29 C
Colombo
Tuesday, April 13, 2021

පාස්කු ප්‍රහාරයෙන් තුවාල ලද නීතිඥයෙක් වන්දි ඉල්ලයි

ප්‍රමාණවත් බුද්ධි තොරතුරු ලැබී තිබියදී පාස්කු ප්‍රහාරය වලකා නොගැනීම සම්බන්ධයෙන් තමන්ට සිදුවූ බරපතල මානසික සහ ශාරීරික හානි වෙනුවෙන් ‘ නීතිඥයෙක් රුපියල් මිලියන 500ක වන්දි ඉල්ලා තිබේ.

මේ අනුව නීතිඥ මෝදිත ඒකනායක මහතා විසින් හිටපු ජනාධිපති මෛත්‍රීපාල සිරිසේන, හිටපු අගමැති රනිල් වික්‍රමසිංහ ඇතුළු 12දෙනෙකු වෙත එන්තරවාසියක් යොමුකර ඇත.

නීතිඥ සුජීව ගුණතිලක මහතා මාර්ගයෙන් යොමුකර ඇති එම එන්තරවාසියේ වගඋත්තරකරුවන් ලෙස හිටපු ජනාධිපති මෛත්‍රිපාල සිරිසේන, හිටපු අගමැති රනිල් වික්‍රමසිංහ, හිටපු ආරක්ෂක රාජ්‍ය ඇමති රුවන් විජේවර්ධන, හිටපු පොලිස්පති පූජිත් ජයසුන්දර, හිටපු ආරක්ෂක ලේකම් හේමසිරි ප්‍රනාන්දු, නීතිපති ඇතුළු 12දෙනෙකු නම්කර තිබේ .

දින 14ක කාලයක දී එම වන්දි මුදල ගෙවීම පැහැරහරිනු ලැබුවහොත් අධිකරණය හමුවේ නඩු පවරන බවටද එන්තරවාසිය තුළින් දැනුම් දී ඇත.

තවද පාස්කු ප්‍රහාරය වලකා නොගැනීම සම්බන්ධයෙන් ‘කොළඹ ෂැංග්‍රිලා හෝටලයේ අධ්‍යක්ෂ මණ්ඩලයට ද නීතිඥ මෝදිත ඒකනායක මහතා විසින් ඇමරිකානු ඩොලර් මිලියන 1.5ක වන්දියක් ගෙවන ලෙස එන්තරවාසියක් යොමුකර තිබෙන බව වාර්තාවී ඇත. ඒ ත්‍රස්ත ප්‍රහාරය වළක්වා ගැනීමට අවශ්‍ය ආරක්ෂක පියවර නොගැනීම සම්බන්ධයෙනි.

මීට අමතරව ෂැංග්‍රිලා හෝටලයේ තුළ සිදුවූ මරාගෙන බෝම්බ ප්‍රහාරයෙන් බරපතළ තුවාල ලැබූ තමන්ට රුපියල් මිලියන 400ක වන්දියක් අයකර දෙන ලෙස ඉල්ලා එම බෝම්බ ප්‍රහාරය සිදුකළ මරාගෙන මැරෙන බෝම්බකරුවකු වන මොහොමඩ් ඉන්සාෆ් නැමැත්තාගේ පියා ඇතුළු තිදෙනෙකුට එන්තර වාසියක් යවා තිබේ.

ඔබේ ප්‍රතිචාරය කුමක්ද ?
පට්ට !
0
අවුල් වගේ !
0
හරි හිනා !
0
හම්මෝ !
0
මාර දුකයි !
0
කුජීතයි !
0
මලපනිනව !
1
Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

තවත් මෙවැනිම පුවත්

යාපනය නගර සභා පොලිස් ඒකක නිල ඇඳුම කොටි පොලිස් නිල ඇඳුමට සමානයි

යාපනය නගරයේ පිරිසිදු බාවය ආරක්ෂා කරගැනීම සඳහා පස් දෙනෙකුගෙන් යුත් නගරසභා ආරක්ෂණ පොලිස් බලකායක්...

ඇස්ට්‍රා සෙනිකාට තිඹිරිගෙයින්ම රතු එළියක්

වයස අවුරුදු 30ට අඩු පුද්ගලයන් සඳහා ඇස්ට්‍රා සෙනිකා එන්නත වෙනුවට ආදේශක එන්නතක් ලබාදියයුතු බවට...

ජනපතිගෙන් නියෝගයක්..

ශ්‍රී ලංකා ප්‍රමිති ආයතනයේ අධ්‍යක්ෂ ජනරාල් සිද්ධිකා සේනාරත්න එම ධූරයෙන් ඉවත් කිරීමට කටයුතු කරන...

අලුත් අවුරුද්ද වෙනුවෙන් අඩු ආදායම්ලාභී සහ සමෘද්ධිලාභී පවුල් වෙත රුපියල් 5000 දීමනාව

කොරෝනා වසංගතය හේතුවෙන් පීඩාවට පත් සමෘද්ධිලාභී සහ අඩු ආදායම්ලාභී පවුල්  වෙනුවෙන් අලුත් අවුරුද්ද සඳහා...

රූ රැජින වලියෙන් නෙළුම් පොකුණ විනාශයි..

ශ්‍රී ලංකා විවාහක රූ රැජින තේරීම සඳහා පැවැති උත්සවයේදී ඇතිවූ අර්බුදකාරී තත්ත්වය හේතුවෙන් නෙළුම්...

අපගේ නවතම පුවත්

0
මේ පුවත ගැන ඔබේ ප්‍රතිචාරය කුමක්ද ?x
()
x