26.6 C
Colombo
Thursday, June 17, 2021
logo

දුමින්ද සිල්වා එලියට එනතෙක් බලා සිටිනවා..

මරණීය දණ්ඩනය නියම වී බන්ධනාගාර ගත කර සිටින හිටපු පාර්ලිමේන්තු මන්ත්‍රී දුමින්ද සිල්වා නිදහස් වන්නේ කවදාදැයි බලාගෙන සිටින බව ශ්‍රී ලංකා පොදුජන පෙරමුණේ තරුණ සංගමය සඳහන් කරයි.

එහි නියෝජිත බුද්ධික වික්‍රමදාර මහතා මේ බව කියා සිටියේ ශ්‍රී ලංකා පොදුජන පෙරමුණ මූලස්ථානයේ දී පැවති මාධ්‍ය හමුවකදීය.

ඔහු එහිදී මෙසේද සඳහන් කළේය.

ආණ්ඩුව දැනට පත් වෙලා මාස 14 යි. ජනාධිපතිතුමා ජනාධිපතිවරයා බවට පත්වෙලා මේ මාස 14 දි කරපු වැඩටික ගත්තොත් සාමාන්‍යයෙන් වෙන නායකයෙක්ට මෙතරම් වැඩ ප්‍රමාණයක් කරනවා කියා හිතන්න බෑ. මම කැමති මේ කරපු වැඩවළින් යමක් පසක් කර දෙන්න .

පහුගිය දිනවලදි කතා වුණා විපක්ෂයට කිසිම හේතු පාඨයක් නෑ. ඔවුන් කරන පුංචි පුංචි සිඟිති වැඩ නිසා ජනතාව කල්පනා කරනවා මේකයි ඇත්ත කතාව කියලා. මුලින්ම මතක් කරන්නම් ජනතා විමුක්ති පෙරමුණ ඔවුන්ගේ පාක්ෂිකයන්ව වැද්දන්ට ඇන්දුවා. අන්දලා ලොකු කතාවක් කියන්න පටන් ගත්තා.ඔවුන්ට අමතක වුණා 88,89, කාලයේත් 71 කාලයෙත් පරිසරය විනාශ කරේ කවුද කියලා.

පැහැදිලිව කියන්න කැමතියි ආණ්ඩුවක් විදිහට කිසිම අවස්ථාවක අපි පරිසර විනාශයට පුංචි නිදහසක්වත් ලබා දෙන්නේනෑ. ගෝඨාභය රාජපක්ෂ ජනාධිපතිතුමා ජනාධිපති වෙන්න කලින් කොළඹ කොන්ක්‍රිට් වනාන්තරය කොහොමද ගණ වනාන්තරයක් බවට පත් කිරීමේ කාරණාව , සංවර්ධිත වනාන්තරයක්, ජනතාවට ජිවත්වන්න පුළුවන් පරිසරයක් ගොඩනඟන්නේ කොහෙමද කියන එක සම්බන්ධයෙන් කටයුතු කරපු නායකයෙක් විදිහට ගෝඨාභය රාජපක්ෂ ජනාධිපතිතුමා ජනාධිපති වෙන්න කලින් කරලා පෙන්නුවා. සෞභාග්‍ය දැක්ම ප්‍රතිපත්ති ප්‍රකාශන පැහැදිලිව පරිසරය සුරකින්නේ කොහොමද කියන කාරණාව කියාගෙනයි ආණ්ඩුව පත් වුණේ.

මේ ආණ්ඩුව පරිසරය විනාශ කරනවා කියලා ජනතා විමුක්ති පෙරමුණ, සමගි ජනබලවේගය කියන්නට පටන් ගත්තේ. දැන් පැහැදිලිව පෙනෙනවා මෙකත් තව කැම්පේන් එකක්. රටේ ජනතාවට දැන් ඇත්ත එළිවෙලා තිබෙනවා කවුද ඇත්ත කියන්නේ කියලා. පැහැදිලිව කියන්න ඕන පහුගිය මාස 14 තුළ කළේ මොනවාද කියනවානම්, මුලින්ම ජාතික සුරක්ෂිතතාවය පිළිබඳ ගැටලුවක් තිබ්බා. MCC ගිවිසුම හරහා රට බෙදා දෙන්න හැදුවා. ඒක පාස්කු ප්‍රහාරය තුළිනුත් පෙණුනා. ජාතික සුරක්ෂිතතාවය වෙනුවෙන් කටයුතු කරපු රජයක් මීට කලින් දැකගන්නට හැකි වුණේ නෑ. අපේ ස්වාමීන් වහන්සේලාට මොකක්ද ඇති කරපු තත්වය කියලා පෙනුනා. ඒ නිසා ස්වාමින් වහන්සේලා හිරගත කරන්න හැඳුවා. නමුත් ඒ පිළිබඳව පැහැදිලිව කටයුතු කරමින් සියලුම පන්සල්, පුජා භුමි ආරක්ෂා කරන්න කටයුතු කර තිබෙනවා.

