දරුවාගේ ඔන්ලයින් ක්ලාස් වලින් තාත්තාට පෙම් ලයින් එකක් පෑදිලා

දරුවාගේ ‘ඔන්ලයින්’ පන්තියට සිග්නල් සොයා ගොස් රූමත් විවාහක කාන්තාවක සමඟ අනියම් ඇසුරක් පටන් ගැනීමට අවස්ථාව සලසා ගත් පියකු පිළිබඳ වූ රසවත් පුවතකි මේ.


වර්තාවන්නේ වයඹ පළාතේ එක්තරා ගම්මානයකිනි.


දරුවා නගරයේ පාසලක 5 ශ්‍රේණියේ අධ්‍යාපනය ලබන සිසුවෙකි. පාසල් වසා ඇති නිසා මේ දිනවල ඔහුගේ පන්ති භාර ගුරුතුමිය ඉගැන්වීම් සිදුකරන්නේ ‘ඔන්ලයින්’ හරහාය.


ඒ සඳහා සුදුසු ජංගම දුරකථනයක් දරුවාට මිලදීගෙන දුන්නද නිවසේ සහ ඒ අවට එම පාඩම්වලට අඛණ්ඩව සම්බන්ධවීමට සිග්නල් නොමැතිවීම මව්පියන්ගේත්, දරුවාගේත් සිත් තැවුලට හේතුවිය. මේ නිසා බොහොමයක් දිනවල දරුවාට ගුරුතුමියගේ පාඩම් අතපසු විය.


මීට සති කිහිපයකට පෙර දරුවා මව්පියන්ට දන්වා සිටියේ යාබද ගමක තම පන්තියේ මිතුරෙකු සිටින බවත් ඔහුගේ නිවෙසට හොඳින් සිග්නල් ඇති නිසා ඔන්ලයින් පාඩම්වලට සම්බන්ධවීමට එහි එන ලෙස මිතුරා තමාට දැන්වූ බවත්ය.


මුලින් දරුවාගේ පියා දරුවාගේ මිතුරාගේ නිවෙසට ඔහු රැගෙන යාමට අකමැති වුවද විභාගයට වැඩි කාලයක් නොමැති නිසාත් බිරිඳගේ පෙරැත්ත කිරීම නිසාත් දරුවා එහි රැගෙන යාමට කැමති විය.


මුල් දින කීපයේ ඉතා අමාරුවෙන් දරුවා එම නිවෙසට රැගෙන ගිය සැමියා පසුව ඉතා කැමැත්තෙන් හා සතුටින් පන්ති පැවැත්වෙන දිනවල දරුවා එහි රැගෙන යාම බිරිඳගේ ද සතුටට හේතු විය. දරුවා ද මිතුරාගේ නිවෙසට ගොස් අධ්‍යාපන කටයුතුවල යෙදුණේ ඉතා උනන්දුවෙනි.


පැය තුන හතරක කාලයක් ඔන්ලයින් පාඩම් ඇති දිනවල ඔහු දරුවා එම නිවසට ඇරලවා යළි තම නිවසට පැමිණ පාඩම් ඉවරවන වේලාවට ගොස් දරුවා කැටුව එයි. පැයක එක හමාරක පමණ කාලයක් පාඩම් ඇති දිනවල ඔහු පාඩම් අවසන් වන තෙක් එම නිවසේම රැඳී සිට දරුවා කැටුව එයි.


පසුගිය දිනක දරුවාගේ මවට දුරකථන ඇමතුමක් ලැබුණේ අසල ගමක ජීවත්වන ඔහුගේ සොයුරියගෙනි.


“අක්කේ මම මේ කෝල් එකක් ගත්තේ අයියා ගැන දෙයක් කියන්න. මම දවස් දෙකක්ම දැක්කා අයියා කවුද ලස්සන ගෑනු කෙනෙක් එක්ක ටවුමේ ඉන්නවා. එක දවසක් එළවළු කඩයක් ඉස්සරහා ඉන්නවා දැක්කා. ටිකක් හොයලා බලන්න.”


“නංගි මටත් අයියගේ ලොකු වෙනසක් දවස් කිහිපයක ඉඳලා දැනිලා තියෙනවා. වෙනදා අඳින ඇඳුම් පැලඳුම් ගැන වැඩි සැලකිල්ලක් දකින්නේ නෑ. දැන් ඇඳුම් අඳින්නේ හොඳට අයන් කරලා නීට් එකට. හැමදාම උදේට රැවුල කපන්න අමතක කරන්නේ නෑ. දැන් බුලත්විට කෑමත් නතර කරලා. මේ ළඟදි රුපියල් 1000 දීලා හොඳ සෙන්ට් එකකුත් අරගෙන. අයියා පුතාව එක්කගෙන යනවා පුතාගේ යාළුවකුගෙ ගෙදරට ඔන්ලයින් පන්තිවලට. ඒ යාළුවගේ තාත්තා ඉන්නෙ මැදපෙරදිග රටක.”


