දමන ද්විත්ව ඝා,තනයේ සැකකරු ගැන තොරතුරු හෙළිවේ

අම්පාර දිස්ත්‍රික්කයට අයත් දමන පොලිස් බල ප්‍රදේශයේ වරාලන්ද ගම්මානයේ දී මවක සහ ඇයගේ 13 හැවිරිදි පුත්‍රයාව තියුණු ආයුධයකින් පහරදී ඝාතනය කළ බවට සැක පුද්ගලයෙකු හඳුනාගෙන තිබේ.

ඊයේ (31) අලුයම් කාලයේ දී  එම ඝාතනය සිදුකරන්නට ඇතැයි පොලීසිය සැක පළ කරයි.

ඝාතනයට ලක්වු කාන්තාවගේ සැමියා මේ වන විට ජීවිතක්ෂයට පත්ව ඇති අතර, ඇය වෙනත් පුද්ගලයෙක් සමග නිවසේ ජීවත්ව ඇතැයි පොලිස් පරීක්ෂණවලදී අනාවරණය වී ඇත.

ඝාතනය සිදුවු දින එම පුද්ගලයා නිවසේ මත්පැන් පානය කර සිට ඇති බව ද පරීක්ෂණවලදී හෙළි වී තිබේ.

අලුයම 1.30ට පමණ ඝාතනයට ලක්වු කාන්තාව සිය මවට දුරකථන ඇමතුමක් ලබා දී නිවසේ සිටි පුද්ගලයා තමාට හිරිහැර කරන බවත් ඒ නිසාවෙන් දරුවාට හෙට පාසල් යෑමට සිදුනොවන බවත් පවසා ඇත.

ඝාතනය වු කාන්තාවගේ මව නැවත නැවතත් දුරකථන ඇමතුම් ලබාගෙන ඇතත් එයට කිසිවෙකු පිළිතුරු දී නොමැත.

පසුදා අසල්වැසි කාන්තාවක් දරුවා පාසල් නොගියේ ඇයිදැයි ඇසීමට නිවසට පැමිණ ඇති අතර එහිදී දොර වසා දමා තිබීම හේතුවෙන් පිටුපසින් නිවසට ඇතුළු වන විට ඝාතනය වු කාන්තාව හා පුත්‍රයා ලේ ගලමින් බිම වැටී සිටින දැක තිබේ.

පසුව එම කාන්තාව දමන පොලීසියට මේ බව පැමිණිලි කර ඇත. 

දමන පොලිස් ස්ථානාධිපතිවරයාගේ මුලිකත්වයෙන් මේ වන විට ඝාතනය සම්බන්ධයෙන් පුළුල් පරීක්ෂණයක් ආරම්භ කර තිබේ.

පොලිස් සුනඛයින් යොදාගනිමින් මේ වන විට ඝාතකයා සොයා මෙහෙයුම් ආරම්භ කර ඇති අතර, සැකකරු මේ වන ප්‍රදේශයෙන් පළාගොස් ඇති බවත් ඔහු තිස්සමහාරාමය ප්‍රදේශයේ පදිංචිකරුවෙකු වන බවත් පොලීසිය පවසයි.

ඔබේ ප්‍රතිචාරය කුමක්ද ?
පට්ට !
0
අවුල් වගේ !
0
හරි හිනා !
0
හම්මෝ !
0
මාර දුකයි !
0
මලපනිනව !
0
කුජීතයි !
0

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්