Central Bank Central Bank

ප්‍රියන්තගේ ඝාතනය සාධාරණිය කළ පාකිස්ථාන ආරක්ෂක ඇමති

ශ්‍රී ලාංකිකයෙකු පකිස්ථානයේදී කෲර ලෙස වද හිංසා පමුණුවා ඝාතනය කිරීමේ සිදුවීම පිළිබදව පකිස්ථානු ආරක්ෂක අමාත්‍ය පර්වේස් කට්ටක් මහතා ප්‍රවෘත්ති සාකච්ඡාවකදී ඒ අදාළ ඝාතනය ඔහු විසින් සාධාරණීකරණය කරමින් දැක්වූ අදහස් මේ වන විට ලෝකය පුරාම ආන්දෝලනාත්මක තත්ත්වයක් ඇතිවී තිබෙනවා.

අමාත්‍යවරයා මාධ්‍යවේදීන් වෙත පවසා සිටියේ ආවේගකාරීවූ තරුණයින් ආගමික හැඟීමෙන් මෙම ඝාතනය කර ඇති බවයි. එම වයසේ පසුවන තරුණයින් නිරායාසයෙන්ම ඒ ආකාරයේ වැරදි කිරීමට පෙළඹෙන බවත් තමන්ද එම වයසේදී හිතාබැලීමකින් තොරව හැඟීම් බරවී වැරදි ක්‍රියා සිදුකර ඇති බවත් කෙසේ වෙතත් වයසින් මුහුකුරා යනවිට එම වැරදි තේරුම් ගෙන කටයුතු කරන බවත්, එබැවින් මෙවැනි ක්‍රියා පිළිබදව රජයට හෝ පකිස්ථානයට දොස් කිම වැරදි ක්‍රියාවක් බව ඔහු පෙන්වා දෙනවා.

පකිස්ථානයේ පෙෂාවර් නගරයේ පැවති මෙම ප්‍රවෘත්ති සාකච්ඡාවේදී මාධ්‍යවේදියෙකු විසින් ආරක්ෂක අමාත්‍යවරයාගෙන් ප්‍රශ්න කර සිටියේ අග්‍රාමාත්‍ය ඉම්රාන් ඛාන් විසින් නායකත්වය දෙන පකිස්ථානු රජය ටෙහ්රීක්-ඊ-ලබ්බයික්( Tehreek-e-Labbaik )නැමැති අන්තවාදී සංවිධානයට අනුබද්ධ සංවිධානවලට එහෙිව ඵලදායී මර්දනයක් සැලසුම් කරන්නේදැයි යන්නයි.

ඊට පිළිතුරු දෙමින් ආරක්ෂක අමාත්‍යවරයා සදහන් කළේ මෙය සංවිධානය විසින් මෙය සිදුකල ක්‍රියාවක් නොවන බවයි. කෙසේ වෙතත් පකිස්ථානු අග්‍රාමාත්‍ය ඉම්රාන් ඛාන් මහතා මීට පෙර ට්විටර් පණිවුඩයක් නිකුත් කරමින් සදහන් කළේ අදාළ ඝාතනය පිළිබදව තමන් ලැජ්ජාවට පත්වන බවයි. එවැනි තත්ත්වයක් තුළදී පකිස්ථාන ආරක්ෂක අමාත්‍යවරයා සිදුකළ මෙම ප්‍රකාශය පිළිබදව මේ වන විට ජාත්‍යන්තරයේද අවධානය යොමුවී තිබෙනවා.

පකිස්ථානු මාධ්‍ය වාර්තා කර ඇත්තේ අදාළ ප්‍රකාශය සම්බන්ධයෙන් ආරක්ෂක අමාත්‍ය පර්වේස් කට්ටක් මහතා කැබිනට් මණ්ඩලයෙන් ඉවත් කිරීමට අග්‍රාමාත්‍ය ඉම්රාන් ඛාන් මහතා කටයුතු නොකළ හොත් මෙම ඝාතනය සම්බන්ධයෙන් ඔහු දිගින් දිගටම සිදුකල ප්‍රකාශ අසත්‍ය බවට ජාත්‍යාන්තරය තේරුම් ගනු ඇති බවයි. මේ අතර මේ වන විට ඇතිව තිබෙන දේශපාලන උණුසුම් තත්ත්වය හා පීඩනය මත අදාළ ප්‍රවෘත්ති සාකච්ඡාවෙන් පසුව පකිස්ථානු ආරක්ෂක අමාත්‍යවරයා ට්විටර් පණිවුඩයක් නිකුත් කර තිබෙනවා.

එමගින් පකිස්ථානු ආරක්ෂක අමාත්‍යවරයා නිවේදනය කරන්නේ ශ්‍රී ලාංකිකයාගේ මිලේච්ඡ ඝාතනය තමන් තරයේ හෙළා දකින බවයි. පකිස්ථානය සියලු ආකාරයේ අන්තවාදයන් හෙළා දකින බවත් මේ සම්බන්ධයෙන් වගකිවයුතු පුද්ගලයින් නීතිය ඉදිරියට ගෙන එන බවත් ඔහු අදාළ ට්විටර් පණිවුඩයේ සදහන් කර තිබෙනවා.

ඔබේ ප්‍රතිචාරය කුමක්ද ?
පට්ට !
1
අවුල් වගේ !
1
හරි හිනා !
0
හම්මෝ !
2
මාර දුකයි !
1
මලපනිනව !
26
කුජීතයි !
11

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්