28 C
Colombo
Sunday, September 19, 2021

පරිස්සම් වෙන්න වැඳලා කියන්නේ… ආදාහනාගාර සේවකයින්ගේ අත්දැකීම්

දිවයින පුරා පැතිර යන කොවිඩ් වසංගත තත්ත්වය හේතුවෙන් මේ වන විට ජීවිත විශාල ප්‍රමාණයක් සිය සමීපතමයින්ට අහිමිව ගොස් තිබේ.

ඒ අතර රෝහල්වල ද දෛනිකව මෘත දේහ ගොඩ ගැසෙමින් පවතින අතර, එය සියලුදෙනා කම්පනයට පත්කිරීමට හේතුවී ඇත.

රෝහල්වල මෘත දේහ ගොඩගැසී ඇති අයුරු දැක්වෙන දර්ශන පසුගිය දා සමාජ මාධ්‍ය ඔස්සේ සංසරණය විය.

එවන් පසුබිමක ආදාහනාගාර සේවකයින් ද මුහුණදෙමින් ඇත්තේ ඉතා අසීරු කාලසීමාවකටය.

කළුතර හා ගම්පහ දිස්ත්‍රික්කවල ආදාහනාගාර සේවකයින් තමන් මුහුණ දෙන අත්දැකීම් “අද දෙරණ” ට කියා සිටියේ මෙලෙසිනි.

ගම්පහ දිස්ත්‍රික්කයේ ආදාහනාගාර ක්‍රියාකරුවෙක්,

“අපි මේ කරන්නේ ලොකු කාර්තව්‍යයක්. මිනිස්සු එනවා ආදාහනය කරද්දි. මිනිස්සු දන්නේ නෑ ඇත්තටම මෙතෙන මොකද්ද වෙන්නේ කියලා. අපි මෙහෙම ඉන්නකොට මිනිය ගේනකොට මිනිස්සු එනවා අඬාගෙන, එක එක කතා කියාගෙන මහත්තයෝ. මිනිය පෙන්නන්න කියනවා. මිනිස්සු දන්නේ නෑ මහත්තයෝ කොරෝනා රෝගය මොකද්ද කියලා. බලන්න මහත්තයෝ අපි ඉස්සර හිටිය විදියයි දැන් ඉන්න විදියයි. අපි කොච්චර බයෙන් ද ඉන්නේ. මේ මිනිස්සු මිනිය පුච්චද්දි ඇවිල්ලා අහනවා අනේ පොඩ්ඩක් පෙන්නන්න බැරි ද කියලා. අපි කොහොමද මහත්තයෝ උත්තර දෙන්නේ. අපිත් ගැහි ගැහි ඉන්න වෙලාවේ. අපි ඕක පෙන්නන්න ද මහත්තයෝ කොරෝනා අස්සේ. අපි ඈත්වෙලා ඉන්න කිව්වහම ළඟටම එනවා. මේකේ බැරෑරුම්කම මිනිස්සුන්ට තේරෙන්නේ නෑ,මෙතෙනට ඇවිල්ලා ගැවසෙන්න එන්න එපා. මොකද අපිත් බයෙන් ඉන්නේ.”

ගම්පහ දිස්ත්‍රික්කයේ ආදාහනාගාර ක්‍රියාකරුවෙක්,

“මිනිස්සු හැසිරෙන්නේ සත්තු විදියට. මිනිය පෙන්නන්න කියලා කෑ ගහනවා. අළු ඉල්ලනවා. ඒවා කරන්න බෑනේ. අපිත් ආරක්ෂා වෙලා කරන්න ඕනේ. අපිටත් දෙමව්පියෝ දරුවෝ ඉන්නවා. කොරෝනා මිනීත් එක්ක මිනිස්සු 20 – 25 එක පාර එනවා. අපි කොරෝනා මිනී දාලා දාලා ඔලුවේ කැක්කුමයි. එච්චර මිනී එනවා. කිව්වහම අපිට ගහන්න එනවා. මන්ත්‍රීවරුන්ටත් බනිනවා. බැනල කියනවා අළු ඕනේ කියලා. නුගත් උන් කියලා අපිට බනිනවා. අපි හදන්නේ රටත් බේරගෙන අපිත් බේරිලා ඉන්න. අපි පරිස්සමින් හැමදේම කරලා මිනිස්සුන්ට සහය දුන්නාට අපිට සහය දෙන්නේ නෑ. ඒත් මිනිස්සු එක්ක හරි අමාරුයි මේක කරන්න. පළවෙනි රැල්ලේ දී අපිට ගානක් නෑ. මිනී දෙකයි තුනයි අපි පිච්චුවේ. දැන් දවසකට 7ක් විතර පුච්චනවා. ජනතාව තමයි ලෙඩ වැඩි කරන්නේ. අපි දන්නවා තත්ත්වේ. ඉගෙන ගත්ත අය හැසිරෙන්නේ මෝඩයෝ විදියට. මේ අතින් මිනී 250ට වැඩිය අල්ලලා තියෙනවා. වැදලා කියන්නම් අපිටත් සහය දෙන්න.”

