නිවස තුළ සිදු වන කොරෝනා මරණ ගැන හෙළිදරව්වක්

මෙරටින් ඊයේ (11) වාර්තා වූ කොරෝනා ආසාදිතයින් 2789 දෙනා අතරින් වැඩිම සංඛ්‍යාවක් ගම්පහ දිස්ත්‍රික්කයෙන් හඳුනාගෙන තිබෙනවා.

කොවිඩ් 19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය නිවේදනය කළේ ගම්පහ දිස්ත්‍රික්කයෙන් හඳුනාගත් ආසාදිතයින් 741 දෙනා අතර කටාන ප්‍රදේශයෙන් වාර්තා වූ ආසාදිතයින් 122 දෙනෙකු සහ කටුනායක ප්‍රදේශයෙන් වාර්තා වූ ආසාදිතයින් 117 දෙනෙකු වන බවයි.

කොළඹ දිස්ත්‍රික්කයෙන් ඊයේ දිනයේදී කොරෝනා ආසාදිතයින් 505 දෙනෙකු හඳුනාගෙන තිබූ අතර, රත්නපුර දිස්ත්‍රික්කයෙන් ආසාදිතයින් 397 දෙනෙකු හඳුනාගෙන තිබුණා.

කළුතර, කුරුණෑගල, මහනුවර යන දිස්ත්‍රික්කවලින් ආසාදිතයින් 100 දෙනෙකු ඉක්මවා හඳුනාගෙන ඇති බවයි කොවිඩ් 19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය සඳහන් කළේ.

සෞඛ්‍ය සේවා අධ්‍යක්ෂ ජනරාල්වරයා අද අලු‍යම තහවුරු කළ මරණ 62 න් 07ක් සිදුව ඇත්තේ පසුගිය මැයි 08 සිට මැයි 31 දක්වා කාලය තුළදීයි.

ජුනි 01 සිට ජුනි 10 දක්වා කාලය තුළදී සිදුවූ මරණ 55 ක්ද අද (12) අලු‍යම නිකුත් කළ නිවේදනයට ඇතුළත්.

මිය ගිය හැට දෙදෙනා අතරට පිරිමි පුද්ගලයින් 35 දෙනෙක් සහ කාන්තාවන් 27 දෙනෙක් අයත් වනවා.

නව මරණ 62 සමඟ මෙරට සමස්ත කොරෝනා මරණ සංඛ්‍යාව 2,073 ක් දක්වා ඉහළ ගිය බව රජයේ ප්‍රවෘත්ති දෙපාර්තමේන්තුව නිවේදනය කළද වසංගත රෝග විද්‍යාංශයේ වෙබ් අඩවිය එය දක්වා ඇත්තේ 1985 ක් ලෙසයි.

ඒ ඊයේ දිනයට වෙබ් අඩවිය යාවත්කාලීන කළ බව දක්වමින්.

ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ සභාපති උපුල් රෝහණ කියා සිටියේ නිවෙස් තුල සිදුවන කොරෝනා මරණ වල අඩුවීමක් මේ වනවිට දක්නට ලැබෙන බවයි.

කොරෝනා මර්දන එන්නත්කරණ කටයුතු අදත් ක්‍රියාත්මක අතර බියගම මූලික රෝහල් පරිශ්‍රයේ පැවති එන්නත්කරණ කටයුතු සඳහා ජනතාව විශාල වශයෙන් පැමිණ සිටින ආකාරය දැකගත හැකිවුණා.

ඔවුන් චෝදනා කළේ, ඊයේ පැවති සෞඛ්‍ය සේවක වර්ජනය නිසා එන්නත් ලබාගැනීමට නොහැකි වූ නිසා ඒ සඳහා අද පැමිණියත් මේ වනවිට යළි අපහසුතාවලට මුහුණ දී ඇති බවයි.

ත්‍රිකුණාමලය, අම්පාර, හම්බන්තොට සහ බදුල්ල දිස්ත්‍රික්කවල සයිනොෆාම් එන්නතේ පළමු මාත්‍රාව ලබාදීම අද සිදුකෙරෙන අතර එහි දෙවන මාත්‍රාව ලබාදීමේ කටයුතු කොළඹ දිස්ත්‍රික්කයේ මාලිගාවත්ත, වැල්ලවත්ත, මට්ටක්කුලිය, කිරුළපන, බෙත්තාරාම සහ පිළියන්දල යන ප්‍රදේශවලදී ක්‍රියාත්මකයි.

කොරෝනා එන්නත්කරණ වැඩසටහනට අදාළව සයිනොෆාම් එන්නතේ පළමු මාත්‍රාව පුද්ගලයින් දොලොස්ලක්ෂ 9276 දෙනෙකුට ලබාදී ඇති අතර, එහි දෙවන මාත්‍රාව ලබාදී ඇති පුද්ගලයින් සංඛ්‍යාව 78,025 ක්.

