32 C
Colombo
Tuesday, April 20, 2021

පාස්කු ප්‍රහාරයට කෙලින්ම වගකිවයුතු පුද්ගලයා ගැන කාදිනල් හිමියන්ගෙන් හෙළිදරව්වක් (වීඩියෝ)

පාස්කු කොමිසමේ වාර්තාවෙන් වරදකරුවෙකු ලෙස සඳහන් කර සිටින හිටපු ජනාධිපති මෛත්‍රීපාල සිරිසේනට එරෙහිව නීතිය කඩිනමින් ක්‍රියාත්මක කළ යුතු බව අගරදගුරු අතිඋතුම් මැල්කම් කාදිනල් රංජිත් හිමිපාණන් ප්‍රකාශ කළා.

උන්වහන්සේ මේ බව කියා සිටියේ පාස්කු ඉරිදා නිමිත්තෙන් දේවස්ථාන කිහිපයක සංචාරයේ නිරතවෙමින් කොච්චිකඩේ ශාන්ත අන්තෝනි දේවස්ථානයට පැමිණි අවස්ථාවේදියි.

කාදිනල් හිමිපාණන් කොටහේන – ශාන්ත ලුසියා ආසන දෙව් මැදුරටත් පසුව කොච්චිකඩේ ශාන්ත අන්තෝනි දේවස්ථානයටත්, අවසානයේ පාස්කු ප්‍රහාරයෙන් වැඩිම හානියට පත් කටුවපිටිය ශාන්ත සෙබස්තියන් දේවස්ථානයටත්  පැමිණ දේව මෙහෙයන්ට සහභාගිවී තිබෙනවා.

කෙසේ වෙතත් මෙවරත් ශ්‍රී ලංකාවේ කිතුනුවන්ට පාස්කු සැමරීමට සිදුවූයේ දෙවසරකට පෙර එල්ලවූ අන්තවාදී ප්‍රහාරයේ අමිහිරි මතකයන්ද සමඟයි.

2019 වසරේ අප්‍රේල් මස 21 වනදාට යෙදී තිබුණු පාස්කු ඉරිදාව සිහිපත් කරමින් දේව මෙහෙයන්ට එක්වූ කතෝලික ජනතාව ඉලක්ක කරගනිමින් අන්තවාදී ස්වයං ඝාතකයන් විසින් ප්‍රහාරයක් එල්ල කළේ පෙරවරු 8.45 ටයි.

එය සිහිපත් කරමින් දේවස්ථාන තුළ සීනු නාද කෙරුණු අතර, අනතුරුව රැස්ව සිටි බැතිමතුන් තමන් සමඟ දේව මෙහෙයට එක්ව සිටියදී බෝම්බ ප්‍රහාරයෙන් දිවි අහිමිවූවන් සිහිපත් කරනු ලැබුවා.  

එමෙන්ම පාස්කු ප්‍රහාරයෙන් වැඩිම හානියට පත් කටුවපිටිය ශාන්ත සෙබස්තියන් දේවස්ථානයේ මෙන්ම මඩකලපුව සියොන් දේවස්ථානයේද දේව මෙහෙයන් පැවති අතර, ඊට පිපිරීම්වලින් මියගිය පුද්ගලයින්ගේ ඥාතීන් ඇතුලු විශාල පිරිසක් එක්ව සිටි බවයි හිරු වාර්තාකරුවන් සඳහන් කළේ.

මේ අතර  පාස්කු ප්‍රහාරයට දායක වූ වැරදිකරුවන්ට නීතියෙන් ගැලවී සිටීමට කිසිසේත් ඉඩක් නොතබන බව ජනාධිපති ගෝඨාභය රාජපක්ෂ  පාස්කු දිනය වෙනුවෙන් විශේෂ පණිවුඩයක් නිකුත් කරමින් කියා සිටියා.  

එමෙන්ම පාස්කු ප්‍රහාරය සම්බන්ධයෙන් පත්කළ ජනාධිපති කොමිසමේ වාර්තාව අධ්‍යයනය කළ කමිටුවේ වාර්තාව හෙට ජනාධිපතිවරයා වෙත භාරදීමට නියමිතයි.

Hiru News

ඔබේ ප්‍රතිචාරය කුමක්ද ?
පට්ට !
14
අවුල් වගේ !
1
හරි හිනා !
0
හම්මෝ !
2
මාර දුකයි !
4
කුජීතයි !
2
මලපනිනව !
6
Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

තවත් මෙවැනිම පුවත්

අලුත් සිතුම් පැතුම් සමග නව මාවතකට කාලය එළැඹ ඇත

පවතින අභියෝග සැලකිල්ලට ගනිමින් අලුත් සිතුම් පැතුම් සමග සෞභාග්‍යවත් දේශයක් උදෙසා නව මාවතක ගමන්...

කියපු දේ වරදවා වටහාගෙන – කාදිනල් හිමියන් කියයි (වීඩියෝ)

පාස්කු ප්‍රහාරයෙන් මියගිය අය සිහිකිරීම සඳහා ලබන අප්‍රේල් 21 වන දින පෙරවරු 8.45 සිට විනාඩි...

කිසිදු භේදයකින් තොරව දැහැමි සිතුවිලි සමග අවුරුදු සමරමු – ජනාධිපති ගෝඨාභය රාජපක්ෂ

සමස්ත ජනතාව කිසිදු භේදයකින් හා වෙනසකින් තොරව සෞම්‍ය හා දැහැමි සිතිවිලි ඇතිව සිංහල දෙමළ...

සිංහල-හින්දු අවුරුද්ද ලෝකයට ආශිර්වාදයක්

සොබාදහම සමග වන ජීවිතයේ වටිනාකම ඉස්මතු කරන සිංහල හින්දු අලුත් අවුරුද්ද සමාජයටත් ලෝකයටත් ආශිර්වාදයක්...

අපගේ නවතම පුවත්

0
මේ පුවත ගැන ඔබේ ප්‍රතිචාරය කුමක්ද ?x
()
x