ජනසතු වෙච්ච නායකයෙක් අපිට ඉන්නවා. දුප්පත් ගම්මානවලට ගිහිල්ලා ජනතාවගේ ප්‍රශ්න හඳුනාගෙන විසඳුම් දුන් නායකයෙක්. කැබිනෙට්ටුවේ සිමාව 30 දක්වා අඩු කරපු කාරණාව අපි වැඩි කරන්න ගියේ නැහැ. වැඩි කරලා වැඩි බලයක් ජනතාවට දෙන්න අවශ්‍ය වුණේ නෑ. ඉහළ තනතුරුවලට තෝරා පත් කිරිමේදි කමිටුවක් පත් කරා. සුදුසු අයට පමණයි තනතුරු ලබාදුන්නේ. ඒ වගේම උපාධිධාරින්ට රැකියා ලබා දුන්නා. වෙනදා පාතාලයට අපි බයවුණා. දැන් පාතලය රජයට බයවුණා. ලංකාවේ පාතාලයක් නැති කරන්නට, කුඩු නැති කරන්නට මේ ආණ්ඩුව ගත් පියවර පිළිබඳව අපි ඉතාමත් ප්‍රශංසනියව කතා කරනවා. උපන් බිමට තියන අයිතිය නැති කරන්න දැන් කාටත් බෑ.

මතක ඇතිනේ MCC ගිවිසුම හරහා අපේ ඉඩකඩම් ඇමරිකාවට ලබා දෙන්න හැදුවා. ඒ සියල්ල නවත්තලා උපන් බිමට අයිති අයට ලබා දෙන්න කටයුතු කරා. රට වටේම ගෙවල් හදා දෙනවා. බදු සහන ලබාදීම අවුරුදු 05ක් ඉදිරියට ලබා දෙනවා. අධ්‍යාපන ප්‍රතිසංස්කරණ අලුතින් ආරම්භ කිරීම සිදුකරනවා. සැමට එළිය කියලා වැඩසටහනක් ආරම්භ කරලා විදුලිය නැති අයට නොමිලේ විදුලිය ලබා දෙනවා. පිටරටින් ගේන දේවල් නවතලා ස්වදේශීය නිෂ්පාදකියින්ට කටයුතු කරන්න අවස්ථාව ලබා දී තිබෙනවා. 97% කොරෝනා ආසාධිතයින් සුවයි. තව සුළු දවසකින් මෙයත් අවසන් වෙයි කියලා හිතනවා. ලෝකයේ සඟරා විසින් ලෝකයෙන් කොරෝනා තුරන් කරන පළමුවන රට බවට පළවෙනි පුංචි දූපත ශ්‍රි ලංකාව පත්වෙයි කියලා අනාවැකි පල කර තිබෙනවා. මෙහෙමයි ආණ්ඩුව කටයුතු කළේ.

අපිට ලොකු විශ්වාසයක් තිබෙනවා ඉදිරි සතිය ඇතුළ තුලේදි අපිට පැහැදිලිව අවුරුදු කන්න පුළුවන් විදිහේ වටපිටාවකුත් කොයිතරම් කරදර බාධක මැදි වුණත් උදා වෙයි කියලා. මේ සියලු දේවල් කරන්න පහුගිය අවුරුදු 05 කාලසිමාව තුළ දි මේ ලංකාවේ දේශපාලනයේ සිදුවෙච්ච ආභාග්‍ය තත්වයන්ට ජනතාවට මුහුණ දෙන්න වුණා. ඔවුන්ට සාධාරණය ලැබෙන්නේ කවද්ද? මේ පිළිබඳවත් පොදුජන පෙරමුණ විදිහට අපි බලා ගෙන ඉන්නවා.

