නිධන් හාරන්න ගිය පිරිසකට වුණු දේ

ආණමඩුව තෝනිගල ප්‍රදේශයේ පෞද්ගලික ඉඩමක නිධන් හෑරූ බව කියන පුද්ගලයන් 7 දෙනෙකු පොලිස් අත්අඩංගුවට ගෙන තිබෙනවා.

ආණමඩුව තෝනිගල ප්‍රදේශයේ පුද්ගලයෙකුට අයත් ඉඩමක නිධන් හාරන බවට ලැබුණු තොරතුරක් මතයි පොලිසිය වැටලීම සිදුකර තිබුණේ.

එහිදී නිධන් හෑරීමට යොදාගෙන තිබූ උපකරණ රැසක් පොලිස් භාරයට ගෙන තිබුණා.

ඒ අතර, පූජා භාණ්ඩද තිබෙනවා.

සැකකරුවන් පැමිණි බව කියන වෑන් රථයක් සහ යතුරුපැදි කිහිපයක් ද පොලිස් භාරයට ගැණුනා.

ආණමඩුව පොලිසිය පැවසුවේ සැකකරුවන් ඊයේ අධිකරණය හමුවට ඉදිරිපත් කිරීමෙන් අනතුරුව ලබන 14 වැනිදා දක්වා රක්‍ෂිත බන්ධනාගාර ගත කෙරුණු බවයි.

මේ අතර, නිට්ටඹුව, වතුපිටිවල හා අත්තනගල්ල ඇතුළු ප්‍රදේශ කිහිපයක නිවාසවලට ඇතුලුවී භාණ්ඩ සොරාගත් බව කියන පුද්ගලයන් දෙදෙනෙකු නිට්ටඹුව පොලිසිය අත්අඩංගුවට ගනු ලැබුවා.

දිවා කාලයේ යතුරුපැදියකින් ප්‍රදේශයේ සැරිසරා කිසිවෙකුත් නොමැති නිවාසවලට ඇතුලුවී මොවුන් භාණ්ඩ සොරා ගැනීමේ නිරතව තිබෙනවා.

ප්‍රධාන සැකකරු කපුටා නමැති අන්වර්ථ නාමයෙන් හඳුන්වන වතුපිටිවල උණගහදෙණිය ප්‍රදේශයේ පදිංචි දැඩි ලෙස මත්ද්‍රව්‍යවලට ඇබ්බැහිවූ පුද්ගලයෙක්.

සැකකරුවන් අද අත්තනගල්ල මහේස්ත්‍රාත් අධිකරණය හමුවටයි ඉදිරිපත් කිරීමට නියමිතව තිබෙන්නේ.

ඔබේ ප්‍රතිචාරය කුමක්ද ?
පට්ට !
0
අවුල් වගේ !
0
හරි හිනා !
0
හම්මෝ !
0
මාර දුකයි !
0
මලපනිනව !
0
කුජීතයි !
0

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්