දරුවන් ඉගෙන ගනිද්දී මාතර පාසලක වහලයක් කඩා වැටිලා

මාතර – රත්මලේ – තලහිටියාගොඩ – පරාක්‍රම විද්‍යාලයේ සිසු දරුදැරියන් අධ්‍යාපනය හදාරන ගොඩනැගිල්ලක වහලයෙන් කොටසක් ඊයේ (15) උදෑසන 10ට පමණ කඩාවැටී තිබෙනවා.

වසර 60ක් පමණ වන මෙම ගොඩනැගිල්ල අබලන් තත්වයේ පවතින බවට දෙමවුපියන් මෙන්ම ගුරුවරුන්ද දිගින් දිගටම අදාල බලධාරීන් වෙත දැනුම්දී තිබුණත් එය බීරි අලින්ට වීනා වැයීමක් පමණක් වුණා.

කෙසේ වෙතත් නව පාසල් වාරය සදහා පාසල ආරම්භ වූ ඊයේ දිනයේ දරුවන් පාසලේ රැදී සිටින අවස්ථාවක මෙම වහලය කඩාවැටී තිබීම කෙතරම් ඛේදජනක තත්ත්වයක්ද.

මේ සම්බන්ධයෙන් අදහස් දැක්වූ සිසු දැරියක්:
“ඊයෙ තමයි අපේ නව පාසල් වාරය පටන් ගත්තේ. ඊයේ අපේ බිල්ඩින් එක තවත් පහත් වෙලා තිබුණු නිසා ගුරුවරු අපි වෙන තැන් වලට දැම්මා.
අපි 10ට විතර විද්‍යාගාරයට යනකොට තමයි ලොකු සද්දයක් එක්ක මේ වහල කඩන් වැටුනේ. පෙර වාසනාවකට ළමයි කාටවත් හානියක් උනේ නෑ. අපිට ආරක්ෂිතව ඉගෙනගන්න අලුත් බිල්ඩින් එකක් හදල දෙන්න”
මේ පිළිබඳව අදහස් දැක්වූ මවක්:
“තලහිටියාගොඩ පරාක්‍රම විද්‍යාලයේ ප්‍රධාන ශාලාව අබලන්වීම ගැන මාධ්‍ය හරහා ලංකාවම දැනුවත් කලා. ඒත් අදාල බළධාරීන් කිසිම පියවරක් ගත්තෙ නෑ.
දැන් මේ ගොඩනැගිල්ලෙ පරාල, උලු කඩාගෙන වැටෙනකල් බලධාරීන් බලාගෙන හිටියෙ අපේ දරුවෙකුට අනතුරක් වෙනකල්ද?
දැන් පාසල කියන්නෙ මර උගුලක්. දැන් ළමයි ඉගෙන ගන්නෙ එළිමහනෙ පන්ති කාමරවල. බලධාරීන්ගේ ඇස් කන් ඇරිලනම් දැන්වත් ළමයින්ට ආරක්ෂිතව ඉගෙන ගන්න අලුත් ගොඩනැගිල්ලක් ලබාදෙන්න කියලා අපි ඉල්ලා සිටිනවා.”

ළමුන් 100කට අධික ප්‍රමාණයක් මෙම විදුහලේ 1 වසරේ සිට 11 වසර දක්වා අධ්‍යාපනය ලබන අතර මෙම පාසල අධ්‍යාපන මට්ටමින් ඉතා හොඳ ප්‍රතිපල පෙන්වා තිබෙනවා.

මෙම කඩාවැටී ඇති ගොඩනැගිල්ලේ පන්ති කාමර 4ක් පමණ පවත්වාගෙන යන අතර මේ වන විට එම පන්තිකාමර තාවකාලික කූඩාරම් වල පවත්වාගෙන යනු ලැබීම අධ්‍යාපන බලධාරීන් ලැජ්ජා විය යුතු කාරණයක්.

මෙම ගොඩනැගිල්ලේ අනතුරුදායක තත්වය සම්බන්ධයෙන් මීට පෙරද මාධ්‍ය මගින් දැනුම්වත් කල අවස්ථාවේ හිටපු පාර්ලිමේන්තු මන්ත්‍රී නිරෝෂන් ප්‍රේමරත්න මහතා මෙම ගොඩනැඟිල්ල සාදා දීමට ඉදිරිපත් වුවද එම කාර්යය මගහැරි බවට දෙමවුපියන් චෝදනා කරනවා.

ඔබේ ප්‍රතිචාරය කුමක්ද ?
පට්ට !
0
11.svg?v=2.6
අවුල් වගේ !
0
22.svg?v=2.6
හරි හිනා !
0
3.svg?v=2.6
හම්මෝ !
0
31.svg?v=2.6
මාර දුකයි !
0
27.svg?v=2.6
මලපනිනව !
0
30.svg?v=2.6
කුජීතයි !
0
48.svg?v=2.6

සතියේ පලවූ මෙවැනිම පුවත්

Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්

සතියේ පලවූ තවත් පුවත්

පස්සර බස් අනතුර යළි කරළියට! හිටිහැටියේ මතු වු කාරණය

ලුණුගල - පස්සර ප්‍රධාන මාර්ගයේ 13 කණුව ප්‍රදේශයේදී 2021 මාර්තු 20 වන දින සිදුවූ...

රෝහිත රාජපක්ෂ නාවික හමුදාවේ පන්දුවක් හමුවේ බිංදුවට දැවී යයි

අග්‍රාමාත්‍ය මහින්ද රාජපක්ෂ මහතාගේ බාල පුත් රෝහිත රාජපක්ෂ අද දිනයේදී පළමු වරට දේශීය ක්‍රිකට්...

එක රටක් එක නීතියක් ගලගොඩඅත්තේ ඥානසාර හිමියන් යටතට

එක් රටක් සහ එක නීතියක් සඳහා වූ ජනාධිපති කාර්යය සාධක බළකායක් පත්කිරීමට ජනාධිපතිවරයා පියවර...

රාජ්‍ය ආයතන ප‍්‍රධානීන් 30ක් ඉවතට

රාජ්‍ය ආයතන 30ක පමණ ප්‍රධානීන් ඉවත්කොට නව ප්‍රධානීන් පත් කිරීමට රජය තීරණය කොට ඇතැයි...

ගෞතම් අදානි මන්නාරමට යයි : ජනපතිත් හමුවෙයි

තුන් දින සංචාරයක් සඳහා දිවයිනට පැමිණ සිටින ඉන්දියාවේ අදානි සමාගමේ සභාපති ප්‍රකෝටිපති ව්‍යාපාරික ගෞතම්...
0
මේ පුවත ගැන ඔබේ ප්‍රතිචාරය කුමක්ද ?x
()
x