පාස්කු ප්‍රහාරයට ගෝඨා -බැසිල් ඈඳපු අශෝක් අබේසිංහ CIDයේදී ගොළුවෙයි

ජනාධිපති ගෝඨාභය රාජපක්ෂ හා පොදුජන පෙරමුණේ ජාතික සංවිධායක බැසිල් රාජපක්ෂ පාස්කු ප්‍රහාරයට සම්බන්ධ බවට තමන් කළ ප්‍රකාශය සනාථ කිරීමට කිසිදු මූලාශ්‍රයක් නැති බවට සජබ පාර්ලිමේන්තු මන්ත්‍රී අශෝක් අබේසිංහ අපරාධ පරීක්ෂණ දෙපාර්තමේන්තුවට ප්‍රකාශයක් ලබාදී ඇත. එම ප්‍රකාශය සම්බන්ධයෙන් තමා කනගාටුව ප්‍රකාශ කරන බවද මන්ත්‍රීවරයා පවසා තිබේ.

ඊයේ 11 වැනිදා උදෑසන 9.30 සිට පැය පහක් තිස්සේ අපරාධ පරීක්ෂණ දෙපාර්තමේන්තුව ඔහුගෙන් ප්‍රකාශ ලබාගෙන තිබේ.

මෙහිදී අපරාධ පරීක්ෂණ දෙපාර්ත​මේන්තු නිලධාරීන් කළ ප්‍රශ්න කිරීම් හමුවේ මන්ත්‍රීවරයා පිළිතුරු දී නැත.

ජනපතිවරයා බැසිල් රාජපක්ෂ පාස්කු ප්‍රහාරයට සම්බන්ධ බවට සනාථ කළ හැකි තොරතුරු මොනවාද යන්න ප්‍රශ්න කිරීමේදී තොරතුරු ලද ආකාරය සනාථ කිරීමට නොහැකි බව සඳහන් කර ඇත.

එම ප්‍රකාශය මගින් ජාතීන් අතර කලබලයක් ඇතිවිය හැකි බවට අපරාධ පරීක්ෂණ දෙපාර්තමේන්තු නිලධාරීන් පෙන්වා දුන් මොහො​තේ ඒ සම්බන්ධව මන්ත්‍රීවරයා කනගාටුව ප්‍රකාශ කළ බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ පැවැසීය.

කෙ​සේ වුවද මන්ත්‍රීවරයා පෙර කරන ලද ප්‍රකාශයෙන් පසු සමාජ මාධ්‍ය ජාලා ඔස්සේ පළමු මත මෙන්ම ඊයේ (11 වැනිදා) ලබාදුන් ප්‍රකාශයක් නීතිපතිවරයාට යොමුකර නීතිමය පියවර ගැනීමට කටයුතු කර ඇත.

පොදුජන පෙරමුණේ පාර්ලිමේන්තු මන්ත්‍රීවරුන් 06 දෙනකු කළ පැමිණිල්ලක් මත අපරාධ පරීක්ෂණ දෙපාර්තමේන්තුව මන්ත්‍රීවරයාට මෙම කැඳවීම කළේය.

මන්ත්‍රීවරයා දෙවතාවක් කැඳවීම් කළද නොපැමිණ තිබිණ. කෙසේ වෙතත් පාර්ලිමේන්තු මන්ත්‍රී අශෝක් අබේසිංහ සමගි ජන බලවේගයේ නායක සජිත් ප්‍රේමදාස, පාර්ලිමේන්තු මන්ත්‍රී සරත් ෆොන්සේකා ඇතුළු පිරිසක් සමග අපරාධ පරීක්ෂණ දෙපාර්ත​​මේන්තුව වෙත ඊයේ (11 වැනිදා) කටඋත්තරයක් ලබාදීමට පැමිණ තිබුණි.

එහිදී විපක්ෂ නායක සජිත් ප්‍රේමදාස, අපරාධ පරීක්ෂණ දෙපාර්තමේන්තුව ඉදිරිපිටදී මාධ්‍යවේදීන් අමතමින් මෙසේ පැවැසීය.

සමගි ජන බලවේගයේ නායකයා වශයෙන් අපගේ මන්ත්‍රීවරුන් ආරක්ෂා කිරීමට මා බැඳී සිටිනවා. රටේ අපේක්ෂාව වන්නේ පාස්කු ප්‍රහාරයට මුල්වුණු, නායකත්වය ලබා දුන් ත්‍රස්තවාදය පෝෂණය කළ අපරාධකරුවන් අත්අඩංගුවට අරගෙන නීතිය ක්‍රියාත්මක කිරීමයි. පාස්කු ප්‍රහාරය පිළිබඳ විමර්ශනය කළ ජනාධිපති කොමිසමේ වාර්තාවෙන් සිදුවී ඇත්තේ මෙම ප්‍රහාරයට සම්බන්ධ කොටසක් පමණක් හඳුනා ගැනීමයි. නමුත් සිදුවිය යුත්තේ ප්‍රහාරයට සම්බන්ධ සියලුම දෙනා නීතිය හමුවට ගෙනත් දැඩි දඬුවම් දීමයි.

ඔබේ ප්‍රතිචාරය කුමක්ද ?
පට්ට !
0
11.svg?v=2.6
අවුල් වගේ !
0
22.svg?v=2.6
හරි හිනා !
0
3.svg?v=2.6
හම්මෝ !
0
31.svg?v=2.6
මාර දුකයි !
0
27.svg?v=2.6
මලපනිනව !
0
30.svg?v=2.6
කුජීතයි !
0
48.svg?v=2.6

සතියේ පලවූ මෙවැනිම පුවත්

Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්

සතියේ පලවූ තවත් පුවත්

ලංකාවේ නම ලෝකෙටම අරන් ගිය යොහානි නැවතත් මව්බිමට (ඡායාරූප)

ලංකාවේ නම ලෝකෙටම අරන් ගිය යොහානි, ඉන්දියානු සංචාරයෙන් අනතුරුව මේ වන විට කටුනායක ගුවන්...

රතන හිමියන්ගේ පක්ෂ සාමාජිකත්වය අහෝසි කෙරෙයි

අපේ ජනබල පක්ෂයේ ජාතික ලැයිස්තු මන්ත්‍රී පූජ්‍ය අතුරලියේ රතන හිමියන්ගේ පක්ෂ සාමාජිකත්වය අහෝසි කර...

ලොව පුරා ජනප්‍රිය සැනිටයිසර් ලංකාවේ තහනම් වු තැන

රැඳවියන් සඳහා දෑත් පිරිසිදු කාරක දියර භාවිත කිරීම තහනම් කිරීමට බන්ධනාගාර දෙපාර්තමේන්තුව පියවර ගෙන...

අර්ධ ශතකයක් වෙනුවෙන් විකට නළු බන්දු සමරසිංහට ලැබුණු අමිල තිළිණය – Photos

ලංකේය සිනමාව වෙනුවෙන් වසර පනහක් කළ සේවය අගයා ජනප්‍රිය විකට නළු බන්දු සමරසිංහට අපූරු...

ජනප්‍රිය තරුවක් වුණු ශනුද්‍රි ප්‍රියසාද් කේක් ගෙඩියක් කැපුවේ ඇයි..?

මේ දවස්වල ජනප්‍රියම චරිතයක් තමයි ශනුද්‍රි ප්‍රියසාද් කියන්නේ. මේ දවස්වල ඇය නර්තනය නිසාවෙන්ම ප්‍රේක්ෂකයාගේ...
0
මේ පුවත ගැන ඔබේ ප්‍රතිචාරය කුමක්ද ?x
()
x