25 C
Colombo
Friday, May 14, 2021

පශ්චාත් මරණ පරීක්ෂණය කර නිවසට ගෙනා මිනියේ රැවුල වැවිලා

මොනරාගල දිස්ත්‍රික් මහ රෝහලේ දී පශ්චාත් මරණ පරීක්ෂණයක් සිදු කර නිවසට රැගෙන එන ලද පුද්ගලයකුගේ මෘත දේහයේ උඩුරැවුල වැවී තිබීම නිසා මෘතදේහය නැවත මොනරාගල මහ රෝහලට ගෙන ගොස් ඇත.

ඇතිලිවැව-වෙහෙරයාය පදිංචි ජේ.ඒ.එල්. ඥානතිලක (55) නමැති දෙදරු පියකු පසුගිය 09 වැනිදා සවස ළිඳකට වැටී මිය ගොස් තිබුණි.

පොලිසිය ඔහුගේ මෘතදේහය වැල්ලවාය මූලික රෝහලට ගෙනැවිත් තිබිනු අතර පසුදින මෘතදේහය පශ්චාත් මරණ පරීක්ෂණය පැවැත්වීම සඳහා මොනරාගල දිස්ත්‍රික් මහ රෝහලට යවා තිබිණි.

12 වැනිදා පශ්චාත් මරණ පරීක්ෂණය පවත්වා මෘතදේහය එදින සවස ඥාතීන්ට භාර දී ඇත. ඥාතීන් විසින් මෘතදේහය මල්ශාලාවකට භාර දී ඇත. මල්ශාලා සේවකයින් එදිනම මෘතදේහය එම්බාම්කොට සකස් කර නිවසට ගෙනැවිත් භාර දී තිබේ.

13 වැනිදා මිය ගිය අයගේ දියණිය මෘත දේහයේ උඩුරැවුල තිබෙන බව දැක තමාගේ පියා කිසිදිනෙක උඩුරැවුලක් වවා නොමැති බවත් මෘත දේහය තම පියාගේ නොවන බවත් පවසා ඇත.

පසුව මේ ගැන කුඩාඔය පොලිසියට දැනුම් දී මෘතදේහය මොනරාගල දිස්ත්‍රික් මහ රෝහලට රැගෙනවිත් ඇත.

ඔක්කම්පිටිය මාලිගාවිල ප්‍රදේශයේ දී ඉකුත් 11 වැනිදා වන අලියකු පහරදීමෙන් මියගිය, පශ්චාත් මරණ පරීක්ෂණය සඳහා ගෙනැවිත් මෘත ශරීරාගාරයේ තැන්පත් කර තිබූ අධිකාරි මුදියන්සේලාගේ අනුර ගුණරත්න නමැති අයකුගේ මෘත දේහය මෙලෙස මාරු වී ඇති බව හෙළි වී තිබේ.

පසුව එහි තිබූ ඥානතිලක මහතාගේ මෘතදේහය ආපසු රැගෙන ගොස් එදිනම සවස මිහිදන් කිරීමට ඥාතීන් පියවර ගෙන ඇත.

මේ පිළිබඳව මොනරාගල දිස්ත්‍රික් මහ රෝහලේ වෛද්‍ය අධිකාරි ආර්.එම්.ඩී. රත්නායකගෙන් කළ විමසුමකදී කියා සිටියේ ‘‘මෘතදේහයක් ඥාතීන්ට භාරදීම සුළු සේවක පාලකවරයාගේ වගකීමක්. ඒ වගේම ඥාතීන්ද මෘතදේහය හඳුනාගෙන එය භාරගත යුතුයි. පශ්චාත් මරණ පරීක්ෂණයක් පැවැත් වූ මෘත දේහයකට වෙනත් මෘතදේහයක් මාරු වීම කිසිසේත් සිදුවන්න බැහැ. මෘත ශරීරාගාරයේ සේවකයන්ගේ නොසැලකිල්ල මතයි මෙය සිදු වී තිබෙන්නේ. මේ පිළිබඳව පරීක්ෂණයක් සිදු කරනවා.‘‘ යනුවෙනි.