සැමියා දරුවා සමඟ පිටත්ව ගොස් පැයකට පමණ පසු ඇය සිය නැගණිය ද සමඟ දරුවාගේ මිතුරාගේ නිවස සොයා ගියේ යතුරුපැදියෙනි.


යතුරුපැදිය නිවසේ ගේට්ටුව ඉදිරිපිට නවතා ඔවුන් දෙදෙනා නිවසට ගියේ පාගමනිනි. නිවස දෙසට ගමන් කරමින් සිටින ඔවුන් දෙදෙනාට දැක ගැනීමට ලැබුණේ නිවස ඉදිරිපිට පුටුවක වාඩි වී කාන්තාවක සිටින අයුරුත් පිරිමියකු කාන්තාවගේ පාදවල තෙල් වර්ගයක් ආලේප කරන අයුරුත්ය.


තෙල් ආලේප කරමින් සිටින්නේ තම ස්වාමිපුරුෂයා බවට හඳුනා ගැනීමට ඇයට වැඩිවෙලාවක් ගත නොවිනි.


“අපි මේ හොරේ අල්ලන්න තමා ආවේ. අද ගෙදර එනවකෝ. අදින් පස්සේ දරුවාට ඔන්ලයින් පන්ති ඕනෑ නෑ. යමුකො ගෙදර හොඳ පාඩමක් උගන්වන්නම්.”


ඇය දරුවා ද කැටුව නැගණිය සමඟ එම ස්ථානයෙන් පිටත්ව ගියේ මහගෙදරට යන බව පවසමිනි.

ඔබේ ප්‍රතිචාරය කුමක්ද ?
පට්ට !
2
11.svg?v=2.6
අවුල් වගේ !
1
22.svg?v=2.6
හරි හිනා !
17
3.svg?v=2.6
හම්මෝ !
2
31.svg?v=2.6
මාර දුකයි !
5
27.svg?v=2.6
මලපනිනව !
1
30.svg?v=2.6
කුජීතයි !
9
48.svg?v=2.6

සතියේ පලවූ මෙවැනිම පුවත්

Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්

සතියේ පලවූ තවත් පුවත්

14 හැවිරිදි පාසල් ශිෂ්‍යාවක් ගුරුවරයෙකු අතින් විනාශ වෙයි

14 හැවිරිදි පාසල් ශිෂ්‍යාවක් අමානුෂික ලෙස දූෂණය වීමේ පුවතක් මුලතිව් ප්‍රදේශයෙන් වාර්තා වෙනවා. මෙම දැරිය...

ඉන්ධන මිල ඉහළට

ඉන්දීය ඔයිල් සමාගම (LIOC) විසින් අද මධ්‍යම රාත්‍රියේ සිට ඉන්ධන මිල ඉහළ දැමීමට තීරණය...

ෆේස්බුක් පෙමක පැටලුනු තරුණියක් අභිරහස් ලෙස මියයයි

බලන්ගොඩ, මස්සැන්න, හෙලකන්ද ප්‍රදේශයේ නිවසක කාමරයක් තුළ තිබී සැකසහිත ලෙස මියගිය තරුණියකගේ සිරුරක් ඊයේ...

ගොවි උද්ඝෝෂණයක් අතරතුර ගොවියන් යටකර පලා ගිය ආණ්ඩු පක්ෂ නායකයා අත්අඩංගුවට

පසුගිය ඔක්තොම්බර් 03 වැනිදා ඉන්දියාවේ උත්තර් ප්‍රදේශ් හී ලක්හිම්පූර් ප්‍රදේශයේ විරෝධතාවයේ නිරතව සිටි ගොවීන්...

අනුර ගැන ව්‍යාජ පුවතක් අන්තර්ජාලයේ

ජනතා විමුක්ති පෙරමුණේ පක්ෂ නායක අනුර කුමාර දිසානායක මහතා සමාජ මාධ්‍ය තුළ ප්‍රවර්ධනය සදහා...
0
මේ පුවත ගැන ඔබේ ප්‍රතිචාරය කුමක්ද ?x
()
x