Central Bank Central Bank

නිදහස් උත්සවයට ගිය ට්‍රැෆික් OICට කොරෝනා

කතරගම පොලීසියේ රථවාහන අංශයේ ස්ථානාධිපතිවරයාට කොවිඩ් -19 වෛරසය ආසාදනය වී තිබේ.

නිදහස් උත්සවයට සහභාගිවීමෙන් අනතුරුව සිදුකළ පීසීආර් පරීක්ෂාවක දී ස්නාධිපතිවරයාට කොවිඩ් ආසාදිත බවට තහවුරු වී ඇතැයි කතරගම මහජන සෞඛ්‍ය වෛද්‍ය නිලධාරිනි දේව නාරායන මහත්මිය සඳහන් කළාය.

ඒ අනුව ස්ථානාධිපතිවරයා ඇසුරු කළ ආශ්‍රිතයින් මේ වන විට නිරෝධායනයට ලක්කර තිබේ.

මීට අමතර ව කතරගම නව නගරයේ අඹුසැමි යුවළකට ද කොරෝනා ආසාදනය වී ඇති බවට තහවුරු වී ඇත.

ඒ අනුව කතරගම නගරයේ සති 3ක කාලසීමාව තුළ කොරෝනා ආසාදිතයින් ගණන 30ක් දක්වා ඉහළ ගොස් ගොස් තිබේ.

මේ අතර, කඳාන පොලිස් ස්ථානයේ ස්ථානාධිපතිවරයා ඇතුළු නිලධාරීන් 09 දෙනෙකු කොවිඩ් ආසාදිත බව ඊයේ (10) සිදුකළ රැපිඩ් ඇන්ටිජන් පරීක්ෂණ මගින් තහවුරු වී ඇත.

ඒ අනුව ඔවුන්ව හබරාදූව ප්‍රතිකාර මධ්‍යස්ථානය වෙත යොමුකර ඇතැයි පොලීසිය සඳහන් කළේය.

එමෙන්ම පිටබැද්දර පොලීසියේ රථවාහන අංශ ස්ථානාධිපතිවරයාට ද කොවිඩ් -19 ආසාදනය වී ඇතැයි වා‍ර්තා වේ.

මේ හේතුවෙන් අද පිටබැද්දර පොලිස් ස්ථානයේ නිලධාරීන් 35කගේ පීසීආර් පරීක්ෂණ සිදුකිරීමට සෞඛ්‍ය අංශ පියවර ගෙන තිබේ.

අදාළ පොලිස් නිලධාරියා ඉකුත් 03 දින සිට සේවයට වාර්තා නොකොට නිරෝධායනය වෙමින් සිටින අතරතුර කොවිඩ් -19 ආසාදිතයෙකු ලෙස හඳුනාගෙන ඇත.

ඔබේ ප්‍රතිචාරය කුමක්ද ?
පට්ට !
0
අවුල් වගේ !
0
හරි හිනා !
0
හම්මෝ !
0
මාර දුකයි !
0
මලපනිනව !
0
කුජීතයි !
0

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්