වෙන ආණ්ඩුවක් තිබ්බනම් අරලිගහ මන්දිරයට ගිහින් උසාවිවල දුරකථනයෙන් කතා කරලා මේ විදිහට වැරදි තොරතුරු ලබා දිලා මිනිසුන්ව දඩු කදේ ගහන ජරා සම්පන්න ආණ්ඩුවක් තමයි තිබ්බේ. නමුත් මේ ආණ්ඩුව එහෙම කරන්නේ නෑ. දේශපාලන පලිගැනීම් පිළිබඳ කොමිසමේ කටයුතු ඉතාමත් ඉක්මණින් සිදුවෙයි කියලා පක්ෂයක් හැටියට අපි බලා ගෙන ඉන්නවා.

කවද්ද දුමින්ද එළියට යන්නේ, කවද්ද දේශපාලන පලිගැනීම්වලට ලක්වූ ගුරුවරුන් නිදහස් ලැබෙන්නේ කියලා. මේ රට සම්බන්ධයෙන් දේශකත්වය ගැන හිතන අය වැඩ කරන විදිහ වැරදිද කියලා අහනවා. නිතිය හරියට ක්‍රියාත්මක වෙලා දේශපාලන පලිගැනීම්වලට ලක්වූ අයටත් සාධාරණයක් වෙයි කියලා අපි බලා පොරොත්තු වෙනවා.

ශ්‍රි ලංකා පොදුජන පෙරමුණ
මාධ්‍ය ම්‍යස්ථානය

ඔබේ ප්‍රතිචාරය කුමක්ද ?
පට්ට !
2
11.svg?v=2.6 | Gossip Lanka
අවුල් වගේ !
0
22.svg?v=2.6 | Gossip Lanka
හරි හිනා !
2
3.svg?v=2.6 | Gossip Lanka
හම්මෝ !
0
31.svg?v=2.6 | Gossip Lanka
මාර දුකයි !
0
27.svg?v=2.6 | Gossip Lanka
මලපනිනව !
3
30.svg?v=2.6 | Gossip Lanka
කුජීතයි !
1
48.svg?v=2.6 | Gossip Lanka
Subscribe
Notify of
guest
1 Comment
Oldest
Newest Most Voted
Inline Feedbacks
සියලු ප්‍රතිචාර බලන්න !

තවත් මෙවැනිම පුවත්

සැප වාහන එපා, ඒ මුදල් ජනතාවට එන්නත් ගෙන්න යොදා ගන්න

පාර්ලිමේන්තු මන්ත්‍රීවරුන් සඳහා ලබාදිමට යන සුඛෝපභෝගී වාහන තමන් ඇතුළු සමගී ජනබල වේගය පක්ෂයේ පාර්ලිමේන්තු...

ගම්මන්පිල මෝඩයෙක් – හේතුව සරත් ෆොන්සේකා කියයි

උදය ගම්මන්පිල අමාත්‍යවරයා තමන්ගෙ නාමයෝජනා පත්‍රයට අත්සන් කළ ලේකම්වරයාව නොදන්නා මෝඩයෙක් බවයි ෆීල්ඩ් මාර්ෂල්...

බැසිල් 23 ‘ලංකාවට ඇවිත්’ කරන්න හදන දේ

පොදුජන පෙරමුණේ නිර්මාතෘ බැසිල් රාජපක්ෂ මහතා ලබන 23වන දින මෙරටට පැමිණීමට නියමිතව තිබෙනවා.පසුගිය දා...

බැසිල් හිටියනම් තෙල් මිල වැඩිවෙන්නෙ නෑ – ලන්සා

බැසිල් රාජපක්ෂ මහතා සිටියේ නම් ඉන්ධන මිල ඉහළ දැමීමට ඉඩ නොදෙන බවත් ඔහු ඒ...

එජාප එකම මන්ත‍්‍රී ධුරය රනිල්ට… නම ගැසට් කරයි

එක්සත් ජාතික පක්ෂ නායක සහ හිටපු අග්‍රාමාත්‍ය රනිල් වික්‍රමසිංහ මහතා පාර්ලිමේන්තු මන්ත්‍රීවරයෙකු ලෙස ගැසට්...

අපගේ නවතම පුවත්

1
0
මේ පුවත ගැන ඔබේ ප්‍රතිචාරය කුමක්ද ?x
()
x