දුම්වැටි නොමැතිව පාරිභෝගිකයින් අලි අමාරුවක : දුම්වැටියක් බර ගාණකින් වැඩිවෙන බවට වාර්තා

දිවයිනේ බොහෝ ප්‍රදේශවල දුම්වැටි හිඟයක් පවතින බවට වාර්තා වනවා. ඇතැම් දුම්වැටි අලෙවි නියෝජිතවරුන් විසින් දෛනිකව සිගරට් කාටුන් (බන්ඩල) බැගින් නිකුත් කරනු ලැබූ වෙළෙදසැල් සඳහා ද දුම්වැටි නිකුත් කිරීම සිමා කර ඇත.

අලුත්ගම නගරයේ තිබෙන ප්‍රසිද්ධ සමාගමකට අයත් දුම්වැටි අලෙවි කිරීමේ කවුළුවෙන් දුම්වැටි මිල දී ගන්නට සුළු ව්‍යාපාර සිදුකරන පුද්ගලයන්ට පැය කීපයක් තිස්සේ පෝලිමේ සිටින්නට සිදුව තිබෙන බවයි එහි සිටින අප වාර්තාකරු පැවසුවේ.

එහිදී පැය ගානක් පෝලිමේ සිටියත් එක් අයෙකුට ලබා දී ඇත්තේ දුම්වැටි 20ක් අඩංගු එක් පැකට්ටුවක් බවයි වාර්තා වන්නේ.

දුම්වැටි මිලදී ගැනීමට පැමිණ සිටි පුද්ගලයන් අතර කාන්තාවන් ද සිටීම විශේෂත්වයක් වූ බවත් ඔවුන් පැමිණ සිටින්නේ තමන්ගෙ ජීවනෝපාය වෙනුවෙන් පවත්වාගෙන යන හෝටල්, ආපන ශාලා, සිල්ලර කඩ වැනි ව්‍යාපාර වලට පැමිණෙන පාරිභෝගිකයන් ඉල්ලන දුම්වැටි අලෙවි කිරීමට දුම්වැටි තොග ලබා ගැනීමට බවත් දුම්වැටි නොමැතිනම් වෙනත් භාණ්ඩ සහ ආහාර පාන අලෙවි කිරීමටත් ගැටළුවක් වී ඇති බවත් ඔවුන් ප්‍රකාශ කර සිටියේ.

වාර්තා වන පරිදි නොවැම්බර් 12 වෙනිදාට ඉදිරිපත් කිරීමට නියමිතව ඇති අයවැයේ දී දුම්වැටියක මිල රු.10-20ත් අතර මිල ගණන් වලින් ඉහළ දැමීමට සිදුකෙරෙන බවට වාර්තා වනවා. මේ හේතුවෙන් දුම්වැටි ලබාදීම සීමා කර ඇති බවයි වාර්තා වන්නේ.

ඔබේ ප්‍රතිචාරය කුමක්ද ?
පට්ට !
12
අවුල් වගේ !
1
හරි හිනා !
11
හම්මෝ !
3
මාර දුකයි !
3
මලපනිනව !
9
කුජීතයි !
9

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්