කෙසේ වෙතත් මියගිය අයෙකුගේ ඥාතියකු වන එච්.එම්.එස්. බණ්ඩාර මහතා පැවසුවේ මෙවැනි දෙයක්
‘‘ඉකුත් 13 වැනිදා අපි මොනරාගල මහ රෝහලට ගියා. කිසිම ඥාතියකුට මෘත දේහය පෙන්නුවේ නැහැ. බලන්න දෙන්න බැහැ කිව්වා. සවස පශ්චාත් මරණ පරීක්ෂණය පවත්වලා මෘතදේහය අපිට භාර දුන් බවට අත්සන් ගත්තා.‘‘
යනුවෙනි.

කැලුම් ගුණතිලක – මොනරාගල

ඔබේ ප්‍රතිචාරය කුමක්ද ?
පට්ට !
17
අවුල් වගේ !
61
හරි හිනා !
185
හම්මෝ !
121
මාර දුකයි !
75
කුජීතයි !
40
මලපනිනව !
125
Subscribe
Notify of
guest
1 Comment
Oldest
Newest Most Voted
Inline Feedbacks
සියලු ප්‍රතිචාර බලන්න !

තවත් මෙවැනිම පුවත්

එළවලු ව්‍යාපාරිකයෙකු පැහැර ගත් හැටි CCTV කැමරාවේ සටහන් වූ හැටි

බණ්ඩාරවෙල නගරයේ එළවලු ව්‍යාපාරිකයෙකුට පහර දී ඔහු පැහැරගෙන යන ආකාරය සී.සී.ටී.වී. ආරක්ෂක කැමරාවක සටහන්ව...

කොරෝනා මැද, මොරටුව නගරය මැදදී සියල්ලන් ඉදිරියේ අවසන් හුස්ම හෙළු පුද්ගලයා ගැන වෙනස්ම කතාවක් එළියට

මේ මොරටුව නගරමධ්‍යයේ පිහිටි ඉන්ධන පිරවුම්හලක්. අද උදෑසන 7.30ට පමණ ත්‍රිරෝද රථයක් මෙම පිරවුම්හලෙන් ඉන්ධන...

මෙරට කොවිඩ් ආසාදිතයන් ගණන තවත් ඉහළට

අදත් කොවිඩ් 19 ආසාදිත රෝගීන් 1581 දෙනෙකු වාර්තාවන බව යුද හමුදාපතිවරයා පවසනවා.ඒ අනුව මෙරට...

“මනුස්සය පිට කොහෙ හරි තැනකදී මරලා වාහනේක දාගෙන මෙහෙට අරගෙන එන්න ඇති”

මාතලේ රත්වත්ත දොඹගොඩ ප‍්‍රදේශය පුරා පැතිර තිබුණේ දැඩි නිහැඬියාවකි. රත්වත්ත ප‍්‍රදේශය වසාගත් කඳු වළල්ල...

කොරෝනාව බිලිගත් මුල්ම ගැබිණි මවට ප්‍රතිකාර කල වෛද්‍යවරයා කියන සංවේදී කතාව

නීලිකා ප්‍රනාන්දුට මංගල සීනු හැඬවුණේ ටිකක් කල්ගතවීය. ඇගේ ඉරණම්කාරයා වූයේ රාගම තේවත්තේ චමින්ද කුමාරය....

දෛනික කොවිඩ් ආසාදිතයන් ගණන 2500 ඉක්මවයි

අද දිනයේ කොවිඩ් ආසාදිතයින් 2659 ක් වාර්තා වීමත් සමඟ මෙරට දිනෙක වාර්තා වූ කොවිඩ්...

අපගේ නවතම පුවත්

1
0
මේ පුවත ගැන ඔබේ ප්‍රතිචාරය කුමක්ද ?x
()
x