දුම් වැටියට එන මිල සුත්‍රය : අයවැයෙන් දුම්වටියක මිල ඉහළ යන හැටිත් හෙළිවෙයි

දුම්කොළ හා මධ්‍යසාර පිළිබඳ ජාතික අධිකාරිය විසින් සකස් කරන ලද දුම්වැටි සඳහා වන මිල සූත්‍රයට අනුව එළඹෙන අයවැයෙන් පසු දුම් වැටියක මිල අනිවාර්යයෙන්ම ඉහළ යන බවට බලාපොරොත්තුවක් ඇතැයි එහි සභාපති ආචාර්ය වෛද්‍ය සමාධි රාජපක්ෂ මහතා පැවසුවා.

ඒ, අද (04) මේ සම්බන්ධයෙන් මාධ්‍ය වෙත අදහස් දක්වමිනි.

ඉතිහාසයේ ප්‍රථම වරට දුම් වැටි මිලදී ගැනීම අධෛර්යමත් කිරීම සඳහා මෙලෙස මිල සූත්‍රයක් සකස් කර තිබෙන අතර එය සෞඛ්‍ය අමාත්‍යවරයා හරහා කැබිනට් මණ්ඩලයට ඉදිරිපත් වෙන බවයි සභාපතිවරයා පැවසුවේ.

ඒ අනුව මෙම අයවැයෙන් පසු දුම් වැටියක මිල රු.4කින් 5කින් වැඩි වන අතර තව වසර 5ක් පමණ වන විට රු. 20කට වැඩි ප්‍රමාණයකින් දුම්වැටියේ මිල ඉහළ යන බවයි ඔහු සඳහන් කළේ.

ලංකාව තුළ දුම් වැටි භාවිතය නිසා දිනකට 60ක පමණ පිරිසක් මිය යන අතර වසරකට එය 22000ක් පමණ වන බවයි ඔහු කියාසිටියේ.

ඒ අනුව ජනතාවගේ ජීවිතාරක්ෂාව වෙනුවෙන් මෙවැනි තීන්දුවකට පැමිණි බව රාජපක්ෂ මහතා පැවසුවා.

”මම විශ්වාස කරනවා රටේ දිළිඳු බව වැඩිවෙන්න දුම්වැටිය හේතුවක් කියල. මිල සුත්‍රයෙන් ලංකා ආණ්ඩුවට වැඩි ප්‍රතිශතයක් බදු ලෙස එකතු වෙනවා.
දුම්කොළ සමගම දැඩි ප්‍රයත්නයක දරනවා මේ මිල සුත්‍රය හකුලවන්න.” යනුවෙන් සභාපතිවරයා කියාසිටියා.
දුම්වැටි වෙළඳපොලේ නොමැති බවත් දුම්වැටි වල මිල ඉහළ යාම දැනගෙන වෙළඳුන් විසින් දුම්වැටි සඟවා ඇති බවත් ඔහු කියා සිටියා

ඔබේ ප්‍රතිචාරය කුමක්ද ?
පට්ට !
7
අවුල් වගේ !
2
හරි හිනා !
17
හම්මෝ !
1
මාර දුකයි !
0
මලපනිනව !
9
කුජීතයි !
3

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්