එසේම, කොවිෂීල්ඩ් එන්නතේ පළමු මාත්‍රාව පුද්ගලයින් නව ලක්ෂ 25,242 දෙනෙකුට ලබාදී තිබෙනවා.

ස්පුට්නික් එන්නතේ පළමු මාත්‍රාව ලබාදී ඇති පුද්ගලයින් සංඛ්‍යාව 64,986 ක්.

මේ අතර, අද සහ හෙට දින දෙක තුළ දිවයිනේ සියළු ආර්ථික මධ්‍යස්ථාන තොග වෙළදාම් සඳහා පමණක් විවෘතව තැබෙනවා.

ඒ අනුව තොග වෙළදුන්ට මෙන්ම ජංගම වෙළදසැල් පවත්වාගෙන යන පුද්ගලයින්ට ද ආර්ථික මධ්‍යස්ථාන වෙත පැමිණ එළවළු සහ පළතුරු මිලදී ගැනීමට හැකියි.

දිවයිනට පනවා තිබූ සංචරණ සීමා අනිද්දා දිනයෙන් අවසන් වීමට නියමිතව තිබුණ ද යුද හමුදාපති ජෙනරාල් ශවේන්ද්‍ර සිල්වා ප්‍රකාශ කළේ ලබන 21 වනදා දක්වා සංචරණ සීමා දීර්ඝ කරන බවයි.

නිරෝධායන නීති කඩකළ තවත් පුද්ගලයින් 1,027 දෙනෙකු අත්අඩංගුවට ගෙන තිබෙනවා.

ඒ අනුව සංචරණ සීමා පැනවීමෙන් පසු ඒ සම්බන්ධයෙන් අත්අඩංගුවට ගත් මුළු සංඛ්‍යාව 30,042 ක්.

පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ සඳහන් කළේ ඉදිරි කාලසීමාව තුළද අඛණ්ඩව නිරෝධායන නීති කඩකරන්නන් සොයා මෙහෙයුම් ක්‍රියාත්මක බවයි

ඔබේ ප්‍රතිචාරය කුමක්ද ?
පට්ට !
0
11.svg?v=2.6 | Gossip Lanka
අවුල් වගේ !
1
22.svg?v=2.6 | Gossip Lanka
හරි හිනා !
0
3.svg?v=2.6 | Gossip Lanka
හම්මෝ !
0
31.svg?v=2.6 | Gossip Lanka
මාර දුකයි !
0
27.svg?v=2.6 | Gossip Lanka
මලපනිනව !
0
30.svg?v=2.6 | Gossip Lanka
කුජීතයි !
3
48.svg?v=2.6 | Gossip Lanka
Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

තවත් මෙවැනිම පුවත්

රට වටෙන්ම මතුවන අලුත් කොවිඩ් පොකුරු ගැන හමුදාපතිගෙන් අනතුරු ඇඟවීමක්

තුන්වැනි කොවිඞ් රැල්ල ආරම්භ වූයේ අලුත් අවුරුදු සමයේදී ජනතාව වගකීම් විරහිතව කටයුතු කළ නිසා...

පළාත් අතර ගමනාගමනය යළි ඇරඹෙන දිනය

අගෝස්තු පළමු වැනිදා (01) සිට පළාත් අතර බස් හා දුම්රිය ගමනාගමනයට අවසර ලබා දී...

මරාගෙන මැරෙන බෝම්බකරුගේ තඹ කර්මාන්ත ශාලාවට බදියුදීන් දුන් අනුග්‍රහය හෙළි වේ

පාස්කු ඉරු දින එල්ල කෙරුණු ත්‍රස්ත ප්‍රහාර සිද්ධියට සම්බන්ධ මරාගෙන මැරෙන බෝම්බකරුවෙකුට අයත් තඹ...

නිරුවතින් ආ අමුතුම පුද්ගලයෙක්, වෙළඳසැලක් ඇතුළේ කරපු නොමනා සෙල්ලම මෙන්න

පසුගිය 26 වනදා කුරුණෑගල උහුමිය ප්‍රදේශයේ සිල්ලර බඩු වෙළඳසැලකට පුද්ගලයෙකු නිරුවතින් ඇතුළු වී භාණ්ඩ...

දියණියගේ පපුව අතගෑ මිතුරාට මාරාන්තික පොලු ප්‍රහාරයක්

පුද්ගලයෙකු විසින් පොල්ලකින් පහර දී සිය මිතුරා ඝාතනය කළ පුවතක් මතුගම ප්‍රදේශයෙන් වාර්තා වනවා.නිවසට...

අපගේ නවතම පුවත්

0
මේ පුවත ගැන ඔබේ ප්‍රතිචාරය කුමක්ද ?x
()
x