ගම්පහ දිස්ත්‍රික්කයේ ආදාහනාගාර ක්‍රියාකරුවෙක්,

“ඉස්සෙල්ලා පිච්චුවේ නෝමල් එවා. එතකොට මිනිස්සු එනවා. දැන් එහෙම නෙමෙයි. මිනිස්සුනට එන්න බෑ. කාටවත් බලන්න බෑ. අම්මගේ, තාත්තාගේ, පුතාගේ කාගෙවත් මිනිය බලන්න බෑ. අළු ඉල්ලනවා. මෙතෙන ඇවිල්ලා අඩනවා. භයානකයි. අපි කියන්නේ මිනිස්සුන්ට පරිස්සම් වෙන්න කියලා. මිනිස්සු පරිස්සම්වෙන්නේ නෑ කිසිදෙයකින්. එන්න එපා කිව්වහම ඇවිල්ලා අපිට බනිනවා. අපි බැනුම් අහනවා. අත්දෙකෙන් වැඳලා කියන්නම් පරිස්සම් වෙන්න. අපිටත් අම්මලා තාත්තලා ඉන්නවා. අපි දන්නවා මැරෙන මිනිස්සු කියලා. ඒත් අපිත් බයයි. එච්චරයි ඉල්ලන්නේ.”

ඔබේ ප්‍රතිචාරය කුමක්ද ?
පට්ට !
0
11.svg?v=2.6 | Gossip Lanka
අවුල් වගේ !
2
22.svg?v=2.6 | Gossip Lanka
හරි හිනා !
0
3.svg?v=2.6 | Gossip Lanka
හම්මෝ !
1
31.svg?v=2.6 | Gossip Lanka
මාර දුකයි !
34
27.svg?v=2.6 | Gossip Lanka
මලපනිනව !
1
30.svg?v=2.6 | Gossip Lanka
කුජීතයි !
0
48.svg?v=2.6 | Gossip Lanka
Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

දවසේ නවතම පුවත්

සතියේ පලවූ පුවත්

රෝහලේ බෝම්බෙන් එළියට එන භයානක ඇත්ත

ලංකා රෝහලේ වැසිකිලියේ කාලබෝම්බය ඇටවූ බවට සැකපිට අත්අඩංගුවට ගෙන සිටින සැකකරුට පුරණ ද්‍රව්‍ය භාවිතයට...

තවත් ආසාදිතයන් 1,755ක්.

අද දිනයේ තවත් කොරෝනා ආසාදිතයන් 1,755ක් හඳුනාගත් බව යුද හමුදාපති, ජෙනරාල් ශවේන්ද්‍ර සිල්වා මහතා...

සුරාසල් විවෘත කිරීමට අවසර දුන්නේ කවුද? මෙතෙක් රහසක්ව පැවති දෙයක් ඇමති රෝහිත හෙළි කරයි

රජයේ අවසරයකින් තොරව මත්පැන් අලෙවිසල් විවෘත කළ නොහැකි බවත් එම අවසරය රජය විසින් ලබා...

මහින්දගෙන් ලොහාන්ට දැනුම් දීමක් !

වැලිකඩ බන්ධනාගාරයට සහ අනුරාධපුර බන්ධනාගාරයට බලහත්කාරයෙන් ඇතුළු වී නොමනා හැසිරීමක් පෙන්නුම් කළ ලොහාන් රත්වත්තේට,...

බලා සිටි වුන්ගේ ඇග ලොමු දැහැ ගැන්වූ භයානක අනතුර

රත්නපුර කැටන්දොල ප්‍රදේශයේ අලුත් පාලම අසලදී අද( 13) භයානක රියඅනතුරක් සිදු වුණා. බලා සිටින්නන්ගේ...
0
මේ පුවත ගැන ඔබේ ප්‍රතිචාරය කුමක්ද ?x
()
x