ප්‍රියන්ත කුමාර ඝාතනය සහ ෂරියා නීතිය ගැන මුස්ලිම් නිකායවල ඒකමතික තීරණය මෙන්න

සියල්කොට්හිදී ශ්‍රී ලාංකිකයෙකු වන ප්‍රියන්ත කුමාර දියවඩනගේ ඝාතනය කිරීම “ඉස්ලාම් විරෝධී” සහ “නීතියට පටහැනි” බව පකිස්ථානයේ මුස්ලිම් නිකායවල් නියෝජනය කරන පූජකවරුන්ගේ ඒකාබද්ධ ප්‍රවෘත්ති සාකච්ඡාවකදී ඒකමතිකව හෙළා දැක තිබේ.

ඔවුන් ප්‍රකාශ කළේ, වගකිව යුත්තන්ට එරෙහිව දැඩි නීතිමය ක්‍රියාමාර්ග ගන්නා ලෙස රජයෙන් ඉල්ලා සිටින බව ය.

ඔවුන් මෙම ඒකාබද්ධ ප්‍රවෘත්ති සාකච්ඡාව කැඳවා තිබුණේ, පකිස්ථානයේ ශ්‍රී ලංකා මහ කොමසාරිස් මොහාන් විජේවික්‍රම මහතා සමග පැවති සාකච්ඡාවකින් අනතුරුව ය.

එහිදී, ඉස්ලාම් දේවධර්ම කවුන්සිලයේ සභාපති ආචාර්ය කිබ්ලා අයාස් ඒකාබද්ධ නිවේදනය ප්‍රකාශයට පත් කරමින් ඔවුන් පැවසුවේ, “මෙය අමානුෂික ක්‍රියාවක් වන අතර කිසිදු සාක්ෂියක් නොමැතිව ආගමට අපහාසයක් කළ බවට යමෙකුට චෝදනා කිරීම ෂරියා නීතියට පටහැනි වන,” බව ය.

ඔහු පැවසුවේ, ප්‍රවෘත්ති සාකච්ඡාවට එක්ව සිටින සියලු නිකායයන්වල නායකයින් මෙම බිහිසුණු සිද්ධිය සම්බන්ධයෙන් කනගාටුව පළ කරන බව ය.

ඔබේ ප්‍රතිචාරය කුමක්ද ?
පට්ට !
31
අවුල් වගේ !
5
හරි හිනා !
5
හම්මෝ !
3
මාර දුකයි !
15
මලපනිනව !
65
කුජීතයි !
24

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්