වීම...

ජනප්‍රිය නිලි විනූ සිරිවර්ධන ආදරණීය පියාගේ උපන් දිනය වෙනුවෙන් එක් කල සුබ පැතුම

අපේ රටේ ඉන්න ජනප්‍රිය රංගන ශිල්පිනියක් විනූ සිරිවර්ධන කියන්නේ. නිතරම වගේ සමාජ මාධ්‍ය...

බුකිය කළඹන පියුමි, හදිසියේම සංවේදී වූ හේතුව

බුකියේ නිතරම කතාබහට ලක්වෙන චරිතයක් තමයි පියුමි හංසමාලි කියන්නේ. නිරූපණ ශිල්පිනියක් ලෙස ජනප්‍රියත්වයට පත්...

අම්මට වඳින ගාථාව අදින්නාදානා වේරමණී නේද..? – වීඩියෝ

‘අම්මා’ යන වදන අපේ හිත්වලට එක්කරන හැඟීම ලොව අන් කිසිම වචනයක නොවන, ජීවිතයට සමවදින...

ඉන්දියාවේ හිර වෙලා ඉන්න ලංකීය නිළි ශාශ්වි බාලා

ශාශ්වී බාලා වූ සුභාෂිණි සුබ්‍රමනියම්ගේ එකම අරමුණ බලාපොරොත්තුව වෙන්නේ සිය රංගන කුසලතාවන් ඔප්නංවමින් තමන්ගේ...

උන්වහන්සේගේ තියෙන හොඳ දේවල් පෙන්නන්න තමයි මට ඕනෑ වුණේ – බොරැල්ලේ සිරිසුමන ගැන ගයාත්‍රිගේ අදහස

කලාවට ලැදි කාටවත් ගයත්‍රි ඩයස් ගැන අමුතුවෙන් හඳුන්වලා දෙන්න ඕනෑ නැහැ. එදා වගේම අදටත්...

අපගේ නවතම පුවත්

0
මේ පුවත ගැන ඔබේ ප්‍රතිචාරය කුමක්ද ?x
()
x