Central Bank Central Bank

නිරෝධායනය මධ්‍යස්ථානයක තරුණයෙකු සියදිවි නසා ගනී

කටුනායක පීල්ලවත්ත ප්‍රදේශයේ පිහිටි ” ටැමරින් ට්‍රී ” සංචාරක හෝටලයේ නීරෝධායනය වෙමින් සිටි තරුණයෙකු ඊයේ (15) දින රාත්‍රී ගෙල වැළ ලා ගෙන සිය දිවි නසා ගෙන ඇති බව කටුනායක පොලීසියේ ප්‍රකාශකවරයෙකු පවසනවා.

මෙසේ මිය ගොස් ඇත්තේ ජා – ඇළ, මාකවිට, මාබිම, ප්‍රදේශයේ පදිංචි 22 හැවිරිදි අවිවාහක තරුණයෙක්.

මොහු පන්නල, මාකදුර, බඩල්කුඹුර කුඹුර ප්‍රදේශයේ පිහිටි “නෙස්ලේ” කිරි නිෂ්පාදන කර්මාන්ත ශාලාවේ සේවය කරන සේවකයෙකු වන අතර, ඔහු එම කර්මාන්ත ශාලාවේම සේවය කරන කොරෝනා ආසාදිතයෙකුගේ පළමු පෙළ ආශ්‍රිතයෙකු ලෙස මෙම සංචාරක හෝටලයේ නීරෝධායනය වීම සදහා ඉකුත් 10 දින රැගෙන විත් තිබෙනවා.

ඔහු මෙම සංචාරක හෝටලයේ නොම්බර 09 නැමැති කාමරයේ නීරෝධායනය වෙමින් සිටි අතර, එහි තිබූ සිවිලිම් විදුලි පංකාවේ, ඇද ඇතිරිල්ලකින් ඊයේ (15) දින රාත්‍රී 06.00 ට පමණ ගෙල වැළ ලා ගෙන මිය ගොස් සිටියදී කටුනායක පොලීසියේ නිලධාරීන් විසින් සොයාගෙන තිබෙනවා.

පසුව මොහුගේ මළසිරුර මීගමුව මහ රෝහල වෙත රැගෙන ගොස් ඇති අතර පී.සී.ආර්. පරීක්ෂණයක් සදහා යොමු කර තිබෙනවා.

ඉන් අනතුරුව මීගමුව නාගරික හදිසි මරණ පරීක්ෂක සිරි ජයන්ත මහතා විසින් මෙම මළසිරුර පිළිබඳව මරණ පරීක්ෂණය සිදු කිරීමට නියමිතයි.

මෙම තරුණයා විසින් පවත්වා ගෙන ගිය ප්‍රේම සම්බන්ධතාවයක් පිළිබඳව සිත් තැවුලට පත් වී, මෙසේ මොහු ගෙල වැළ ලා ගෙන මිය ගොස් ඇති බව කටුනායක පොලීසිය විසින් සිදු කළ මූලික විමර්ශන වලදී අනාවරණය කර ගෙන තිබෙනවා.

ඔබේ ප්‍රතිචාරය කුමක්ද ?
පට්ට !
2
අවුල් වගේ !
1
හරි හිනා !
2
හම්මෝ !
1
මාර දුකයි !
20
මලපනිනව !
6
කුජීතයි !
5

සතියේ පලවූ මෙවැනිම පුවත්

Subscribe
Notify of
1 Comment
Oldest
Newest Most Voted
Inline Feedbacks
සියලු ප්‍රතිචාර බලන්න !

අපගේ නවතම පුවත්