27 C
Colombo
Monday, September 27, 2021

දුරකථන ඇමතුමකින් ලැබුනු සුපිරි තෑග්ග

රුපියල් කෝටි දෙකහමාරක මුදලක් හා බී.එම්.ඩබ්ලිව්. කාර් රථයක් ජයග්‍රහණය කර ඇතැයි පවසා රුපියල් ලක්ෂ හතක මුදලක් වංචා සහගතව ලබාගැනීමට උත්සාහ කළ අයකු පිළිබඳ රුවන්වැල්ල පොලිසිය පරීක්ෂණ පවත්වයි.

ඉකුත් සිකරාදා (10) දින දැරණියගල ප්‍රදේශයේ තරුණයකුට දුරකථන ඇමතුමක් ලැබී ඇත. ඇමතුම ලබාදුන් අය ප්‍රකාශ කර ඇත්තේ විදේශීය පුද්ගලික සමාගමක් සංවිධානය කළ ලොතරැයි ඇදීමකින් ජයග්‍රහණය කර ඇති බවයි. එම ත්‍යාග මුදල් ලබාදීමට තොරතුරු අවශ්‍ය බව ප්‍රකාශ කොට නම, ලිපිනය, දුරකථන අංකය, ගිණුම් අංකය හා ඊ-මේල් ලිපිනය ලබාගෙන ඇත. මොහොතකින් ඊ-මේල් ලිපිනයට පණිවුඩයක් එවමින් සඳහන් කර ඇත්තේ එංගලන්තයේ පෞද්ගලික සමාගමක් සංවිධානය කළ ලොතරැයියක් ජයග්‍රහණය කර ඇති බවත්, ඒ සඳහා වැඩි තොරතුරු දැනගැනීමට මෙහි ඇතුළත්ව ඇති ලිපිගොනුව විවෘත කර බලන ලෙසත්ය. ලිපිගොනුව විවෘත කර බැලූ විට එහි සඳහන්ව ඇත්තේ මෙම තරුණයාගේ තොරතුරු යටතේ කෝටි දෙකහමාරක මුදලක් හා බී.එම්.ඩබ්ලිව්. කාර් රථයක් ජයග්‍රහණය කර ඇති බවයි. කාර් රථය වරායට එවා ඇති බවත්, එම කාර් රථය වරායෙන් නිදහස් කරගැනීමට ගිණුම් අංකයක් ලබාදී එයට රුපියල් ලක්ෂ දෙකක මුදලක් බැර කරන ලෙසයි.

මෙම තොරතුරු පිළිබඳ විශ්වාස කළ තරුණයා රුවන්වැල්ල ප්‍රදේශයේ පෞද්ගලික බැංකු ශාඛාවක් වෙත ගොස් එම මුදල තැන්පත් කිරීමට පියවර ගෙන තිබේ. එම මුදල බැංකු ගත කිරීමත් සමගම එස්.එම්.එස්. පණිවුඩයක් දෙමින් සඳහන් කර ඇත්තේ ආදායම් බදු සඳහා තවත් රුපියල් ලක්ෂ පහක මුදලක් එදිනම බැංකු ගත කරන ලෙසයි.

මෙහිදී ඇතිවුණ සැකය මත ඔහු තම මිතුරකුට මේ පිළිබඳ සැල කර ඇත. මිතුරා වහාම අදාළ බැංකුවට කතා කර තැන්පත් කළ මුදල පිළිබඳව විමසා තිබේ. ඒ වනවිටත් මුදල ගිණුමේ තිබුණු හෙයින් ලබාගැනීම අවහිර කර ඇත. තරුණයා තමා කිසියම් ගැටයකට අසුවී ඇති බව අවබෝධ වී ඇත්තේ එවිටය. ඔහු රුවන්වැල්ල පොලිසිය වෙත ගොස් මේ පිළිබඳ පැමිණිලි කර ඇත. රුවන්වැල්ල පොලිසිය මගින් වැඩිදුර පරීක්ෂණ පවත්වයි.

ඉකුත් කාලය පුරාම මෙවැනි සිදුවීම් රැසක් බුලත්කොහුපිටිය, යටියන්තොට හා රුවන්වැල්ල පොලිස් බල ප්‍රදේශවලින් වාර්තා වී ඇත. මේ ආකාරයටම පිරිමි අය නොමැති නිවෙස්වලට දිවා කාලයේ ගොස් විවිධ ප්‍රකාශ කොට රවටා රන් භාණ්ඩ කොල්ලකා ඇත. එපමණක් නොව අග්‍රහාර රක්ෂණාවරණය අනුමත කිරීමට කියා මියගිය රජයේ සේවකයන්ගේ නිවෙස්වලට පණිවුඩ දී මුදල් වංචා කිරීම් සිදුකර ඇත.

මෙවැනි වංචනිකයන් පිළිබඳව දැනුවත් කිරීමටත්, අල්ලා නීතියේ රැහැනට යොමු කිරීමටත් පියවර ගත යුතුව තිබේ

ඔබේ ප්‍රතිචාරය කුමක්ද ?
පට්ට !
5
11.svg?v=2.6
අවුල් වගේ !
7
22.svg?v=2.6
හරි හිනා !
24
3.svg?v=2.6
හම්මෝ !
5
31.svg?v=2.6
මාර දුකයි !
9
27.svg?v=2.6
මලපනිනව !
19
30.svg?v=2.6
කුජීතයි !
22
48.svg?v=2.6

මෙවැනිම සතියේ ජනප්‍රිය පුවත්

Subscribe
Notify of
guest
1 Comment
Oldest
Newest Most Voted
Inline Feedbacks
සියලු ප්‍රතිචාර බලන්න !

අපගේ නවතම පුවත්

සතියේ පලවූ තවත් පුවත්

අද එන්නත් ලබාදෙන ස්ථාන

කොරෝනා මර්දන එන්නත්කරණ ක්‍රියාවලිය යටතේ අද (26) දිනයේදී ද ස්ථාන රැසකදී එන්නත් ලබාදීමේ කටයුතු...

ආණ්ඩුව මුලු රටටම වයිරසයක් වෙලා

වත්මන් ආණ්ඩුව මුලු රටටම වයිරසයක් බවට පත්ව ඇති බව සමගි ජන බලවේගයේ පාර්ලිමේන්තු මන්ත්‍රී...

ගෝඨා සාකච්ජාවකට ආරාධනා කළ ඩයස්පෝරාව සුදු වෑන් සමග UN එක ඉදිරිපිට විරෝධතාවක!

දෙමළ ඩයස්පෝරාව අමෙරිකාවේ එක්සත් ජාතීන්ගේ මහාමණ්ඩල ගොඩනැගිල්ල ඉදිරිපිට විරෝධතාවක නිරත වීමට පියවර ගෙන ඇත. මෙහිදී...

මහේල ශ්‍රී ලංකා ක්‍රිකට් පිලේ උපදේශක තනතුරට

ශ්‍රී ලංකාවෙන් බිහිවූ විශිෂ්ටතම ක්‍රිකට් ක්‍රීඩකයකු සහ හිටපු නායකයකු වන මහේල ජයවර්ධන මහතා ශ්‍රී...

කොවිඩ් මරණ 93ක්

කොවිඩ් මරණ 93ක් සෞඛ්‍ය සේවා අධ්‍යක්ෂ ජනරාල්වරයා විසින් තහවුරු කර තිබේ. එම මරණ ඊයේ (19)...
1
0
මේ පුවත ගැන ඔබේ ප්‍රතිචාරය කුමක්ද ?x
()
x