නිදහස් උත්සවයට ගිය සිවිල් ආරක්ෂක බලකායේ 7කට කොරෝනා

ගල්කිරියාගම සිවිල් ආරක්ෂක බලකා උසස් පුහුණු පාසලේ නිරෝධායනය වෙමින් සිටි සිවිල් ආරක්ෂක බලකායේ සෙබළුන් 7 දෙනෙකුට කොරෝනාවෛරසය ආසාදනය වී තිබේ.හදිසි අසනීප තත්ත්වයක් හේතුවෙන් එහි සෙබළුන් 7 දෙනෙකු දඹුල්ල මූලික රෝහලට ඇතුළත් කර ඇති අතර එහිදී සිදු කළ රැපිඩ් ඇන්ටිජන් පරීක්ෂණවලදී ඔවුන්ගෙන් 6 දෙනෙකු කොරෝනා ආසාදිතයින් බවට තහවුරු වූ බව පලාගල සෞඛ්‍ය නිලධාරී වෛද්‍ය නරේන්ද්‍ර ප්‍රේමරත්න මහතා පැවසීය.ඔවුන් පසුගිය 4 වන දා කොළඹ නිදහස් චතුරශ්‍රයේ පැවති ජාතික නිදහස් දින සැමරුම් උත්සවයට සහභාගී වී ඇති බව ද වෛද්‍ය නරේන්ද්‍ර ප්‍රේමරත්න මහතා සඳහන් කළේ ය.

එමෙන් ම, ගල්කිරියාගම සිවිල් ආරක්ෂක බලකා පුහුණු පාසලේ නිරෝධායනය වෙමින් සිටින තවත් සෙබළුන් 50 දෙනෙකුට පමණ කොවිඩ්-19 රෝග ලක්ෂණ පවතින බවත් ඔවුන්ට අද (7) පී.සී.ආර් පරීක්ෂණ සිදු කළ බවත් වෛද්‍ය නරේන්ද්‍ර ප්‍රේමරත්න මහතා පැවසූ බව අප වාර්තාකරු ප්‍රකාශ කළේ ය.ඒ අතරින්, සෙබළුන් 10 දෙනෙකුට හුස්ම ගැනීමේ අපහසුතා හේතුවෙන් අනුරාධපුර සහ දඹුල්ල රෝහල් වෙත ඇතුළත් කර තිබේ.

ඒ අතරින් දඹුල්ල රෝහල වෙත ඇතුළත් කරන ලද සෙබළෙකුට ද කොරෝනාවෛරසය ආසාදනය වී ඇති බව සිදු කළ රැපිඩ් ඇන්ටිජන් පරීක්ෂණයකින් තහවුරු වී ඇතැයි අප වාර්තාකරු සඳහන් කළේ ය.ජාතික නිදහස් දින සැමරුම් උත්සවයට සහභාගී වීමෙන් පසුව සිවිල් ආරක්ෂක බලකාගේ සෙබළුන් 140ක් පමණ ගල්කිරියාගම පුහුණු පාසලේ නිරෝධායනයට යොමු කර තිබිණි.

Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

සතියේ ජනප්‍රියම පුවත්

ත්‍රී රෝද රථයක් ගිනිබත් කරමින් වාහන 7 ක් අනතුරට පත්කල විඩියෝව

බීමත්ව හා අධික වේගයෙන් රියදුරන් විසින් ධාවනය කල මෝටර් රථ දෙකක් අතරින් එක් මෝටර්...

රෝහණ විරසිංහ සහ සුනිල් ආරියරත්න ඔස්කා සංවිධානයේ ධුරවලින් ඉල්ලා අස්වෙති

ආචාර්ය රෝහණ වීරසිංහයන් සහ මහාචාර්ය සුනිල් ආරියරත්න මහත්වරුන් ඔස්කා සංවිධානයේ තම ධුරවලින් ඉල්ලා අස්වීමේ...

බිරිඳට මහපාරේ කැතිපහර 35 ක් එල්ල කළ නරුම සැමියා

පසුගියදා සැමියෙකු තම බිරිඳට අතරමගදී ඇති වූ බහින්බස්වීමක් දුරදිග යාමෙන් සැමියා විසින් තම බිරිඳට...

ලස්සන කවියක් කියා මව සමඟ යන්නම ගිය සමනලිය

බිබිල, බදුල්ලගම්මන ප්‍රදේශයේ පදිංචිව සිටි මවක් ඊයේ (21) රාත්‍රියේ සිය තුන් හැවිරිදි දියණිය ද...

උමාරියාගේ ප්‍රකාශය පොලිසියේ අවධානයට (VIDEO)

සමාජයේ විවිධ කේෂ්ත්‍රවල සිටින ජනප්‍රිය පුද්ගලයින් ඉලක්ක කර ගනිමින් සිදුවන අපහාසාත්මක ක්‍රියාවන් දිනෙන් දින...

අපගේ නවතම පුවත්

0
මේ පුවත ගැන ඔබේ ප්‍රතිචාරය කුමක්ද ?x
()
x